← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


38:01 [ai]ܝܩܪ ܐܣܝܐ ܥܕ ܠܐ ܢܬܒܥܐ ܠܟ܃
38:02 [ai]ܡܛܠ ܕܐܦ ܠܗ ܐܠܗܐ ܒܪܝܗܝ܃ ܡܢ ܩܕܡ ܐܠܗܐ ܢܬܚܟܡ ܐܣܝܐ܂ ܘܡܢ ܡ̈ܠܟܐ ܢܣܒ ܡܘܗ̈ܒܬܐ܂
38:03 [ai]ܡܢ ܬܪܥܝܬܗ ܕܐܣܝܐ ܢܪܡܪܡܘܢܗ܂ ܘܩܕܡ ܡ̈ܠܟܐ ܢܩܝܡܘܢܗ܀
38:04 [ai]ܐܠܗܐ ܡܢ ܐܪܥܐ ܒܪܐ ܣܡ̈ܡܢܐ܂ ܘܓܒܪܐ ܚܟܝܡܐ ܠܐ ܢܒܣܐ ܥܠܝܗܘܢ܂
38:05 [ai]ܒܝܕ ܩܝܣܐ ܓܝܪ ܚܠܝܘ ܡܝ̈ܐ ܡܪ̈ܝܪܐ܂ ܡܛܠ ܕܢܬܝܕܥ ܚܝܠܗ ܕܐܠܗܐ
38:06 [ai]ܕܝܗܒ ܠܒܢܝܢܫܐ ܚܟܡܬܐ ܠܡܫܬܒܚܘ ܒܓܒܪ̈ܘܬܗ܂
38:07 [ai]ܒܗܘܢ ܐܣܝܐ ܡܢܝܚ ܡܢ ܟܐܒ̈ܐ܂
38:08 [ai]ܘܐܦ ܒܣܡܐ ܡܬܩܢ ܒܣܡ̈ܢܐ܂ ܡܛܠ ܕܠܐ ܢܒܛܠ ܥܒܕܐ ܘܚܟܡܬܐ ܡܢ ܐܦܝ̈ ܐܪܥܐ܀܀
38:09 [ai]ܒܪܝ ܐܦ ܒܡܪܥܟ ܨܠܐ ܩܕܡ ܐܠܗܐ ܕܗܘܝܘ ܡܐܣܐ܂
38:10 [ai]ܐܥܒܪ ܥܘܠܐ ܘܫܘܩܪܐ܂ ܘܡܢ ܟܠ ܚܛܗ̈ܐ ܕܟܐ ܠܒܟ܂
38:12 [ai]ܘܐܦ ܠܐܣܝܐ ܗܒ ܐܬܪܐ܃ ܡܛܠ ܕܐܦ ܒܗ ܐܝܬ ܒܗ ܗܢܝܢܐ܂
38:13 [ai]ܡܛܠ ܕܐܝܬ ܙܒܢܐ ܕܒܐܝܕܗ ܡܨܠܚܐ ܐܣܝܘܬܐ܂
38:14 [ai]ܕܢܨܠܐ ܩܕܡ ܐܠܗܐ܂ ܘܢܬܩܢ ܒܐܝܕܗ ܚܘܠܡܢܐ܂ ܘܬܐܬܐ ܐܣܝܘܬܐ ܒܐܝܕܗ ܘܚܝ̈ܐ܂
38:15 [ai]ܡܛܠ ܕܡܢ ܕܚܛܐ ܩܕܡ ܐܠܗܐ ܡܬܝܗܒ ܠܐܝܕܝ̈ ܐܣܝܐ܂
38:16 [ai]ܒܪܝ ܥܠ ܡܝܬܐ ܐܣܓܐ ܕܡ̈ܥܐ܂ ܘܢܟܐܒ ܠܟ ܘܐܡܪ ܐܘܠܝܬܐ܂ ܘܐܝܟ ܡܐ ܕܘܠܐ ܠܗ ܟܢܘܫ ܦܓܪܗ܂ ܘܠܐ ܬܒܣܐ ܥܠ ܩܒܘܪܬܗ܂
38:17 [ai]ܚܡܪܐ ܘܣܝܒܪ̈ܬܐ ܠܒ̈ܢܝ ܐܢܫܐ ܕܡܪܩܕܝܢ܂ ܘܥܒܕ ܐܒܠܐ ܒܙܕܩܗ܃ ܝܘܡܐ ܘܬܪ̈ܝܢ ܡܛܠ ܒ̈ܢܝ ܐܢܫܐ܂ ܘܐܬܒܝܐ ܡܛܠ ܚܝ̈ܐ܂
38:18 [ai]ܡܛܠ ܕܡܢ ܟܪܝܘܬܐ ܡܬܝܠܕܐ ܥܩܬܐ܂
38:19 [ai]ܗܟܢܐ ܓܝܪ ܠܒܐ ܒܝܫܐ܂ ܝܬܝܪ ܡܢ ܡܘܬܐ ܬܒܪ ܒܨܦܬܐ ܠܡܣ̈ܟܢܐ ܘܡܝܬܐ ܥܩܬܐ܂ ܡܛܠ ܕܚܝ̈ܘܗܝ ܕܡܣܟܢܐ ܠܠܘܛܬܐ ܕܠܒܐ܀
38:20 [ai]ܠܐ ܬܬܠ ܠܒܟ ܠܡܘ̈ܡܬܐ܂
38:21 [ai]ܐܬܕܟܪ ܥܩܬܐ ܘܐܥܒܪ ܚܛܗ̈ܐ܂ ܘܠܐ ܬܬܟܠ ܥܠ ܥܘܬܪܐ ܡܛܠ ܕܠܝܬ ܒܗ ܣܒܪܐ܂ ܡܛܠ ܕܐܝܟ ܦܪܚܬܐ ܕܫܡܝܐ ܕܦܪܚܐ ܘܫܟܢܐ܂ ܗܟܢܐ ܗܘ ܥܘܬܪܐ ܩܕܡ ܒ̈ܢܝ ܐܢܫܐ܂ ܠܟ ܡܚܕܐ ܘܠܐܚܪܢܐ ܡܒܐܫ܂
38:22 [ai]ܐܬܕܟܪ ܕܦܘܣܩܢܐ ܗܘ ܠܟ܂ ܠܗ ܐܬܡܠܝ ܘܠܟ ܝܘܡܢܐ܂
38:23 [ai]ܐܝܟ ܕܒܛܠ ܡܝܬܐ ܗܟܢܐ ܒܛܠ ܕܘܟܪܢܗ܃ ܘܐܬܒܝܐ ܥܡ ܡܦܩܢܐ ܕܢܦܫܗ܂
38:24 [ai]ܚܟܡܬܗ ܕܣܦܪܐ ܬܘܣܦ ܠܗ ܚܟܡܬܐ܂ ܘܕܠܐ ܡܦܪܩ ܣܪ̈ܝܩܬܐ ܗܘ ܢܬܚܟܡ܂
38:25 [ai]ܡܢܐ ܓܝܪ ܢܬܚܟܡ ܐܚܝܕ ܚܪܒܐ ܕܦܕܢܐ܂ ܕܒܬܘܪ̈ܐ ܕܒܪ ܘܒܬܘܪ̈ܐ ܡܬܝܪ̈܂ ܘܫܘ̈ܥܝܬܗ ܥܡ ܒܢ̈ܝ ܬܘܪ̈ܐ ܗܝ܂
38:26 [ai]ܘܠܒܗ ܪܢܐ ܒܠܓܬܐ ܕܙܪܥܗ܂ ܘܫܗܪܗ ܠܡܓܡܪܘ ܥܒܕܗ܃
38:27 [ai]ܗܟܢܐ ܐܦ ܟܠܗܘܢ ܐܘ̈ܡܢܐ܂ ܡܬܬܙܝܥܝܢ ܐܟܚܕܐ܂ ܘܠܠܝܐ ܘܐܝܡܡܐ ܒܗܘܢ ܗܘ ܪܢܝܢ܂ ܒܥܒܕܐ ܕܓܠܦܐ ܘܕܛܒܥܐ ܘܕܡܪ̈ܓܢܝܬܐ܂ ܘܐܦ ܚܘܫܒ̈ܢܝܗܘܢ ܠܥܒܕܐ ܕܐܘܡܢܘܬܗܘܢ ܡܬܒܥܝܢ܂
38:28 [ai]ܠܡܬܒ ܥܠ ܟܘܪܐ ܘܠܡܣܬܟܠܘ ܒܡܐܢ̈ܝ ܡܬܩܠܐ܂ ܫܠܗ̈ܒܝܬܐ ܕܢܘܪܐ ܡܦܩ̈ܥܢ ܒܣܪܗ܃ ܘܝܩܕ ܒܚܡܬܐ ܕܢܘܪܐ܂ ܠܘܩܒܠ ܣܘܟܠܐ ܢܪܟܢ ܐܝܕܗ܂ ܘܠܘܩܒܠ ܨܘܪܬܐ ܕܥܿܒܕܗܼ ܢܼܨ̈ܕܢ ܥ̈ܝܢܘܗܝ܃
38:29 [ai]ܗܟܢܐ ܐܦ ܦܚܪܐ ܕܝܬܒ ܥܠ ܓܝܓܠܐ܂ ܘܡܙܝܥ ܒܦܪܣܬܗ ܡܐܢܐ܂ ܥܝ̈ܢܘܗܝ ܒܡܐ̈ܢܝ ܟܠ ܥܒܿܕܗ܃
38:30 [ai]ܘܕܪ̈ܥܘܗܝ ܡܦܩܿܥܝܢ ܛܝܢܐ܂ ܘܥܕ ܠܐ ܡܐܬ ܟܦܝܦ ܘܓܗܝܢ܂ ܘܠܒܗ ܣܝܡ ܠܡܫܿܠܡܘ ܥܒܿܕܗ܂ ܘܫܗܪܗܼ ܠܡܒܼܢܐ ܐܬܘܢܗ܂
38:31 [ai]ܟܠܗܘܢ ܗܠܝܢ ܡܛܠ ܟܘܫܪܗܘܢ܂ ܘܟܠ ܓܒܪ ܒܥܒܕܐ ܕܐܘܡܢܘܬܗܘܢ ܢܬܚܟܡܘܢ܂
38:32 [ai]ܘܒܠܥܕܝܗܘܢ ܠܐ ܡܬܝܬܒܐ ܡܕܝܢܬܐ܂ ܘܐܬܪ ܕܥܡܪܝܢ ܠܐ ܢܟܦܢܘܢ܂
38:33 [ai]ܒܪܡ ܠܡܠܟܐ ܕܥܡܐ ܠܐ ܢܬܒܘܢ܂ ܘܒܟܢܘܫܬܐ ܠܐ ܢܬܬܪܝܡܘܢ܂ ܘܥܠ ܟܘܪܣܝܐ ܕܕܝܼܢܐ ܠܐ ܢܬܒܘܢ܂ ܘܩܝܡ̈ܐ ܘܕܝܼܢܼ̈ܐ ܠܐ ܢܣܬܟܠܘܢ܂ ܠܐ ܢܬܒܝܢܘܢ ܝܘܠܦܢܐ ܕܚܟܡܬܐ܂ ܘܒܡ̈ܬܠܐ ܕܚܟܝܡ̈ܐ ܠܐ ܢܣܬܟܠܘܢ܂
38:34 [ai]ܡܛܘܠ ܕܒܥܒܝܕܬܗ ܕܥܠܡܐ ܗܢܘܢ ܢܗܝܪܝܢ܂ ܘܪܢܝܗܘܢ ܒܥܒܿܕܐ ܕܐܘܡܢܘܬܗܘܢ܂

next chapter