← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


36:01 [ai]ܦܪܘܩܝܢ ܐܠܗܐ ܠܟܘܠܢ܂
36:02 [ai]ܘܐܝܬܐ ܪܘܓܙܟ ܥܠ ܥܡ̈ܡܐ ܕܠܐ ܝܕܥܘܟ܃
36:03 [ai]ܐܪܝܡ ܐܝܕܟ ܥܠ ܥܡܐ ܢܘܟܪܝܐ܂ ܘܢܕܥܘܢ ܓܢܒܪܘܬܟ܂
36:04 [ai]ܒܡܐ ܕܠܥܢ̈ܝܗܘܢ ܐܬܩܕܫܬ ܒܢ܂ ܗܟܢܐ ܠܥܢܝ̈ܢ ܐܬܩܕܫ ܒܗܘܢ܂
36:05 [ai]ܕܢܕܥܘܢ ܐܝܟ ܡܐ ܕܝܕܥܢ ܕܠܝܬ ܐܠܗܐ ܠܒܪ ܡܢܟ܂
36:06 [ai]ܚܕܬ ܐܬܘ̈ܬܐ ܘܫܢܐ ܬܡܝ̈ܗܬܐ܃ ܬܩܦ ܐܝܕܐ ܘܕܪܥܐ ܕܝܡܝܢܐ܂
36:07 [ai]ܐܥܝܪ ܪܘܓܙܐ ܘܐܫܘܕ ܚܡܬܐ܂ ܬܒܪ ܣܢܐܐ ܘܒܛܠ ܒܥܠܕܒܒܐ܂
36:08 [ai]ܐܒܥ ܩܨܐ ܘܡܛܐ ܙܒܢܐ܂ ܡܛܠ ܕܠܝܬ ܕܢܐܡܪ ܠܟ ܡܢܐ ܥܒܕ ܐܢܬ܂
36:09 [ai]ܒܪܘܓܙܐ ܘܒܢܘܪܐ ܐܘܒܕ ܣܢܐܐ܂ ܘܟܠ ܪ̈ܘܪܒܢܐ ܘܫ̈ܠܝܛܢܐ ܕܥܡܡ̈ܐ܃
36:10 [ai]ܒܛܠ ܬܓܐ ܕܣܢܐܐ ܕܐܡܪ ܕܠܝܬ ܐܟܘܬܝ܃
36:11 [ai]ܟܢܫ ܟܠܗܘܢ ܫܒܛܘܗܝ ܕܝܥܩܘܒ܂ ܘܢܐܬܘܢ ܐܝܟܢܐ ܕܐܡܪܬ ܡܢ ܝܘ̈ܡܬܐ ܩܕܡܝ̈ܐ܂
36:12 [ai]ܘܚܕܝ ܥܠ ܥܡܟ ܕܐܬܩܪܝ ܫܡܟ ܥܠܘܗܝ܃ ܥܠ ܐܝܣܪܝܠ ܕܩܪܝܬܝܗܝ ܒܘܟܪܟ܃
36:13 [ai]ܪܚܡ ܥܠ ܩܪܝܬܐ ܕܩܘܕܫܟ܃ ܥܠ ܐܘܪܫܠܡ ܐܬܪܐ ܕܫܟܝܢܬܟ܂
36:14 [ai]ܡܠܝ ܨܗܝܘܢ ܡܢ ܪܒܘܬܟ܃ ܘܡܢ ܐܝܩܪܟ ܗܝܟܠܟ܂
36:15 [ai]ܐܩܝܡ ܣܗܕܘܬܐ ܕܥܒ̈ܕܝܟ ܐܝܟ ܕܡܢܕܪܝܫ܂ ܘܢܐ̈ܬܝܢ ܢܒܝܘ̈ܬܐ ܕܢܒܝܝ̈ܟ ܐܝܟ ܕܡܡܠܠܝܢ ܒܫܡܟ܂
36:17 [ai]ܘܬܫܡܥ ܨܠܘܬܐ ܕܥܒ̈ܕܝܟ ܐܝܟ ܨܒܝܢܐ ܕܥܡܟ܃ ܕܢܕܥܘܢ ܟܠ ܕܒܣܘ̈ܦܝܗ ܕܐܪܥܐ܂ ܕܐܢܬ ܗܘ ܐܠܗܐ ܒܠܚܘܕܝܟ ܠܥܠܡ ܥܠܡܝܢ܂
36:18 [ai]ܟܠ ܡܐܟܠܐ ܡܩܒܠܐ ܢܦܫܐ܂ ܒܪܡ ܐܝܬ ܡܐܟܘܠܬܐ ܕܡܢ ܡܐܟܘܠܬܐ ܒܣܝܡܐ܂
36:19 [ai]ܦܘܡܐ ܛܥܡ ܛܥܡܐ ܕܡܐܟܘܠܬܐ܂ ܘܠܒܐ ܕܚܟ̈ܝܡܐ ܡ̈ܠܐ ܕܥܘ̈ܠܐ܂
36:20 [ai]ܠܒܐ ܛܡܝܪܐ ܣܓܝܐܐ ܨܦܬܗ܂ ܘܓܒܪܐ ܚܟܝܡܐ ܡܣܬܟܠ ܒܗܠܝܢ܀܀
36:22 [ai]ܫܘܦܪܗ ܕܐܢܬܬܐ ܢܫܒܚ ܐ̈ܦܝܗ܃ ܘܥܠ ܟܠ ܪܓܬ ܥܝܢ̈ܐ ܗܝ ܬܥܫܢ܂
36:24 [ai]ܒܪܝܫ ܩܢܝܢܟ ܩܢܝ ܐܢܬܬܐ ܛܒܬܐ܂ ܥܕܪܐ ܗܝ ܓܝܪ ܐܟܘܬܟ ܘܐܣܛܘܢܐ ܗܝ ܠܩܘܒܠܟ܂
36:25 [ai]ܐܬܪ ܕܠܝܬ ܣܝ̈ܓܐ ܢܬܒܥܪܘܢ ܟܪ̈ܡܐ܂ ܘܐܬܪ ܕܠܝܬ ܐܢܬܬܐ ܓܠܐ ܘܡܒܕܪ܂
36:26 [ai]ܡܢܘ ܓܝܪ ܢܗܝܡܢ ܠܓܕܘܕܐ ܕܕܡܐ ܠܛܒܝܐ܂ ܕܗܘ ܫܘܪ ܡܢ ܡܕܝܢܐ ܠܡܕܝܢܐ܂ ܗܟܢܐ ܓܒܪܐ ܕܠܝܬ ܠܗ ܐܢܬܬܐ ܒܐܬܪ ܕܢܫܬܟܚ ܢܡܘܬ܂

next chapter