← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܚܟܡܬܐ ܬܫܒܚ ܢܦܫܗ܃ ܘܒܓܘ ܥܡܗ ܕܐܠܗܐ ܬܬܝܩܪ܂
24:02 [ai]ܒܟܢܘܫܬܗ ܕܐܠܗܐ ܬܦܬܚ ܦܘܡܗ܃ ܘܒܓܘ ܚܝܠܘ̈ܬܗ ܬܫܬܒܚ܂
24:03 [ai]ܐܢܐ ܡܢ ܦܘܡܗ ܕܥܠܝܐ ܢܦܩܬ܂ ܘܐܝܟ ܥܪܦܠܐ ܟܣܝܬ ܐܪܥܐ܂
24:04 [ai]ܐܢܐ ܒܡܪ̈ܘܡܐ ܥ̈ܠܝܐ ܢܩܫܬ ܡܫܟܢܝ܂ ܘܟܘܪܣܝ ܒܥܡ̈ܘܕܝ ܥܢ̈ܢܐ܂
24:05 [ai]ܒܫܡܝܐ ܥܡܗ ܐܟܚܕܐ ܫܪܝܬ܂ ܘܒܥܩܪܐ ܕܬܗܘ̈ܡܐ ܐܢܐ ܗܠܟܬ܂
24:06 [ai]ܒܡܒܘ̈ܥܐ ܕܝܡ̈ܐ ܘܒܫܬܐ̈ܣܝܗ ܕܬܒܝܠ܂ ܘܒܟܠܗܘܢ ܥܡܡ̈ܐ ܘܐܡ̈ܘܬܐ ܐܫܬܠܛܬ܂
24:07 [ai]ܘܒܗܠܝܢ ܟܠܗܝܢ ܢܝܿܚܐ ܒܥܝܬ ܠܝ܂ ܕܒܐܝܢܐ ܝܘܬܪܢܐ ܐܫܪܐ܂
24:08 [ai]ܗܝܕܝܢ ܦܩܕܢܝ ܡܪܐ ܟܠ܂ ܘܡܢ ܕܥܒܕܢܝ ܘܐܫܪܝ ܡܫܟܢܝ ܐܡܪ ܠܝ܂ ܕܒܝܥܩܘܒ ܫܪܝ ܘܐܫܬܪܪ ܒܐܝܣܪܝܠ܂
24:09 [ai]ܡܢ ܩܕܡ ܥܠܡܐ ܐܬܒܪܝܬ܂ ܘܠܥܠܡ ܥܠܡܝܢ ܠܐ ܢܒܛܠ ܕܘܟܪܢܝ܂
24:10 [ai]ܒܡܫܟܢܐ ܩܕܝܫܐ ܩܕܡܘܗܝ ܫܡܫܬ܃ ܘܬܘܒ ܒܨܗܝܘܢ ܐܢܐ ܩܡܬ܂
24:11 [ai]ܒܩܪܝܬܐ ܕܪܚܝܡܐ ܠܗ ܐܟܘܬܝ ܐܬܢܝܚܬ܂ ܘܒܐܘܪܫܠܡ ܫܘܠܛܢܝ ܗܘܐ܂
24:12 [ai]ܘܐܬܪܒܝܬ ܒܥܡܐ ܝܩܝܪܐ܂ ܒܡܢܬܗ ܕܡܪܝܐ ܘܒܓܘ ܝܪܬܘܬܗ ܐܝܣܪܝܠ܂
24:13 [ai]ܐܝܟ ܐܪܙܐ ܐܬܪܒܝܬ ܒܠܒܢܢ܂ ܘܐܝܟ ܐܝܠܢܐ ܕܡܫܚܐ ܒܣܢܝܪ ܛܘܪܐ ܕܬܠܓܐ܂
24:14 [ai]ܘܐܝܟ ܕܩܠܐ ܐܬܪܒܝܬ ܒܥܝܢ ܓܕ ܘܐܝܟ ܥܪܒܬ ܘܪܕܐ ܒܐܝܪܝܚܘ܂ ܐܝܟ ܙܝܬܐ ܐܬܪܒܝܬ ܒܦܩܥܬܐ܂ ܘܐܬܪܒܝܬ ܐܝܟ ܕܘܠܒܐ ܥܠ ܡܝ̈ܐ܃
24:15 [ai]ܐܝܟ ܩܘܢܡܐ ܘܥܛܪܐ ܕܒܣ̈ܡܐ܂ ܘܐܝܟ ܡܘܪܐ ܛܒܐ ܐܒܣܡܬ ܪܝܚܝ܃ ܘܐܝܟ ܠܒܘܢܬܐ ܘܚܠܒܢܝܬܐ ܘܛܦܪܐ ܘܦܘܪܣܡܐ܂ ܘܐܝܟ ܡܫܚܐ ܛܒܐ ܝܗܒܬ ܪܝܚܝ܂
24:16 [ai]ܐܢܐ ܐܝܟ ܪܘܕܕܦܢܐ ܢܩܫܬ ܥܩܪ̈ܝ܂ ܘܣ̈ܘܟܝ ܣܘ̈ܟܝ ܬܫܒܘܚܬܐ ܘܐܝܩܪܐ܃
24:17 [ai]ܐܢܐ ܐܝܟ ܓܦܬܐ ܝܐܝܬ ܫܘܦܪܐ܂ ܘܢܘܪܒܝ ܢܘܪ̈ܒܝ ܙܝܘܐ ܘܗܕܪܐ܂
24:19 [ai]ܣܛܘ ܠܘܬܝ ܟܠ ܕܡܬܪܓܪܓܝܢ ܠܝ܂ ܘܡܢ ܥ̈ܠܠܬܝ ܛܒ̈ܬܐ ܬܬܦܢܩܘܢ܂
24:20 [ai]ܡܛܠ ܕܝܘܠܦܢܝ ܡܢ ܕܒܫܐ ܚܠܐ܂ ܘܠܕܝܪܬܝܢ ܠܝ ܡܢ ܟܟܪܝܬܐ܂
24:21 [ai]ܐܟܘ̈ܠܝ ܬܘܒ ܢܟܦܢܘܢ ܠܝ܂ ܘܫ̈ܬܝܝ܂ ܬܘܒ ܢܨܗܘܢ ܠܝ܂
24:22 [ai]ܕܫܡܥ ܠܝ ܠܐ ܢܦܠ܂ ܘܟܠ ܥܒ̈ܕܘܗܝ ܠܐ ܢܬܚܒܠܘܢ܂
24:23 [ai]ܗܠܝܢ ܟܠܗܝܢ ܒܣܦܪܐ ܕܩܝܡܗ ܕܡܪܝܐ ܟܬܝܒ̈ܢ܂ ܢܡܘܣܐ ܕܦܩܕܢ ܡܘܫܐ܂ ܝܘܪܬܢܐ ܗܘ ܠܟܢܘܫܬܗ ܕܝܥܩܘܒ܂
24:25 [ai]ܕܡܠܐ ܐܝܟ ܢܗܪܐ ܦܝܫܘܢ ܚܟܡܬܐ܂ ܘܐܝܟ ܕܩܠܬ ܒܝܘ̈ܡܝ ܥܠܠܬܗ܂
24:26 [ai]ܘܡܛܝܦܐ ܐܝܟ ܦܪܬ ܣܟܘܠܬܢܘܬܐ܂ ܘܐܝܟ ܝܘܪܕܢܢ ܒܝܘܡ̈ܝ ܢܝܣܢ܂
24:27 [ai]ܘܡܫܦܥܐ ܐܝܟ ܢܗܪܐ ܝܘܠܦܢܐ܂ ܘܐܝܟ ܓܝܚܘܢ ܒܝܘ̈ܡܝ ܩܛܦܐ܂
24:28 [ai]ܠܐ ܢܓܡܪܘܢܗ ܩܕܡ̈ܝܐ ܠܚܟܡܬܐ܂ ܘܐܚܪ̈ܝܐ ܠܐ ܢܕܪܟܘܢܗ܂
24:29 [ai]ܡܛܠ ܕܡܢ ܝܡܐ ܪܒܐ ܣܓܝܬ ܚܟܡܬܐ܂ ܘܡܚܫܒܬܐ ܡܢ ܬܗܘܡܐ ܪܒܐ܂
24:30 [ai]ܐܦ ܐܢܐ ܐܝܟ ܢܗܪܐ ܕܡܫܩܐ܂ ܘܐܝܟ ܐܡܐ ܕ̈ܡܝܐ ܕܢܚܬܐ ܠܓܢ̈ܐ܃
24:31 [ai]ܐܡܪܬ ܕܐܫܩܐ ܓܢܬܝ ܘܐܪܘܐ ܡܫ̈ܟܒܝ܃ ܘܗܐ ܐܦ ܗܘܐ ܠܝ ܢܚܠܐ܂ ܘܢܗܪܝ ܡܛܐ ܥܠ ܝܡܐ܂
24:32 [ai]ܬܘܒ ܝܘܠܦܢܝ ܒܨܦܪܐ ܐܡܪ ܘܐܫܒܩܝܘܗܝ ܠܕܪ̈ܐ ܣܓܝ̈ܐܐ܂
24:33 [ai]ܬܘܒ ܝܘܠܦܢܝ ܒܢܒܝܘܬܐ ܐܡܪ܂ ܘܐܚܪܝܬܗ ܥܕܡܐ ܠܪܘܚܩܐ܀

next chapter