← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


27:01 [ai]ܣܓܝ̈ܐܐ ܕܚܛܘ ܡܛܠ ܕܠܝܬ ܒܗܘܢ ܕܚܠܬܐ܂ ܘܕܨܒܐ ܠܡܣܓܝܘ ܚܛܗ̈ܐ ܡܗܡܐ ܥܝܢܘ̈ܗܝ܀
27:02 [ai]ܒܝܬ ܟܐܦܐ ܠܚܒܪܬܗ ܥܐܠܐ ܣܟܬܐ܂ ܘܒܝܬ ܙܒܘܢܐ ܠܡܙܒܢܢܐ ܡܬܩܦܝܢ ܚܛܗ̈ܐ܀
27:03 [ai]ܒܪܝ ܐܢ ܥܠ ܕܚܠܬܗ ܕܐܠܗܐ ܬܥܒܪ ܩܠܝܠ ܙܒܢܐ ܣܓܝܐܐ ܬܚܣܪ܂
27:04 [ai]ܐܝܟ ܬܢܢܐ ܣܓܝܐܐ ܠܥܠ ܡܢ ܢܘܪܐ܂ ܗܟܢܐ ܫܘܥܝ̈ܬܐ ܕܐܢܫ̈ܐ ܥܠ ܚܘܫܒܢܐ܂
27:06 [ai]ܐܝܟ ܕܦܘܠܚܢܐ ܕܐܝܠܢܐ ܥܒܕ ܦܐܪ̈ܐ ܗܟܢ ܚܘܫ̈ܒܢܝܗܘܢ ܥܠ ܬܪ̈ܥܝܬܗܘܢ ܕܒܢܝ ܐܢܫܐ܂
27:08 [ai]ܐܢ ܬܒܥܐ ܩܘܫܬܐ ܬܫܟܚܝܘܗܝ ܘܬܠܒܫܝܘܗܝ ܐܝܟ ܢܚܬܐ ܕܬܫܒܘܚܬܐ܂
27:09 [ai]ܦܪܚܬܐ ܕܫܡܝܐ ܠܘܬ ܓܢܣܗ ܫܟܢܐ܂ ܘܩܘܫܬܐ ܠܘܬ ܥܒ̈ܘܕܘܗܝ ܐܙܠ܂
27:10 [ai]ܐܪܝܐ ܠܬܒܪܐ ܟܡܢ܂ ܗܟܢܐ ܥܘܠܐ ܠܥܒ̈ܕܝ ܚܛܗ̈ܐ܂
27:11 [ai]ܫܘ̈ܥܝܬܗܘܢ ܕܚܟ̈ܝܡܐ ܒܚܟܡܬܐ ܐܢܝ̈ܢ ܒܟܠ ܙܒܢ܂ ܘܣܟܠܐ ܐܝܟ ܣܗܪܐ ܡܫܬܚܠܦ܃
27:12 [ai]ܒܝܬ ܣܟ̈ܠܐ ܠܡܛܪ ܥܕܢܐ܂ ܘܒܝܬ ܚܟ̈ܝܡܐ ܠܡܡܠܠܘ ܐܡܝܢܐܝܬ܀
27:13 [ai]ܫܘܥ̈ܝܬܗܘܢ ܕܚܟܝܡܐ ܒܚܟܡܬܐ ܐܢ̈ܝܢ ܒܟܠܙܒܢ܂ ܘܣܟܠܐ ܐܝܟ ܣܗܪܐ ܡܫܬܚܠܦ ܫܘܥܝܬܗܘܢ ܕܣܟ̈ܠܐ ܣܢܝ̈ܢ ܐܢܝ̈ܢ܂ ܘܓܘܚܟܗܘܢ ܡܪܚܘܬܐ ܗܘ܂
27:14 [ai]ܡܘܗܒܬܗ ܕܪܫܝܥܐ ܡܙܩܦܐ ܡܢ̈ܐ ܕܣܥܪܐ܂ ܘܕܐܫܕ ܕܡܐ ܨܐܬ ܡ̈ܠܐ ܕܥܘ̈ܠܐ܂
27:16 [ai]ܒܝܬ ܪ̈ܫܝܥܐ ܠܐ ܬܬܒ܂ ܘܡܐ ܕܓܚܟܝܢ ܣܟܪ ܐܕܢ̈ܝܟ܂ ܕܓܠܐ ܪܐܙܐ ܡܘܒܕ ܗܝܡܢܘܬܗ܂ ܘܠܐ ܢܫܬܟܚ ܠܗ ܪܚܡܐ ܐܝܟ ܢܦܫܗ܂
27:17 [ai]ܢܣܐ ܚܒܪܟ ܘܐܬܬܟܠ ܥܠܘܗܝ܃ ܐܢ ܕܝܢ ܓܠܐ ܪܐܙܐ ܕܗܝܡܢܘܬܐ ܠܐ ܬܐܙܠ ܒܬܪܗ܂
27:18 [ai]ܐܟܙܢܐ ܓܝܪ ܕܓܒܪܐ ܕܐܘܒܕ ܡܢܬܗ ܗܟܢܐ ܐܘܒܕܬ ܪܚܡܘܬܗ܂ ܕܪܚܡܟ܂
27:19 [ai]ܘܐܝܟ ܥܘܦܐ ܡܢ ܐܝܕܟ ܐܦܪܚܬܝܗܝ ܘܠܐ ܬܨܘܕܝܘܗܝ܂
27:20 [ai]ܘܠܐ ܬܪܕܘܦ ܒܬܪܗ܂ ܡܛܠ ܕܐܬܦܠܛ ܐܝܟ ܛܒܝܐ ܡܢ ܢܫܒܐ ܘܐܝܟ ܨܦܪܐ ܡܢ ܦܚܐ܂
27:21 [ai]ܡܛܠ ܕܠܨܘܠܦܬܐ ܐܝܬ ܥܨܒܐ܃ ܘܠܡܨܘܬܐ ܐܝܬ ܬܘܪܥܬܐ܂ ܠܡܓܠܐ ܕܝܢ ܪܐܙܐ܂ ܦܣܩ ܣܒܪܐ ܗܘ܂
27:22 [ai]ܘܕܪܡܐ ܥܝܢܗ ܢܗܘܐ ܬܒܪܗ܂
27:24 [ai]ܣܓܝ ܣܢܝܬ ܘܠܐ ܐܟܘܬܗ܃ ܘܐܦ ܐܠܗܐ ܢܣܢܝܘܗܝ ܘܢܠܘܛܝܘܗܝ܃
27:25 [ai]ܕܫܕܐ ܟܐܦܐ ܥܠܘܗܝ ܬܗܦܘܟ܂ ܘܕܡܚܐ ܒܣܬܪܐ ܠܐܒܕܢܐ ܢܬܝܗܒ܂
27:26 [ai]ܕܚܦܪ ܓܘܡܨܐ ܒܩܘܡܬܗ ܢܡܠܝܘܗܝ܃ ܘܕܨܠܐ ܦܚ̈ܐ ܒܗܘܢ ܢܬܬܚܕ܂
27:27 [ai]ܕܚܫܠ ܒܝܫܬܐ ܒܗ ܢܦܠ܂ ܘܠܐ ܢܕܥ ܡܢ ܐܝܡܟܐ ܬܐܬܐ ܥܠܘܗܝ ܒܝܫܬܐ܂
27:29 [ai]ܦܚ̈ܐ ܘܡܨܝ̈ܕܬܐ ܗܠܝܢ ܠܥܒ̈ܘܕܝܗܝܢ܂ ܘܗ̈ܢܝܢ ܢܠܘ̈ܝܢ ܐܢܘܢ ܥܕܡܐ ܠܝܘܡܐ ܕܡܘܬܗܘܢ܃
27:30 [ai]ܩܢܐܬܐ ܘܪܘܓܙܐ ܘܐܦ ܗܢ̈ܝܢ ܛܡܐ̈ܢ܃

next chapter