← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܐܝܬ ܡܣܟܢܘܬܐ ܕܠܐ ܝܐܝܐ܂ ܘܐܝܬ ܕܫܬܝܩ ܘܗܘ ܚܟܝܡ܂
20:02 [ai]ܠܝܬ ܠܗ ܛܝܒܘܬܐ ܠܡܢ ܕܡܟܣ ܠܥܘܠܐ܂ ܘܡܫܬܒܚ ܡܢ ܟܪ ܕܠܐ ܘܠܐ ܠܗ ܠܡܫܬܒܚܘ܂
20:04 [ai]ܡܬܪܓܪܓ ܡܗܝܡܢܐ ܠܡܕܡܟ ܥܡ ܒܬܘܠܬܐ܂ ܗܟܢܐ ܡܢ ܕܥܒܕ ܕܝܢܐ ܒܐܘܠܨܢܐ܂
20:05 [ai]ܐܝܬ ܕܟܕ ܫܬܝܩ ܡܬܚܫܒ ܚܟܝܡܐ܂ ܘܐܝܬ ܕܡܣܬܢܐ ܒܣܘܓܐܐ ܕܫܘ̈ܥܝܬܗ܂
20:06 [ai]ܐܝܬ ܕܡܡܠܠ ܐܝܟܐ ܕܠܐ ܘܠܐ ܠܗ ܠܡܡܠܠܘ܂
20:07 [ai]ܘܓܒܪܐ ܚܟܝܡܐ ܢܛܪ ܥܕܢܐ܂ ܘܓܒܪܐ ܥܘܠܐ ܘܡܪܚܐ ܠܐ ܢܛܪ ܥܕܢܐ܂
20:08 [ai]ܐܝܬ ܕܒܣܘܓܐܐ ܕܫܘ̈ܥܝܬܗ ܡܣܬܢܐ܂ ܘܕܡܬܓܐܐ ܢܣܬܢܘܢ ܚܝܘ̈ܗܝ܂
20:09 [ai]ܐܝܬ ܡܕܡ ܕܠܒܝܫܬܗ ܗܘ ܕܓܒܪܐ܂ ܘܐܝܬ ܫܘ̈ܥܝܬܐ ܕܠܚܘܣܪܢܗ܂ ܐܝܟܢܐ ܓܝܪ ܕܬܫܕܐ ܟܐܦܐ ܒܥܘܦܐ ܘܬܦܪܚܝܘܗܝ܃ ܗܟܢܐ ܬܘܒܕ ܪܚܡܘܬܗ ܕܪܚܡܟ ܕܫܪܪܐ ܘܠܐ ܬܫܟܚܝܗ܂
20:12 [ai]ܐܝܬ ܕܝܙܦ ܣܓܝ ܐܝܟ ܙܥܘܪ܂ ܘܦܪܥ ܠܗ ܚܕ ܒܫܒܥܐ܂
20:14 [ai]ܡܘܗܒܬܗ ܕܣܟܠܐ ܠܐ ܫܘܝܐ ܠܗ܂ ܡܛܠ ܕܥܝ̈ܢܘܗܝ ܚܕ ܒܫܒܥܐ ܣܝܡܢ ܠܦܘܪܥܢܘܬܐ܂
20:15 [ai]ܙܥܘܪ ܝܗܒ ܘܣܓܝ ܡܚܣܕ܂ ܘܦܬܚ ܦܘܡܗ ܘܡܡܠܠ ܕܒܝܫ ܘܣܪܒ܂ ܝܘܡܢܐ ܡܘܙܦ ܘܡܚܪ ܬܒܥ܂ ܘܓܒܝܬܗ ܓܒܝܬܐ ܗܝ ܕܦܘܪܥܢܘܬܐ܂ ܐܝܠܝܢ ܕܗܟܢܐ ܐܝܬܝܗܘܢ܃ ܠܐܠܗܐ ܘܠܒܢܝܢ̈ܫܐ ܣܢܝܐܝܢ ܐܢܘܢ܂
20:16 [ai]ܣܟܠܐ ܐܡܪ ܠܝܬ ܠܝ ܪ̈ܚܡܐ܂ ܘܠܝܬ ܛܝܒܘ ܠܛܝܒܘܬܝ܂ ܐܟ̈ܠܝ ܠܚܡܝ ܐܝܟ ܫܘܥܐ ܕܟܐܦܐ܂
20:17 [ai]ܐܠܐ ܐܟܘܬܗ ܢܡܝܩܘܢ ܥܠܘܗܝ܃ ܐܝܟ ܡܝ̈ܐ ܕܐܫܝܕܝܢ ܥܠ ܫܘܥܐ ܕܟܐܦܐ܂ ܗܟܢܐ ܠܫܢܗ ܕܥܘܠܐ ܒܝܢܬ ܙܕܝܩ̈ܐ܂ ܐܝܟܢܐ ܕܠܐ ܡܫܟܚܐ ܐܠܝܬܐ ܕܬܬܐܟܠ ܕܠܐ ܡܠܚܐ܂ ܗܟܢܐ ܡܠܬܐ ܕܠܐ ܡܬܐܡܪܐ ܒܥܕܢܗ܂
20:20 [ai]ܒܦܘܡܗ ܕܣܟܠܐ ܬܬܩܠ ܡܠܬܐ܂ ܡܛܠ ܕܠܐ ܐܡܪ ܠܗ ܒܥܕܢܗ܂
20:21 [ai]ܐܝܬ ܕܡܬܦܠܛ ܡܢ ܚܛܗ̈ܐ ܡܛܠ ܨܪܝܟܘܬܗ܂ ܡܢܘ ܗܢܐ ܕܗܘܐ ܙܕܝܩܐ܂ ܘܥܠ ܥܘܬܪܗ ܡܬܬܢܝܚ܃
20:22 [ai]ܐܝܬ ܕܡܘܒܕ ܢܦܫܗ ܡܢ ܒܗܬܬܗ܃ ܘܡܢ ܟܘܣܝ ܐܦܘܗܝ ܓܡܪ܂
20:23 [ai]ܐܝܬ ܕܡܢ ܒܗܬܬܗ ܡܬܟܠ ܚܒܪܗ܃ ܘܩܢܐ ܠܗ ܣܢܐܐ ܡܓܢ܂
20:24 [ai]ܡܕܡ ܕܒܝܫ ܒܐܢ̈ܫܐ ܕܓܠܘܬܐ܂ ܘܒܦܘܡܗ ܕܣܟܠܐ܂ ܗܝ ܣܓܝܐܐ܂
20:25 [ai]ܡܬܪܓܪܓ ܠܡܓܢܒ ܐܦ ܠܡܕܓܠܘ܂ ܘܬܪ̈ܬܝܗܝܢ ܐܘܪ̈ܚܬܗ ܒܗܬܬܐ ܢܘܪ̈ܬܢ܂
20:26 [ai]ܡܛܠ ܕܚܪܬܗ ܕܒܪܢܫܐ ܕܓܠܐ ܠܠܘܛܬܐ ܘܒܗܬܬܗ ܥܡܗ ܬܐܒܕ܀
20:27 [ai]ܡܠܐ ܡ̈ܬܠܐ ܕܚܟܡܬܐ܂ ܐܝܟ ܙܥܘܪܐ ܢܚܘܐ ܢܦܫܗ܂ ܘܓܒܪܐ ܚܟܝܡܐ ܢܫܬܠܛ ܒܪ̈ܘܪܒܢܐ܂
20:29 [ai]ܩܘܪܒܢܐ ܘܫܘܚܕܐ ܡܒܗܬܝܢ ܥܝ̈ܢܐ܂ ܘܣܟܪ ܦܘܡܐ ܘܡܒܛܠ ܡܟܣܢܘܬܐ܂
20:30 [ai]ܚܟܡܬܐ ܛܡܝܪܬܐ ܘܣܝܡܬܐ ܕܡܛܫܝܐ܂ ܡܢܐ ܗܢܝܢܐ ܐܝܬ ܒܬܪ̈ܬܝܗܝܢ܂
20:31 [ai]ܛܒ ܗܘ ܓܒܪܐ ܕܡܛܫܐ ܣܟܠܘܬܗ ܛܒ ܡܢ ܓܒܪܐ ܕܡܛܫܐ ܚܟܡܬܗ܀

next chapter