The Comprehensive Aramaic Lexicon

32:01 [ai]	ܪܒܐ ܐܩܝܡܘܟ ܠܐ ܬܬܪܝܡ܂ ܘܒܪܝܫ ܥܬܝܪ̈ܐ ܠܐ ܬܣܬܡܟ܂ ܗܘܝ ܠܟ ܐܝܟ ܚܕ ܡܢܗܘܢ ܘܝܨܦ ܕܝܠܗܘܢ܂ ܘܡܢ ܒܬܪ ܟܢ ܐܣܬܡܟ܂
32:02 [ai]	ܘܟܠ ܣܢܝܩܘܬܗܘܢ ܬܩܢ ܘܪܒܥ܂ ܡܛܠ ܗܢܐ ܐܦ ܒܐܚܪܝܬܗܘܢ ܬܚܕܐ܂ ܘܥܠ ܦܬܘܪܐ ܬܩܒܠ ܐܝܩܪܐ܂
32:04 [ai]	ܒܐܬܪܐ ܕܡܫܬܬܐ ܒܗ ܚܡܪܐ ܠܐ ܬܐܡܪ ܒܗ ܫܘ̈ܥܝܬܐ܂ ܘܒܟܠ ܥܕܢ ܠܐ ܬܬܚܟܡ܂
32:05 [ai]	ܐܝܟ ܚܬܡܐ ܥܠ ܟܝܣܐ ܕܕܗܒܐ܂ ܗܟܢܐ ܗܝ ܬܫܒܘܚܬܐ ܕܐܠܗܐ ܥܠ ܡܫܬܝܐ ܕܚܡܪܐ܂
32:06 [ai]	ܐܝܟ ܥܩܐ ܕܕܗܒܐ ܘܛܒ̈ܥܐ ܘܐܙܡܪ̈ܓܕܐ܂ ܗܟܢܐ ܡ̈ܠܐ ܫܦܝܪ̈ܬܐ ܥܠ ܡܫܬܝܐ ܕܚܡܪܐ܂
32:09 [ai]	ܒܝܢܬ ܫܠܝ̈ܛܢܐ ܠܐ ܬܬܪܘܪܒ ܘܠܕܣܒܝܢ ܡܢܟ ܠܐ ܬܨܒܐ ܠܡܨܥܪܘ܂
32:11 [ai]	ܒܥܕܢܐ ܕܦܬܘܪܐ ܠܐ ܬܣܓܐ ܠܡܡܠܠܘ܂ ܘܥܕ ܐܝܬ ܒܟ ܥܘܗܕܢܐ ܦܛܪ ܠܒܝܬܟ܂
32:12 [ai]	ܘܥܒܕ ܨܒܝܢܟ ܒܕܚܠܬܗ ܕܐܠܗܐ ܘܠܐ ܒܚܘܣܪܢܐ܂
32:13 [ai]	ܘܥܠ ܗܠܝܢ ܟܠܗܝܢ܂ ܒܪܟ ܫܡܗ ܕܐܠܗܐ ܕܣܒܥܟ ܡܢ ܛܒ̈ܬܗ܂ ܕܒܥܐ ܦܘܠܚܢܐ ܕܐܠܗܐ ܢܩܒܠ ܝܘܠܦܢܐ܂ ܘܟܕ ܡܨܠܐ ܩܕܡܘܗܝ ܢܥܢܝܘܗܝ܀
32:16 [ai]	ܕܚܠܘ̈ܗܝ ܕܐܠܗܐ ܢܬܚܟܡܘܢ ܒܕܝܢܘ̈ܗܝ܃ ܘܚܟܡܬܐ ܣܓܝܐܬܐ ܡܢ ܠܒܗܘܢ ܢܦܩܘܢ܂
32:17 [ai]	ܒܪܢܫܐ ܥܪܝܡܐ ܡܛܫܐ ܝܘܠܦܢܐ܂ ܘܒܬܪ ܨܒܝܢܗ ܥܒܕ ܐܘܪܚܗ܂
32:18 [ai]	ܒܪܢܫܐ ܥܪܝܡܐ ܠܐ ܫܒܩ ܚܟܡܬܐ ܟܕ ܡܟܣܝܐ܂ ܘܥܘܠܐ ܠܐ ܢܛܪ ܠܫܢܗ܃
32:19 [ai]	ܕܠܐ ܡܠܼܟܐ ܠܐ ܬܥܒܕ ܨܒܘ܂ ܘܡܢ ܒܬܪ ܕܥܒܕ ܐܢܬ ܠܐ ܬܟܪܐ ܠܟ܂
32:20 [ai]	ܒܐܘܪܚܐ ܕܫܚܘܪܬܐ ܠܐ ܬܐܙܠ܂ ܕܠܡܐ ܬܬܩܠ ܒܟܐܦܐ ܬܪ̈ܬܝܢ ܙܒ̈ܢܝܢ܂
32:21 [ai]	ܠܐ ܬܬܟܠ ܥܠ ܐܘܪܚܐ ܕܥܘ̈ܠܐ܂
32:22 [ai]	ܘܒܐܘܪ̈ܚܬܟ ܗܘܝܬ ܙܗܝܪ܂
32:23 [ai]	ܒܟܠ ܥܒܿܕܝ̈ܟ ܛܪ ܢܦܫܟ܂ ܡܛܠ ܕܟܠ ܕܗܟܢܐ ܗܘܼ ܢܛܿܪ ܦܘܩܕܢܐ ܗܘ܂
32:24 [ai]	ܕܢܛܿܪ ܐܘܪܚܗܼ ܢܛܿܪ ܦܘܩܕܢܐ ܕܐܠܗܐ܂ ܘܡܿܢ ܕܢܬܬܟܠ ܥܠ ܐܠܗܐܿ ܠܐ ܢܐܒܼܕ ܠܥܠܡ܂

next chapter