The Comprehensive Aramaic Lexicon

33:01 [ai]	ܕܕܚܠ ܠܐܠܗܐ ܠܐ ܢܦܓܥ ܒܗ ܒܝܫܐ ܐܠܐ ܐܢ ܒܢܣܝܘܢܐ܂ ܘܢܗܦܘܟ ܘܢܬܦܠܛ܂
33:05 [ai]	ܐܝܟ ܓܝܓܠܐ ܩܠܝܠܬܐ ܠܒܗ ܕܥܘܠܐ܂ ܘܐܝܟ ܚܙܝܪܐ ܟܠܗܝܢ ܬܪ̈ܥܝܬܗ܂
33:06 [ai]	ܐܝܟ ܣܘܣܝܐ ܚܬܝܪܐ ܪ̈ܚܡܘܗܝ ܕܥܘܠܐ܂ ܕܬܚܝܬ ܟܠ ܡܢ ܕܪܚܡ ܠܗ ܨܗܠ܀
33:07 [ai]	ܠܡܢܐ ܐܝܬ ܝܘܡܐ ܒܫܢܬܐ ܕܡܢ ܝܘܡܐ ܦܪܝܫ܂ ܡܛܠ ܕܟܠܗܘܢ ܢܗܝܪ̈ܐ ܝܘ̈ܡܬܐ ܕܫܢܬܐ ܡܫܡܫܝܢ܂
33:08 [ai]	ܒܪܡ ܒܚܟܡܬܗ ܕܐܠܗܐ ܐܬܦܪܫܘ܂ ܘܥܒܕ ܡܢܗܘܢ܂ ܥ̈ܕܢܐ ܘܙܒ̈ܢܐ܂
33:09 [ai]	ܡܢܗܘܢ ܒܪܟ ܘܩܕܫ܃ ܘܡܢܗܘܢ ܥܒܕ ܠܡܢܝܢܐ ܕܝܘܡ̈ܬܐ܂
33:10 [ai]	ܘܐܦ ܒܢܝܢܫܐ ܟܠܗܘܢ ܡܢ ܛܝܢܐ ܐܬܥܒܕܘ܂ ܘܡܢ ܥܦܪܐ ܐܬܒܪܝ ܐܕܡ܂
33:11 [ai]	ܒܪܡ ܒܚܟܡܬܗ ܕܐܠܗܐ ܦܪܫ ܐܢܘܢ܂ ܘܥܒܕ ܐܢܘܢ ܥܡܘܪ̈ܐ ܕܐܪܥܐ܂
33:12 [ai]	ܡܢܗܘܢ ܒܪܟ ܘܐܪܝܡ܂ ܘܡܢܗܘܢ ܩܕܫ ܘܥܕܡܐ ܠܘܬܗ ܡܛܝܘ܂ ܘܡܢܗܘܢ ܠܛ ܘܗܦܟ܂ ܘܥܩܪ ܐܢܘܢ ܡܢ ܡܕܝܪ̈ܝܗܘܢ܂
33:13 [ai]	ܐܝܟ ܛܝܢܐ ܕܓܒܝܠ ܒܐܝܕܐ ܕܦܚܪܐ܂ ܗܟܢܐ ܐܢܫܐ ܒܐܝܕܐ ܕܒܪܝܗ܂ ܠܡܩܡܘܬܗ ܒܟܠ ܥܒܕܘ̈ܗܝ܂
33:14 [ai]	ܠܘܩܒܠ ܒܝܫܐ ܐܬܒܪܝ ܛܒܐ܂ ܘܠܘܩܒܠ ܡܘܬܐ ܐܬܒܪܝܘ ܚܝ̈ܐ܂ ܘܠܘܩܒܠ ܢܘܗܪܐ ܐܬܒܪܝ ܚܫܘܟܐ܂
33:15 [ai]	ܗܟܢܐ ܚܘܝ ܐܠܗܐ ܥܒܕܘ̈ܗܝ ܟܠܗܘܢ܂ ܬܪ̈ܝܢ ܬܪ̈ܝܢ ܚܕ ܠܘܩܒܠ ܚܕ܂
33:16 [ai]	ܐܦ ܐܢܐ ܐܚܪܝܬ ܐܬܝܬ܂ ܐܝܟ ܡܒܥܪܢܐ ܕܟܪܡܐ ܒܬܪ ܩܛܘ̈ܦܐ܂ ܘܒܛܒ̈ܬܗ ܕܐܠܗܐ ܐܢܐ ܩܡܬ܃ ܘܐܝܟ ܩܛܘܦܐ ܡܠܝܬ ܡܥܨܪܬܝ܀
33:18 [ai]	ܫܘܡܥܘܢܝ ܫܠܝ̈ܛܐ ܕܥܡܐ܃ ܘܪ̈ܘܪܒܢܐ ܕܟܢܘܫܬܐ ܨܘܬܘܢܝ܂
33:19 [ai]	ܒܪܐ ܘܐܢܬܬܐ ܘܐܚܐ ܘܪܚܡܐ܂ ܠܐ ܬܫܠܛ ܒܟ ܒܚܝ̈ܝܟ
33:20 [ai]	ܥܕ ܐܢܬ ܚܝ ܘܢܫܡܬܐ ܒܟ ܠܐ ܬܫܠܛ ܒܟ ܟܠ ܒܣܪ ܠܐ ܬܬܠ ܠܐܚܪ̈ܢܐ ܢܟ̈ܣܝܟ܂ ܠܡܗܦܟ ܘܠܡܒܥܐ ܡܢܗܘܢ܂
33:21 [ai]	ܡܛܠ ܕܛܒ ܗܘ ܕܢܒܥܘܢ ܒܢܝܟ ܡܢܟ܂ ܡܢ ܕܬܒܥܐ ܐܢܬ ܡܢܗܘܢ܂
33:22 [ai]	ܒܟܠ ܥܒܕܝ̈ܟ ܗܘܝܬ ܡܥܠܝ܃ ܘܠܐ ܬܬܠ ܡܘ̈ܡܐ ܒܐܝܩܪܟ܃
33:23 [ai]	ܘܒܙܒܢܐ ܕܢܓܡܪܘܢ ܡܢܝ̈ܢܐ ܕܝܘ̈ܡܬܟ܃ ܒܝܘܡܐ ܕܡܘܬܟ ܐܘܪܬ ܢܟ̈ܣܝܟ ܠܒ̈ܢܝܟ܂
33:24 [ai]	ܟܣܬܐ ܘܫܘܛܐ ܘܛܥܢܐ ܠܚܡܪܐ܂ ܘܡܪܕܘܬܐ ܘܠܚܡܐ ܘܦܘܠܚܢܐ ܠܥܒܕܐ܂
33:25 [ai]	ܘܠܐ ܬܬܠ ܠܗ ܢܝܚܐ܂ ܘܐܢ ܐܪܝܡܬ ܒܪܗ ܒܥܐ ܚܪ̈ܘܪܐ܂
33:27 [ai]	ܦܠܘܚ ܒܥܒܕܟ ܕܠܐ ܢܡܪܕ܂ ܡܛܠ ܕܣܘܓܐܐ ܕܒܝܫ̈ܬܐ ܥܒܕ ܒܛܠܢܐ܂
33:28 [ai]	ܘܐܝܟܢܐ ܕܘܠܐ ܠܗ ܐܫܠܛܝܗܝ ܒܒܝܬܟ܃ ܘܐܠܐ ܫܡܥ ܠܟ ܐܣܓܐ ܐܣܘܪ̈ܘܗܝ܂
33:29 [ai]	ܠܐ ܕܝܢ ܗܟܢܐ ܥܠ ܟܠܢܫ܂ ܘܕܠܐ ܒܢܡܘܣܐܼ ܠܐ ܬܥܒܕ ܨܒܘ܂
33:30 [ai]	ܐܢ ܚܕ ܗܘ ܥܒܕܟ ܐܟܘܬܟ ܢܗܘܐ܂ ܡܛܠ ܕܐܟܘܬܟ ܗܟܢܐ ܚܘܣܪܢܟ܂
33:31 [ai]	ܐܢ ܚܕ ܗܘ ܥܒܕܟ ܐܝܟ ܐܚܘܟ ܚܫܘܒܝܗܝ܂ ܘܠܐ ܬܬܟܬܫ ܒܕܡܐ ܕܢܦܫܟ܃ ܡܛܠ ܕܐܢ ܬܛܪܦܝܘܗܝ ܢܦܘܩ ܢܐܒܕ܂ ܘܒܐܝܕܐ ܪܘܚܐ ܬܫܟܚܝܘܗܝ܂

next chapter