← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


31:01 [ai]ܫܗܪܐ ܡܕܝܒ ܒܣܪܗ ܕܥܬܝܪܐ܂ ܘܨܦܬܐ ܡܦܼܪܕܐ ܫܢܬܗ܃
31:02 [ai]ܨܦܬܐ ܕܡܙܘܢܐ ܕܚܩܐ ܢܘܡܬܐ܃ ܘܡܪܥܐ ܬܩܝܦܐ ܡܿܦܪܕ ܫܢܬܐ܂
31:03 [ai]ܥܡܠ ܥܬܝܪܐ ܠܡܟܢܫܘ ܠܗ ܢܟ̈ܣܐ܂ ܘܡܬܢܝܚ ܠܡܩܒܠܘ ܬܦܢܝܩ̈ܐ܂
31:04 [ai]ܥܡܠ ܡܣܟܢܐ ܠܚܣܝܪܘܬܐ ܕܥܘܡܪܗ܃ ܘܐܢ ܢܬܢܝܚ܂ ܢܗܘܐ ܨܪܝܟܐ܂
31:05 [ai]ܕܪܚܡ ܡܡܘܢܐ ܠܐ ܢܙܟܐ܂ ܘܕܪܕܦ ܒܬܪ ܩܢܝܢܐ ܒܗ ܢܛܥܐ܂
31:06 [ai]ܣܓܝ̈ܐܐ ܓܝܪ ܕܗܘܘ ܥܬܝܪ̈ܐ ܘܐܬܬܟܠܘ ܥܠ ܢܟ̈ܣܝܗܝܢ܃ ܘܠܐ ܐܫܟܚܘ ܠܡܦܨܝܘ ܐܢܘܢ ܡܢ ܒܝܫܬܐ܂ ܐܦܠܐ ܠܡܦܪܩ ܐܢܘܢ ܒܝܘܡܐ ܕܩܨܗܘܢ܂
31:07 [ai]ܡܛܠ ܕܬܘܩܠܬܐ ܗܘ ܡܡܘܢܐ ܠܣܟ̈ܠܐ܃ ܘܟܠ ܡܢ ܕܛܥܐ ܒܗ ܗܘ ܡܬܬܩܠ܂
31:08 [ai]ܛܘܒܘܗܝ ܠܥܬܝܪܐ ܕܐܫܬܟܚ ܕܠܐ ܡܘܡܐ܂ ܘܒܬܪ ܡܡܘܢܐ ܠܐ ܛܥܐ܂
31:09 [ai]ܡܢܘ ܗܢܐ ܘܢܫܒܚܝܘܗܝ܃ ܕܣܓܝ ܓܒܪ̈ܘܬܐ ܥܒܕ ܒܥܡܗ܂
31:10 [ai]ܡܢܘ ܗܢܐ ܕܐܬܕܒܩ ܒܗ ܘܗܘܐ ܠܗ ܫܠܡܐ܃ ܘܗܘܐ ܠܗ ܠܬܫܒܘܚܬܐ܂ ܡܢܘ ܗܢܐ ܕܐܫܟܚ ܠܡܛܥܐ ܘܠܐ ܛܥܐ܂ ܘܠܡܒܐܫܘ ܠܚܒܪܗ ܘܠܐ ܐܒܐܫ
31:11 [ai]ܡܛܠ ܗܢܐ ܢܥܫܢ ܛܘܒܗ܂ ܘܬܫ̈ܒܚܬܗ ܢܬܢܝ̈ܢ ܟܢ̈ܘܫܬܐ܀
31:12 [ai]ܒܪܝ ܐܢ ܬܬܒ ܥܠ ܦܬܘܪܗ ܕܓܒܪܐ ܥܬܝܪܐ ܠܐ ܬܦܬܚ ܓܓܪܬܟ ܥܠܘܗܝ܃ ܘܠܐ ܬܐܡܪ ܕܠܐ ܣܦܩ ܠܝ܂
31:13 [ai]ܡܛܠ ܕܒܝܫܘܬ ܥܝܢܐ ܣܢܐ ܐܠܗܐ܂ ܘܕܒܝܫ ܡܢܗ ܠܐ ܒܪܐ܂ ܡܛܠ ܗܢܐ ܡܢ ܩܕܡ ܟܠܡܕܡ ܙܝܥܐ ܥܝܢܐ܂ ܘܡܢ ܐܦ̈ܐ ܕܡܥܐ ܕܡ̈ܥܐ܂
31:14 [ai]ܡܐ ܕܚܙܝܬ ܠܐ ܬܘܫܛ ܐܝܕܟ܂ ܘܒܠܓܬܐ ܠܐ ܬܚܒܘܨ ܐܝܕܟ܃
31:15 [ai]ܕܥ ܕܚܒܪܟ ܐܝܟ ܕܝܠܟ܂
31:16 [ai]ܠܥܣ ܐܝܟ ܓܒܪܐ ܡܕܡ ܕܣܝܡ ܩܕܡܝܟ܂ ܘܠܐ ܬܗܘܐ ܓܓܪܢ ܕܠܐ ܬܣܬܢܐ܂
31:17 [ai]ܐܙܕܗܪ ܡܛܠ ܡܪܕܘܬܐ܂
31:18 [ai]ܘܟܕ ܬܬܒ ܒܝܬ ܣܓܝ̈ܐܐ ܠܡܠܥܣ܂ ܠܐ ܬܘܫܛ ܐܝܕܟ ܩܕܡܝܗܘܢ܂
31:19 [ai]ܡܕܡ ܓܝܪ ܙܥܘܪ ܡܣܬܗ ܕܙܕܝܩܐ܃ ܘܥܠ ܡܫܟܒܗ ܠܐ ܢܬܬܙܝܥ܂ ܟܐܒܐ ܘܫܗܪܐ ܘܫܚܩܐ ܘܫܘܢܩܐ ܘܗܦܟ ܓܘܐ ܥܡ ܓܒܪܐ ܝܥܢܐ܂
31:20 [ai]ܫܢܬܐ ܕܚܠܝܡܘܬܐ ܥܡ ܓܒܪܐ ܕܒܣܝܡܐܝܬ ܥܒܝܕ܂ ܕܥܕܡܐ ܠܨܦܪܐ ܢܕܡܟ ܘܢܦܫܗ ܠܘܬܗ܂
31:21 [ai]ܘܐܢ ܬܬܐܠܨ ܒܡܐܟ̈ܠܬܐ܂ ܓܕ ܢܦܫܟ ܡܢ ܡܨܥܬ ܓܘܐ ܘܬܬܢܝܚ܀
31:22 [ai]ܫܡܥ ܒܪ̈ܝ ܘܠܐ ܬܒܣܪ ܥܠܝ܃ ܘܠܚܪܬܐ ܬܫܟܚ ܡܠܝ̈܂ ܒܟܠ ܥܒܕܝ̈ܟ ܗܘܝܬ ܡܟܝܟ܂ ܘܟܠ ܒܝܫܐ ܠܐ ܬܬܩܪܒ ܠܟ܂
31:23 [ai]ܥܝܢܐ ܛܒܬܐ ܥܠ ܠܚܡܐ ܡܒܪܟܐ܂ ܘܣܗܕܘܬܐ ܛܒܬܐ ܡܗܝܡܢܐ܂
31:25 [ai]ܐܦ ܥܠ ܚܡܪܐ ܠܐ ܬܬܓܒܪ܂ ܡܛܠ ܕܠܣ̈ܓܝܐܐ ܐܘܒܕ ܥܬܝܩܐ܂
31:26 [ai]ܐܟܙܢܐ ܓܝܪ ܕܟܘܪܐ ܒܿܩܐ ܥܒܿܕܗ ܕܩܝܢܝܐ܂ ܗܟܢܐ ܚܡܪܐ ܡܓܪܝܢܐ ܗܘ ܕܥܘܠܐ܂
31:27 [ai]ܐܝܟ ܡܝ̈ܐ ܚܝ̈ܐ ܚܡܪܐ ܠܒܪܢܫܐ ܟܕ ܢܫܬܝܘܗܝ ܒܘܠܝܬܗ܂ ܡܢܐ ܐܢܘܢ ܚܝܘ̈ܗܝ ܕܚܣܝܪ ܚܡܪܐ܂ ܕܗܘ ܡܢ ܒܪܫܝܬ ܠܚܕܘܬܐ ܐܬܒܪܝ܂
31:28 [ai]ܚܕܘܬܐ ܕܠܒܐ ܘܬܦܢܝܩ̈ܐ ܘܥ̈ܕܢܐ ܛܒ̈ܐ܂ ܚܡܪܐ ܕܡܫܬܬܐ ܒܘܠܝܬܗ܂
31:29 [ai]ܟܐܒܐ ܘܡܣܟܢܘܬܐ ܘܟܐܒ ܪܫܐ܂ ܚܡܪܐ ܕܡܫܬܬܐ ܒܚܪܝܢܐ܂
31:30 [ai]ܣܓܝܐܘܬܐ ܕܚܡܪܐ ܥܒܕܬ ܠܣܟܠܐ ܬܘܩܠܬܐ܂ ܚܣܪ ܚܝܠܗ ܘܣ̈ܓܝ ܨܘܠܦ̈ܬܗ܂
31:31 [ai]ܒܡܫܬܝܐ ܕܚܡܪܐ ܠܐ ܬܟܣ ܪܚܡܟ܂ ܘܠܐ ܬܗܪܝܘܗܝ ܒܚܕܘܬܗ܃ ܡ̈ܠܐ ܕܚܘܣܪܢܐ ܠܐ ܬܐܡܪ ܠܗ܂ ܘܠܐ ܬܨܐ ܥܡܗ ܠܥܝܢ ܒܢܝܢܫܐ܂

next chapter