← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܠܬܠܬ ܨܒ̈ܘܢ ܐܬܪܓܪܓܬ ܢܦܫܝ܃ ܘܗܢ̈ܝܢ ܝܐ̈ܝܢ ܩܕܡ ܐܠܗܐ ܘܩܕܡ ܒܢܝܢܫܐ܂ ܐܚܘܬ ܐܚܝܢ ܘܪܚܡܘܬ ܪ̈ܚܡܝܢ܂ ܘܓܒܪܐ ܘܐܢܬܬܗ ܟܕ ܢܗܘܘܢ ܫܠܡܝܢ܂ܼ
25:02 [ai]ܬܠܬܐ ܓܢܣ̈ܢܝܢ ܣܢܬ ܢܦܫܝ܂ ܘܥܩܬ ܠܝ ܛܒ ܒܚܝ̈ܝܗܘܢ܂ ܡܣܟܢܐ ܓܐܝܐ ܘܥܬܝܪܐ ܟܕܒܐ܂ ܘܣܒܐ ܣܟܠܐ ܘܚܣܝܪ ܡܕܥܐ܂
25:03 [ai]ܒܛܠܝܘܬܟ ܠܐ ܟܢܫܬ ܚܟܡܬܐ܂ ܐܝܟܢܐ ܬܫܟܚܝܗ ܒܣܝܒܘܬܟ܂
25:04 [ai]ܡܐ ܝܐܝܐ ܠܣܒ̈ܐ ܕܝܢܐ܂ ܘܠܥ̈ܬܝܩܝ ܝܘܡ̈ܬܐ ܣܟܘܠܬܢܘܬܐ܂
25:05 [ai]ܡܐ ܝܐܝܐ ܠܪ̈ܘܪܒܢܐ ܚܟܡܬܐ܂ ܘܠܝܩܝܪ̈ܐ ܛܥܡܐ ܘܪܥܝܢܐ܂
25:06 [ai]ܐܝܩܪܗܘܢ ܕܩܫܝܫ̈ܐ ܣܓܝܐܘܬ ܪܥܝܢܐ܂ ܘܕܚܠܬܗ ܕܐܠܗܐ ܬܫܒܘܚܬܗܘܢ܀
25:07 [ai]ܬܫܥ ܕܠܐ ܥܠ ܠܒܝ ܫܒܚܬ܂ ܘܥܣܪ ܕܠܐ ܡܠܠܬ܂ ܓܒܪܐ ܕܚܕܐ ܒܐܚܪܝܬܗ܃ ܥܕ ܗܘ ܚܝ ܢܚܙܐ ܒܡܦܘܠܬܐ ܕܣܢ̈ܐܘܗܝ܂
25:08 [ai]ܛܘܒܘܗܝ ܠܒܥܠܗ ܕܐܢܬܬܐ ܛܒܬܐ܂ ܕܠܐ ܕܒܪ ܦܕܢܐ ܒܬܘܪܐ ܘܒܚܡܪܐ ܐܟܚܕܐ܂ ܛܘܒܘܗܝ ܠܕܠܫܢܗ ܠܐ ܩܠܩܠܗ܂ ܘܠܐ ܦܠܚ ܠܕܙܥܘܪ ܡܢܗ܂
25:09 [ai]ܛܘܒܘܗܝ ܠܓܒܪܐ ܕܐܫܟܚ ܪ̈ܚܡܐ܂ ܘܡܫܬܥܐ ܠܐܕܢܐ ܕܫܡܥܐ܃ ܛܘܒܘܗܝ ܠܓܒܪܐ ܕܠܐ ܬܒܪܬܗ ܡܣܟܢܘܬܐ܂ ܘܠܐ ܬܒܪܬܗ ܥܢܘܝܘܬܐ܂
25:11 [ai]ܕܚܠܬܗ ܕܐܠܗܐ ܥܠ ܟܠܗܝܢ ܗܠܝܢ ܐܬܬܪܝܡܬ܂
25:13 [ai]ܟܠ ܡܚܘܐ ܘܠܐ ܐܝܟ ܡܚܘܬܐ ܕܠܒܐ܂ ܘܟܠ ܒܝܫ̈ܢ ܘܠܐ ܐܝܟ ܒܝܫܘܬܗ ܕܐܢܬܬܐ܂
25:14 [ai]ܟܠ ܐܘܠܨ̈ܢܝܢ ܘܠܐ ܐܝܟ ܐܘܠܨܢܐ ܕܣܢܐܐ܂ ܘܟܠ ܦܘܪ̈ܥܢܝܢ ܘܠܐ ܐܝܟ ܦܘܪܥܢܐ ܕܒܥܠܕܒܒܐ܃
25:15 [ai]ܠܝܬ ܪܫܐ ܡܪܝܪܐ ܡܢ ܪܝܫܗ ܕܚܘܝܐ܂ ܘܠܝܬ ܒܥܠܕܒܒܘܬܐ ܕܡܪܝܪܐ ܡܢ ܕܐܢܬܬܐ܂
25:16 [ai]ܦܩܚ ܠܡܥܡܪ ܠܘܬ ܐܪܝܐ ܘܠܘܬ ܬܢܝܢܐ܂ ܡܢ ܕܠܡܥܡܪ ܥܡ ܐܢܬܬܐ ܒܝܫܬܐ ܒܓܘ ܒܝܬܐ܂
25:17 [ai]ܒܝܫܘܬܗ ܕܐܢܬܬܐ ܒܝܫܬܐ܃ ܬܘܪܩ ܐ̈ܢܝܢ ܐܦܘ̈ܗܝ ܕܒܥܠܗ܂ ܘܬܘܟܡ ܐܢܝ̈ܢ ܐܝܟ ܓܘܢܐ ܕܣܩܐ܂
25:18 [ai]ܒܝܢܬ ܚܒܪ̈ܘܗܝ ܝܬܒ ܒܥܠܗ ܕܣܟܠܬܐ܂ ܘܕܠܐ ܒܨܒܝܢܗ ܡܬܬܢܚ܂
25:19 [ai]ܣܓܝܐܐ ܒܝܫܬܐ܂ ܘܠܐ ܐܝܟ ܙܥܘܪܘܬ ܒܝܫܘܬܗ ܕܐܢܬܬܐ܂ ܦܨܬܐ ܕܚܛܗ̈ܐ ܬܦܠ ܥܠܝܗ܂
25:20 [ai]ܐܝܟ ܡܣܩܬܐ ܕܚܠܐ ܒܪ̈ܓܠܘܗܝ ܕܓܒܪܐ ܩܫܝܫܐ ܗܟܢܐ ܗܝ ܐܢܬܬܐ ܕܠܫܢܗ ܐܪܝܟ ܠܘܬ ܓܒܪܐ ܡܟܝܟܐ܀
25:21 [ai]ܠܐ ܬܫܬܕܠ ܠܫܘܦܪܗ ܕܐܢܬܬܐ ܒܝܫܬܐ܂ ܘܐܦܢ ܐܝܬ ܠܗ ܢܟܣ̈ܐ ܠܐ ܬܬܪܓܪܓ ܠܗ܂
25:22 [ai]ܡܛܠ ܕܦܘܠܚܢܐ ܩܫܝܐ ܘܒܗܬܬܐ ܒܝܫܬܐ܂ ܐܢܬܬܐ ܕܣܪܚܐ ܥܠ ܒܥܠܗ܃ ܘܠܒܐ ܕܥܡܗ ܡܚܦܝܐ܂
25:23 [ai]ܚܫܘܟܐ ܘܡܚܘܬܐ ܕܠܒܐ ܐܢܬܬܐ ܒܝܫܬܐ܂ ܪܦܝܘܬܐ ܕܐܝ̈ܕܝܐ ܘܬܒܪܐ ܕܒܘܪ̈ܟܐ܂ ܐܢܬܬܐ ܕܠܐ ܡܝܩܪܐ ܘܡܫܒܚܐ ܒܥܠܗ܂
25:24 [ai]ܡܢ ܐܢܬܬܐ ܫܪܝܘ ܚܛܗ̈ܐ ܘܡܛܠܬܗ ܟܠܢ ܡܝܬܝܢܢ܂
25:25 [ai]ܠܐ ܬܬܠ ܠܡܝ̈ܐ ܡܦܩܢܐ܂ ܘܠܐܢܬܬܐ ܒܝܫܬܐ ܐ̈ܦܐ ܘܫܘܠܛܢܐ܂ ܐܝܟ ܬܘܪܥܬܐ ܓܝܪ ܕܡܝ̈ܐ ܕܐܙܠܐ ܘܣܓܝܐ܂ ܗܟܢܐ ܐܝܬܝܗ ܐܢܬܬܐ ܒܝܫܬܐ ܐܙܠܐ ܘܚܛܝܐ܂
25:26 [ai]ܘܐܠܐ/ܘܐܢ ܠܐ#1#/ ܐܝܬܝܗ ܐܬܝܐ ܒܬܪܟ܂ ܒܣܪܟ ܩܨܨ ܗܒ ܠܗ ܘܫܪܝܗ ܡܢ ܒܝܬܟ܂

next chapter