← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


34:01 [ai]ܕܒܥܐ ܣܪܝܩܘܬܐ ܡܫܟܚ ܟܕܒܘܬܐ܂ ܘܚܠܡܐ ܚܕܘܬܐ ܣܪܝܩܬܐ܀܀
34:02 [ai]ܐܝܟ ܐܢܫ ܕܐܚܝܕ ܛܠܠܐ ܘܡܦܪܚ ܥܘܦܐ܂ ܗܟܢܐ ܗܘ ܡܢ ܕܡܗܝܡܢ ܠܚܙܘܐ ܕܠܠܝܐ܂
34:03 [ai]ܗܟܢܐ ܗܘ ܚܙܘܐ ܘܚܠܡܐ ܕܠܠܝܐ ܕܠܘܩܒܠ ܦܪܨܘܦܐ ܕܡܘܬܐ ܕܐ̈ܦܐ܂
34:04 [ai]ܘܡܢ ܪܝܫ ܥܡܗ ܢܦܩ ܙܟܘܬܐ܂ ܐܘ ܡܢܘ ܟܕܒܐ ܕܢܙܟܐ܂
34:05 [ai]ܟܠ ܢܚ̈ܫܐ ܘܩܨ̈ܡܐ ܘܚܠܡ̈ܐ ܛܥܝܘܬܐ܂ ܘܕܡܗܝܡܢ ܠܗܘܢ ܬܡܢ ܠܒܗ܂
34:06 [ai]ܘܐܢ ܡܢ ܩܕܡ ܐܠܗܐ ܐܬܦܩܕ ܠܡܛܥܐ ܒܚܘ̈ܫܒܢܝ ܠܠܝܐ܃ ܠܐ ܬܬܠ ܠܗܘܢ ܠܒܟ܂
34:07 [ai]ܣܓܝ̈ܐܐ ܓܝܪ ܕܒܚ̈ܠܡܐ ܛܥܘ ܐܘܪܚܐ ܘܐܬܬܩܠܘ ܒܫܒ̈ܝܠܝܗܘܢ܂
34:08 [ai]ܒܐܬܪܐ ܕܠܝܬ ܒܗ ܚܛܗ̈ܐ ܪܥܿܐ ܐܠܗܐ܂ ܡܛܠ ܕܚܟܡܬܐ ܕܥܘ̈ܠܐ ܒܠܠܝܐ ܡܬܗܝܡܢܐ܂
34:09 [ai]ܓܒܪܐ ܚܟܝܡܐ ܢܒܩܐ ܣܓܝ܂ ܘܕܟܫܪ ܠܟܠܡܕܡ ܒܨܐ܂
34:10 [ai]ܕܠܐ ܢܣܝ ܩܠܝܠ ܗܘ ܝܕܥ܂ ܘܕܢܣܝ ܐܣܓܝ ܚܟܡܬܐ܂
34:12 [ai]ܣܓܝ ܚܙܝܬ ܟܕ ܢܣܝܬ܂ ܨܒ̈ܘܬܐ ܣܓܝ̈ܐܬܐ ܥܠܝ ܥܒܪ܂
34:13 [ai]ܙܒ̈ܢܬܐ ܣܓܝ̈ܐܬܐ ܠܡܘܬܐ ܡܛܝܬ܂ ܘܐܬܦܨܝܬ ܡܛܠܬܗܝܢ܂
34:14 [ai]ܨܒܝܢܐ ܕܕܚܠܘ̈ܗܝ ܥܒܕ ܡܪܝܐ܂ ܡܛܠ ܕܪܒ ܗܘ ܣܒܪܗ ܘܦܪܩ܂
34:15 [ai]ܕܕܚܠ ܠܐܠܗܐ ܛܘܒܝܗܿ ܠܪܘܚܗ܃ ܥܠ ܡܢܘ ܐܬܬܟܠ܂ ܘܡܢܘ ܗܘܐ ܠܗ ܣܡܘܟܐ܂
34:19 [ai]ܥܝܢܘ̈ܗܝ ܕܡܪܝܐ ܥܠ ܟܠܗܘܢ ܥܒܼ̈ܕܘܗܝ܂ ܘܡܿܓܢ ܘܦܪܩ܃ ܘܬܘܟܠܢܐ ܗܘ ܪܒܐ܂ ܘܡܣܬܪܢܐ ܡܢ ܣܢܐܐ܂ ܘܦܪܘܩܐ ܡܢ ܒܥܠܕܒܒܐ܂ ܘܡܫܘܙܒܢܐ ܗܘ ܡܢ ܡܚܘܬܐ܂ ܘܣܡܿܟ ܡܢ ܕܠܡܦܠ܂
34:20 [ai]ܚܕܘܬܐ ܕܠܒܐ ܘܢܘܗܪܐ ܕܥܝ̈ܢܐ܃ ܘܐܣܝܘܬܐ ܕܚܝ̈ܐ ܘܒܘܪ̈ܟܬܐ܂
34:21 [ai]ܗܠܝܢ ܟܠܗܝܢ ܐܥܦܐ ܥܠ ܙܕܝܩ̈ܐ ܢܐܬܝ̈ܢ܀ ܥܠܘ̈ܬܗܘܢ ܕܥܘܿ̈ܠܐ ܕܥܼܘܠܐ ܐܢܝ̈ܢ܂ ܘܠܐ ܡܬܩܒܠܝܢ ܩܘܪ̈ܒܢܝܗܘܢ܂
34:23 [ai]ܠܐ ܓܝܪ ܨܒܐ ܐܠܗܐ ܒܥܠܘ̈ܬܗܘܢ ܕܚܛܝ̈ܐ܂ ܘܐܦ ܠܐ ܒܣܘܓܐܐ ܕܩܘܪ̈ܒܢܝܗܘܢ ܫܒܩ ܠܗܘܢ܂
34:24 [ai]ܐܝܟ ܐܢܫ ܕܢܟܣ ܒܪܐ ܩܕܡ ܐܒܘܗܝ܂ ܗܟܢܐ ܡܢ ܕܡܩܪܒ ܩܘܪܒܢܐ ܡܢ ܕܡܣܟ̈ܢܐ܂
34:25 [ai]ܠܚܡܐ ܕܚܣܕܐ ܚܝܝ̈ܗܘܢ ܕܡܣܟ̈ܢܐ܃ ܘܕܟܠܐ ܠܗ ܡܢܗܘܢ ܐܫܕ ܕܡܐ ܙܟܝܐ܂
34:26 [ai]ܕܩܛܠ ܚܒܪܗ ܝܪܬ ܢܟ̈ܣܘܗܝ܂ ܘܕܐܫܕ ܕܡܐ ܙܟܝܐ ܠܐܠܗܐ ܓܠܙ܂ ܕܛܠܡ ܐܓܪܐ ܕܐܓܝܪܐ ܛܠܡ ܒܪܝܗ܃ ܘܗܘ ܡܩܒܠ ܦܘܪܥܢܐ ܒܝܫܐ܂
34:28 [ai]ܚܕ ܒܢܐ ܘܐܚܪܢܐ ܣܬܪ܂ ܡܢܐ ܐܗܢܝܘ܂ ܐܠܐ ܥܡܠܐ ܣܪܝܩܐ܂
34:29 [ai]ܚܕ ܡܒܪܟ ܘܐܚܪܢܐ ܡܠܝܛ܃ ܒܩܠܐ ܕܡܢ ܡܢ ܬܪ̈ܝܗܘܢ ܢܫܡܥ ܐܠܗܐ܂
34:30 [ai]ܕܣܚܐ ܡܢ ܡܝܬܐ ܘܗܦܟ ܩܪܒ ܠܗ܂ ܡܢܐ ܐܗܢܝ ܡܢ ܡܣܚܘܬܗ܂
34:31 [ai]ܘܕܨܐܡ ܥܠ ܚܛܗ̈ܘܗܝ ܘܗܦܟ ܥܒܪ ܠܗܘܢ ܨܠܘܬܗ ܡܢܘ ܫܡܥ܂ ܐܘ ܡܢܐ ܐܗܢܝ ܕܨܐܡ܂

next chapter