← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܦܥܠܐ ܪܘܝܐ ܠܐ ܢܥܬܪ܃ ܘܕܪܚܡ ܒܣܪܐ ܢܐܪܬ ܡܣܟܢܘܬܐ܂
19:02 [ai]ܚܡܪܐ ܘܐܢܬܬܐ ܡܦܚܙܝܢ ܠܒܐ܂ ܘܕܡܬܕܒܩ ܠܙܢܝܬܐ ܢܐܒܕ܂
19:03 [ai]ܢܦܫܐ ܚܨܝܦܬܐ ܬܘܒܕ ܡܪܗ܂
19:04 [ai]ܘܕܡܗܝܡܢ ܒܥܓܠ ܚܣܝܪ ܪܥܝܢܐ ܗܘ܂ ܕܡܚܛܐ ܢܦܫܗ ܡܢܘ ܢܙܟܝܘܗܝ܂
19:05 [ai]ܘܕܚܕܐ ܥܠ ܒܝܫܬܐ ܢܗܘܐ ܬܒܪܗ܂
19:06 [ai]ܕܬܢܐ ܡܠܬܐ ܚܣܝܪ ܪܥܝܢܐ ܗܘ܃
19:07 [ai]ܠܥܠܡ ܠܐ ܬܬܢܐ ܡܠܬܐ܂ ܘܐܢܫ ܠܐ ܢܚܣܕܟ
19:08 [ai]ܒܪܚܡܐ܂ ܘܒܣܢܐܐ ܠܐ ܬܕܓܠ܂ ܘܐܢ ܐܝܬ ܠܟ ܚܛܗܐ ܒܥܝ ܥܠܝܗܘܢ܂ ܘܠܥܠܡ ܩܪ̈ܨܐ ܕܐܢܫ ܠܐ ܬܐܟܘܠ܂
19:09 [ai]ܕܠܐ ܡܿܢ ܕܢܫܡܥܟ/ܕܫܡܿܥ#1#/ ܢܣܢܝܟ܂ ܘܐܝܟ ܣܪܘܚܐ ܢܚܫܒܟ܂
19:10 [ai]ܫܡܼܥܬ ܡܠܬܐ ܬܡܘܬ ܒܠܒܟ܂ ܠܐ ܗܘܼܬ ܓܐܪܐ ܕܬܼܒܙܥܟ ܘܬܦܘܩ܂
19:11 [ai]ܡܢ ܩܕܡ ܡܠܬܐ ܡܚܒܠ ܣܟܠܐ܂ ܐܝܟ ܕܡܚܒܠܐ ܝܠܕܬܐ ܡܢ ܩܕܡ ܥܘܠܗ܃
19:12 [ai]ܐܝܟ ܓܐܪܐ ܕܡܚܐ ܒܚܪܘܬܗ ܕܓܒܪܐ܂ ܗܟܢܐ ܡܠܬܐ ܒܡܥ̈ܘܗܝ ܕܣܟܠܐ܀
19:13 [ai]ܐܟܣ ܪܚܡܟ ܕܠܐ ܢܥܒܕ ܕܒܝܫ܂ ܘܐܢ ܥܒܕ ܕܠܐ ܢܘܣܦ܂
19:14 [ai]ܐܟܣ ܩܪܝܒܟ܂ ܕܠܡܐ ܢܐܡܪ܂ ܘܐܢ ܐܡܪ ܕܠܐ ܢܬܢܐ܂
19:15 [ai]ܐܟܣ ܪܚܡܟ ܡܛܠ ܕܟܡܐ ܙܒ̈ܢܝܢ ܗܘܐ ܡܐܟܠ ܩܪܨܐ ܣܪܝܩܐ܂ ܘܠܐ ܠܟܠ ܡܠܐ ܢܗܝܡܢ ܠܒܟ܂
19:16 [ai]ܐܝܬ ܓܝܪ ܕܚܛܐ ܘܠܐ ܡܢ ܠܒܗ܂ ܘܐܝܬ ܕܡܬܬܩܠ ܘܠܐ ܒܠܫܢܗ܂
19:17 [ai]ܐܟܣ ܠܒܝܫܐ ܕܠܣ̈ܓܝܐܐ ܛܠܡ܂ ܘܠܐ ܠܟܘܠ ܡܠܐ ܬܗܝܡܢܝܘܗܝ܂
19:20 [ai]ܡ̈ܠܐ ܕܢܒܝܘܬܐ ܘܟܠ ܚܟܡܬܐ ܕܚܠܬܗ ܕܡܪܝܐ܂ ܘܕܚܠܬܗ ܕܐܠܗܐ ܗܝܼ ܗܝ ܚܟܡܬܐ܂
19:22 [ai]ܠܝܬ ܚܟܝܡܐ ܕܒܝܫ܃ ܘܠܝܬ ܬܪܥܝܬܐ ܕܚܛܝ̈ܐ ܕܣܟܘܠܬܢܝܐ܂
19:23 [ai]ܐܝܬ ܥܪܝܡܘܬܐ ܕܒܪܝܐ ܚܛܗ̈ܐ܂ ܘܐܝܬ ܣܟܠܐ ܕܚܣܝܪ ܚܛܗ̈ܐ܂
19:24 [ai]ܐܝܬ ܚܣܝܪ ܡܕܥܐ ܕܡܬܦܨܐ ܡܢ ܚܛܗ̈ܐ܂ ܘܐܝܬ ܝܬܝܪ ܡܕܥܐ ܕܚܛܐ܂
19:25 [ai]ܐܝܬ ܕܥܪܝܡ ܘܨܒܐ ܠܡܕܓܠܘ܃ ܘܡܬܥܩܡ ܠܡܓܠܐ ܕܝܢܐ܂
19:26 [ai]ܐܝܬ ܕܡܬܚܙܐ ܐܝܟ ܡܟܝܟܐ ܘܐܝܟ ܬܒܝܪ ܢܦܫܐ܂ ܘܓܘ ܠܒܗ ܡܠܐ ܢܟܠܐ܂
19:27 [ai]ܐܝܬ ܕܡܪ̈ܟܢܢ ܐܦܘ̈ܗܝ ܘܡܬܪܥܐ ܒܝܫܬܐ܂ ܘܒܐܬܪ ܕܠܐ ܝܕܥܝܢ ܠܗ ܩܪܝܢ ܠܗ ܟܐܢܐ܂
19:28 [ai]ܐܝܬ ܕܡܛܠ ܕܠܝܬ ܒܗ ܚܝܠܐ ܡܬܟܠܐ ܡܢ ܕܠܡܚܛܐ܂ ܘܐܢ ܡܫܟܚ ܠܡܒܐܫܘ ܡܒܐܫ܂
19:29 [ai]ܐܝܬ ܕܡܢ ܚܙܘܐ ܕܐܦܘ̈ܗܝ ܦܪܫ ܠܗ ܓܒܪܐ܃ ܘܡܢ ܩܒܘܠ ܝܕܥ ܠܗ ܚܟܝܡܐ܂
19:30 [ai]ܚܙܘܗ ܕܓܒܪܐ ܡܚܘܐ ܥܒ̈ܕܘܗܝ܃ ܘܦܣ̈ܥܬܗ ܕܒܪ ܐܢܫܐ ܡܣ̈ܗܕܢ ܥܠܘܗܝ

next chapter