← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


37:01 [ai]ܘܠܪܚܡܗ ܐܡܪ ܕܪܚܡܬ܂ ܒܪܡ ܐܝܬ ܪܚܡܐ ܕܫܡܗ ܪܚܡܐ܂
37:02 [ai]ܕܠܐ ܡܿܛܐ ܥܕܡܐ ܠܡܘܬܐ܂ ܪܚܡܿܐ ܕܫܪܪܐܼ ܐܝܟ ܢܦܫܟ ܢܗܘܐ ܠܟ܂ ܣܢܐܐ ܘܒܝܼܫܐ ܠܡܢܐ ܐܬܼܒܪܝܘܼ ܐܠܼܐ ܠܡܡܼܠܐ ܐܪܥܐ ܥܿܒ̈ܕܐ ܕܥܘܼܠܐ܂
37:04 [ai]ܒܝܫ ܪܚܡܐ ܕܩܪܝܒ ܠܦܬܘܪܐ܂ ܘܒܥܕܢ ܥܩܬܐ ܩܐܡ ܡܢ ܩܒܘܠ܂
37:05 [ai]ܛܒ ܪܚܡܐ ܕܡܬܟܬܫ ܠܘܩܒܠ ܒܥܠܕܒܒܐ܂ ܘܐܚܝܕ ܣܟܪܐ܀
37:06 [ai]ܠܐ ܬܫܒܚ ܪܚܡܐ ܒܩܘܪܒܐ܂ ܘܠܐ ܬܫܠܛܝܼܘܗܝ ܒܒܝܬܟ܂
37:07 [ai]ܟܠ ܡܠܘܟܐ ܚܙܝ܂ ܒܪܡ ܐܝܬ ܡܠܟܐ ܕܫܦܝܪ ܥܒܝܕ܂
37:08 [ai]ܡܢ ܡܠܘܟܐ ܥܘܠܐ ܛܪ ܢܦܫܟ܂ ܘܕܥ ܠܘܩܕܡ ܡܢܐ ܒܥ‍[‍ܐ‍]‍܂ ܡܛܠ ܕܐܦ ܗܘ ܒܢܦܫܗ ܡܬܪܥܐ܂ ܕܠܡܐ ܢܪܡܐ ܥܠܝܟ ܬܘܟܐ ܒܝܫ‍[‍ܐ
37:09 [ai]ܘܢܐܡܪ ܡܐ ܛܒܐ ܗܝ ܐܘܪܚܟ܂ ܘܢܩܘܡ ܡܢ ܩܒܘܠ ܘܢܚܙܐ ܨܥܪܟ܀
37:10 [ai]ܠܐ ܬܬܡܠܟ ܒܣܢܐܟ܃ ܘܡܢܗ ܟܣܝ ܪܐܙܟ܂
37:11 [ai]ܥܡ ܐܢܬܬܐ ܕܠܐ ܬܓܘܪܝܗ ܘܥܡ ܣܢܐܐ ܕܠܐ ܬܬܟܬܫ܃ ܘܥܡ ܬܓ‍[‍ܪ‍]‍ܐ ܥܠ ܬܐܓܘܪܬܗ܂ ܘܥܡ ܡܙܒܢܢܐ ܥܠ ܙܒܢܗ܃ ܐܘ ܥܡ ܥܘܠܐ ܠܡܥܒܕ ܕܫܦܝܪ܂ ܐܘ ܥܡ ܐܝܢܐ ܕܠܝܬ ܠܗ ܪ̈ܚܡܐ ܠܡܥܒܕ ܪ̈ܚܡܐ܃ ܥܡ ܐܓܝܪܐ ܕܡܕܓܠ ܒܥܒܕܗ܂ ܘܥܡ ܐܓܝܪܐ ܥܘܠܐ ܠܐ ܬܩܛܘܪ ܪܐܙܐ܃ ܘܥܡ ܥܒܕܐ ܕܒܥܐ ܠܡܛܠܡ ܡܪ̈ܘܗܝ܃ ܠܐ ܬܗܘܐ ܠܗ ܒܥܠ ܡܠܟܐ܂
37:12 [ai]ܥܡ ܐܢܫܐ ܙܕܝܩ̈ܐ ܗܘܝܬ ܥܡܪ ܕܗܢܘܢ ܕܚܠܝܢ ܠܡܚܛܐ ܩܕܡ ܐܠܗܐ܂ ܘܠܒܗܘܢ ܫܘܐ ܠܠܒܟ܂ ܘܐܢ ܡܒܐܫ ܠܟ ܠܢܦܫܗ ܗܘ ܡܒܐܫ܂ ܘܐܢ ܡܛܐܒ ܠܟ ܠܢܦܫܗ ܗܘ ܡܛܐܒ܂
37:13 [ai]ܡܛܘܠ ܕܗܝܡܢܘܬܗ ܗܝ ܬܚܝܘܗܝ܂ ܘܐܦ ܗܘ ܡܗܝܡܢ ܗܘ ܐܟܘܬܟ
37:14 [ai]ܠܒܗ ܕܒܪܢܫܐ ܢܚܕܐ ܒܐܘܪܚܗ܃ ܝܬܝܪ ܡܢ ܥܘܬܪܐ ܕܥܠܡܐ ܕܠܐ ܡܗܢܐ܂
37:15 [ai]ܘܥܡ ܟܠܗܝܢ ܗܘܝܬ ܡܨܠܐ ܠܐܠܗܐ܂ ܕܗܘ ܢܬܩܢ ܐܘܪܚܟ ܒܩܘܫܬܐ܂
37:16 [ai]ܩܕܡ ܒܢܝܢܫܐ ܘܩܕܡ ܟܠܡܕܡ܀
37:18 [ai]ܡܪܝܐ ܒܪܐ ܟܠ ܛܒ ܘܒܝܫ ܚܝ̈ܐ ܘܡܘܬܐ܂ ܘܕܫܠܝܛ ܒܠܫܢܗ ܢܬܦܨܐ ܡܢ ܒܝܫܐ܂
37:19 [ai]ܟܠ ܡܢ ܕܚܟܝܡ ܒܪܥܝܢܗ ܗܘܝܘ ܣܟܠܐ܂
37:20 [ai]ܐܝܬ ܓܝܪ ܕܚܟܝܡ ܘܒܫܘ̈ܥܝܬܗ ܡܣܬܢܐ܂ ܘܡܢ ܟܠ ܐܝܩܪ ܟܠܐ ܢܦܫܗ܃
37:22 [ai]ܐܝܬ ܚܟܝܡܐ ܕܒܟܠ ܥܕܢ ܚܟܝܡ܂ ܘܦܐܪ̈ܝܗܘܢ ܕܚܟ̈ܝܡܐ ܠܢܦܫܗܘܢ܂
37:23 [ai]ܘܐܝܬ ܚܟܝܡܐ ܕܠܢܦܫܗ ܚܟܝܡ܂ ܘܦܐܪ̈ܐ ܕܥܒܿܕܘ̈ܗܝܼ ܡܢ ܚܙܘܐ ܕܐܦ̈ܘܗܝ܃
37:24 [ai]ܘܕܚܟܝܡ ܠܢܦܫܗ ܢܣܒܥ ܬܦܢ̈ܝܩܐ܂ ܘܢܫܒܚܘܢܗ ܟܠܗܘܢ ܚܙ̈ܝܘܗܝ܃
37:26 [ai]ܚܟܝܡܐ ܕܥܡܐ ܢܐܪܬ ܐܝܩܪܐ܂ ܘܫܡܗ ܩܝܡ ܠܚܝ̈ܐ ܕܠܥܠܡ܀܀
37:27 [ai]ܒܪܝ ܒܚܝܝ̈ܟ ܢܣܐ ܢܦܫܟ܂ ܘܚܙܝ ܡܕܡ ܕܒܝܫ ܠܗ ܘܠܐ ܬܬܠ ܠܗ܃
37:28 [ai]ܡܛܠ ܕܠܐ ܗܘܐ ܟܠ ܡܐܟܘܠܬܐ ܛܒܐ܂ ܘܠܐ ܟܠ ܢܦܫܐ ܒܩܠܝܠ ܡܬܪܥܝܐ܂
37:29 [ai]ܠܐ ܬܣܓܐ ܠܗ ܡܐܟܠܬܐ ܕܬܦܢܝ̈ܩܐ܂ ܘܠܐ ܬܒܐܫ ܥܝܢܟ ܥܠ ܡܐܟܘܠܬܐ ܣܓܝܐܬܐ܂
37:30 [ai]ܡܛܠ ܕܡܢ ܣܓܝܐܘܬܐ ܕܡܐܟܘܠܬܐ ܗܘܐ ܡܪܥܐ܂ ܘܕܡܣܓܐ ܠܡܐܟܠ ܡܬܟܪܗ܂
37:31 [ai]ܣܓܝ̈ܐܐ ܓܝܪ ܕܡܝܬܘ ܡܛܠ ܡܐܟܘܠܬܐ ܣܓܝܐܬܐ܂ ܘܕܡܙܕܗܪ ܡܘܣܦ ܚܝ̈ܐ܀

next chapter