← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


42:09 [ai]ܒܪܬܐ ܥܠ ܐܒܘܗ ܝܩܝܪܐ ܣܓܝ܂ ܘܒܨܦܬܗ ܡܢܕܐ ܫܢܬܗ܂ ܒܛܠܝܘܬܗ ܕܠܐ ܬܨܛܚܐ܂ ܘܡܢ ܒܥܠܗ ܕܠܐ ܬܣܬܢܐ܂
42:10 [ai]ܒܒܬܘܠܘܬܗ ܕܠܐ ܬܬܦܪܣܐ܂ ܘܥܠ ܒܥܠܗ ܕܠܡܐ ܬܫܼܛܐ ܒܡܕܥܗܿ܃܂ ܘܬܐܙܠ ܒܬܪ ܓܒܪܐ ܐܚܪܢܐ܀
42:11 [ai]ܒܪܝ ܥܠ ܒܪܬܟ ܐܩܝܡ ܡܛܪܬܐ܂ ܕܠܡܐ ܬܥܒܕܟ ܫܡܐ ܒܝܫܐ܂ ܘܫܘܥܝܬܐ ܘܪܛܘܢܝܐ ܒܥܡܐ܂ ܘܒܟܢܫܐ ܕܩܪܝܬܟ ܬܒܗܬܟ ܒܪܛܘܢܝܐ ܕܥܡܐ܂ ܐܬܪ ܕܥܡܪܐ ܠܐ ܬܫܒܩܝܗ ܢܦܩܐ܂ ܘܒܒ̈ܬܐ ܠܐ ܬܗܘܐ ܚܕܪܐ܂
42:12 [ai]ܠܟܠ ܓܒܪܼ ܠܐ ܬܓܠܐ ܡܐ ܕܒܠܒܟ܃ ܘܒܝܢܬ ܢܫ̈ܐ ܠܐ ܬܫܦܪ ܫܘ̈ܥܝܬܐ܂
42:13 [ai]ܡܛܠ ܕܐܝܟܢܐ ܕܒܠܒܘܫܐ ܢܦܠ ܣܣܐ܂ ܗܟܢܐ ܛܢܢܐ ܕܐܢܬܬܐ ܡܢ ܒܝܫܘܬܗ ܕܚܒܪܬܗ܀܀
42:15 [ai]ܐܬܕܟܪܘ ܡܟܝܠ ܥܒ̈ܕܘܗܝ ܕܐܠܗܐ܂ ܘܡܢ ܡܐ ܕܚܙܝܬ ܐܢܐ ܡܬܢܐ܂ ܒܡܠܬܗ ܐܬܒܪܝܘ ܥܒ̈ܕܘܗܝ܃ ܘܟܠܗܝܢ ܒܪ̈ܝܬܗ ܨܒܝܢܗ ܥܒ̈ܕܢ܂
42:16 [ai]ܐܝܟ ܫܡܫܐ ܕܕܢܝܚ ܥܠ ܟܠ܂ ܐܬܓܠܝܘ ܪܚܡܘܗܝ ܕܡܪܝܐ ܥܠ ܟܠܗܘܢ ܥܒ̈ܕܘܗܝ܃
42:17 [ai]ܠܐ ܢܘܦܘܢ ܩܕܝܫ̈ܘܗܝ ܕܡܪܝܐ܂ ܠܡܡܢܐ ܓܒܪ̈ܘܬܐ ܕܦܪ̈ܝܫܬܗ܂ ܓܢܒܪܘܬܐ ܝܗܒ ܠܪ̈ܚܡܘܗܝ܂ ܠܡܩܡ ܩܕܡ ܐܝܩܪܗ܀
42:18 [ai]ܬܗܘܡܐ ܘܠܒܐ ܗܘ ܒܕܩ܃ ܘܟܠܗܝܢ ܬܪ̈ܥܝܬܗܘܢ ܕܒܢܝܢܫܐ ܐܝܟ ܫܡܫܐ ܓܠܝܢ ܩܕܡܘܗܝ ܡܛܠ ܕܠܐ ܟܣܐ ܡܢ ܩܕܡ ܐܠܗܐ ܡܕܡ܂
42:19 [ai]ܘܓܠܝܢ ܩܕܡܘܗܝ ܟܠ ܕܐܬܝܢ ܠܥܠܡܐ܂ ܕܥܒܪܘ ܘܕܥܬܝܕܝܢ܂ ܘܓ̈ܠܝܢ ܩܕܡܘܗܝ ܟܠܗܝܢ ܟܣܝ̈ܬܐ܂
42:20 [ai]ܘܠܐ ܥܢܕܐ ܡܢ ܩܕܡܘܗܝ ܟܠ ܚܟܡܐ܂ ܘܠܐ ܛܫܐ ܡܢ ܩܕܡܘܗܝ ܟܠ ܪܐܙ ܓܢܒܪܘܬܐ܂
42:21 [ai]ܘܚܟܡܬܐ ܩܕܡܘܗܝ ܩܝܡܐ ܠܥܠܡ܂
42:22 [ai]ܘܟܠܗܘܢ ܥܒܕܘ̈ܗܝ ܠܥܠܡ ܒܩܘܫܬܐ ܡܫܪܐ܂ ܘܒܩܕܝܫܘܬܐ ܡܫܒܚܝܢ ܟܠܗܘܢ܂
42:23 [ai]ܘܚܝܝܢ ܘܩܝܡܝܢ ܠܥܠܡ܂ ܘܠܟܠܗܘܢ ܨܒ̈ܝܢܘܗܝ ܟܠܗܘܢ ܥܬܝܕܝܢ܂ ܘܡܣܪܗܒܝܢ ܛܒ ܒܫܘܠܛܢܝܗܘܢ܂
42:24 [ai]ܘܟܠܗܘܢ ܬܪ̈ܝܢ ܬܪ̈ܝܢ ܚܕ ܠܘܩܒܠ ܚܕ ܘܠܐ ܒܪܐ ܚܕ ܡܢܗܘܢ ܒܛܝܠܐܝܬ܂
42:25 [ai]ܐܠܐ ܗܢܐ ܥܡ ܗܢܐ ܙܘ̈ܓܝܢ ܙܘ̈ܓܝܢ܂ ܘܡܢܘ ܢܣܒܥ ܠܡܚܙܐ ܐܝܩܪܗܘܢ܃

next chapter