← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


35:01 [ai]ܐܢ ܥܒܕܬ ܡܕܡ ܕܟܬܝܒ ܒܢܡܘܣܐ ܐܣܓܝܬ ܦܘܠܚܢܐ܂ ܘܕܢܛܪ ܦܘܩܕܢܐ ܛܘܒܝܗܿ ܠܪܘܚܗ܂
35:02 [ai]ܪܡܐ ܚܘܒ̈ܠܐ ܛܒ̈ܐ ܡܢ ܕܡܩܪܒ ܩܘܪܒܢܐ܂ ܘܕܥܒܕ ܙܕܝܩܘܬܐ ܢܛܪ ܢܡܘܣܐ܂
35:03 [ai]ܨܒܝܢܗ ܕܐܠܗܐ ܠܡܣܛܐ ܡܢ ܟܠ ܕܒܝܫ܂ ܘܟܠܝ ܚܝܠܟ ܕܠܐ ܬܥܒܕ ܕܣܢܐ܂
35:04 [ai]ܠܐ ܬܬܚܙܐ ܩܕܡܘܗܝ ܣܪܝܩܐܝܬ܂
35:05 [ai]ܡܛܠ ܕܟܘܠ ܕܥܒܕ ܕܫܦܝܪ ܢܛܪ ܦܘܩܕܢܐ ܗܘ܂
35:06 [ai]ܩܘܪ̈ܒܢܝܗܘܢ ܕܙܕܝܩ̈ܐ ܨܠܘܬܐ ܕܦܘܡܗܘܢ܂ ܘܥܒ̈ܕܝܗܘܢ ܫܡܝܐ ܒܙܥܝܢ܂
35:07 [ai]ܡܘܗܒܬܗ ܕܒܪܢܫܐ ܛܒܐ ܬܬܩܒܠ܃ ܘܕܘܟܪܢܗܘܢ ܕܙܕܝܩ̈ܐ ܠܐ ܢܬܛܥܐ ܠܥܠܡ܂
35:08 [ai]ܒܥܝܢܐ ܛܒܬܐ ܗܒ ܠܡܣܟܢܐ܂ ܘܠܐ ܬܬܙܝܥ ܒܡܘ̈ܗܒܬܟ܂
35:09 [ai]ܒܟܠ ܡܘܗ̈ܒܬܟ ܢܗ̈ܘܝܢ ܢܗܝܪ̈ܢ ܐܦܝ̈ܟ܃ ܘܒܚܕܘܬܐ ܐܘܙܦ ܠܡܢ ܕܠܐ ܦܪܥ ܠܟ܂
35:11 [ai]ܡܛܠ ܕܐܠܗܐ ܦܪܘܥܐ ܗܘ܂ ܘܪ̈ܒܘ ܪ̈ܒܘܢ ܗܘ ܦܪܥ ܠܟ܂
35:10 [ai]ܗܒ ܠܐܠܗܐ ܐܝܟ ܡܐ ܕܝܗܒ ܠܟ܂ ܒܥܝܢܐ ܛܒܬܐ ܘܒܐܝܕܐ ܪܒܬܐ܂ ܡܢ ܕܝܗܒ ܓܝܪ ܠܡܣܟܢܐ ܠܐܠܗܐ ܗܘ ܡܘܙܦ܂ ܡܢܘ ܓܝܪ ܦܪܘܥܐ ܐܠܐ ܐܢ ܗܘ܃
35:12 [ai]ܠܐ ܬܫܬܘܚܪ ܡܛܠ ܕܠܐ ܡܩܒܠ܂ ܘܠܐ ܬܬܟܠ ܥܠ ܩܘܪ̈ܒܢܐ ܕܚܛܘܦܝܐ܂
35:13 [ai]ܡܛܠ ܕܐܠܗܐ ܥܒܕ ܕܝܢܐ ܗܘ܃ ܘܠܝܬ ܩܕܡܘܗܝ ܡܣܒ ܒܐ̈ܦܐ܀
35:14 [ai]ܥܐܠܐ ܩܕܡܘܗܝ ܨܠܘܬܗ ܕܡܣܟܢܐ܂ ܘܒܥܘܬܐ ܕܥܝܝ̈ܩܝ ܪܘܚܐ ܫܡܥ܂
35:15 [ai]ܠܐ ܫܒܩ ܐܢܩܬܐ ܕܝ̈ܬܡܐ܂ ܘܨܠܘܬܐ ܕܐܪ̈ܡܠܬܐ ܫܡܥ܂
35:16 [ai]ܡܪ̈ܪܐ ܕܢܦܫܗ ܕܡܣܟܢܐ ܗܘ ܫܡܥ܂ ܘܨܠܘܬܗܘܢ ܥ̈ܢܢܐ ܡܪܟܢܐ܂
35:17 [ai]ܨܠܘܬܗܘܢ ܕܡܣܟ̈ܢܐ ܠܥܠ ܡܢ ܥܢܢ̈ܐ ܣܠܩܐ܂ ܘܩܕܡ ܡܪܐ ܪܒܘܬܐ ܥܐܠܐ܂ ܠܐ ܥܒܪܐ ܥܕܡܐ ܕܡܿܒܕܩ ܥܠܝܗܿ܃ ܘܕܝܢܐ ܕܩܘܫܬܐ ܕܐܢ܂
35:18 [ai]ܘܐܦ ܡܪܝܐ ܠܐ ܢܣܠܐ ܘܠܐ ܢܫܒܘܩ܂ ܘܠܐ ܢܒܛܠ܂ ܥܕܡܐ ܕܢܬܒܥ ܓܢܒܪܘܬܐ ܕܥܘ̈ܠܐ܂ ܘܠܥܡ̈ܡܐ ܢܗܦܟ ܦܘܪܥܢܐ܂ ܥܕܡܐ ܕܢܘܒܕ ܥܘܫܢܗܘܢ ܕܚܛܝ̈ܐ܂ ܘܠܫ̈ܠܝܛܢܐ ܥܘ̈ܠܐ ܡܦܣܩܘ ܢܦܣܩ܃
35:19 [ai]ܥܕܡܐ ܕܢܗܦܟ ܠܒ̈ܝܫܐ ܚܘܒܠܗܘܢ܂ ܘܠܥܒ̈ܕܝ ܥܘܠܐ ܬܪ̈ܥܝܬܗܘܢ܂ ܥܕܡܐ ܕܢܕܘܢ ܕܝܢܐ ܕܥܡܗ܂ ܘܢܚܕܐ ܐܢܘܢ ܒܦܘܪܥܢܘܬܗ܂
35:20 [ai]ܘܢܒܗܬ ܣܢܐܐ ܒܥܕܢܐ ܕܐܘܠܨܢܐ܂ ܐܝܟ ܥܢܢܐ ܕܡܛܪܐ ܒܙܒܢܐ ܕܡܬܒܥܐ܂

next chapter