← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


45:01 [ai]ܘܪܚܝܡ ܩܕܡ ܐܠܗܐ ܘܐܦ ܒܥ̈ܝܢܝ ܒܢܝܢܫ̈ܐ܂ ܡܘܫܐ ܕܘܟܪܢܗ ܠܒܘܪܟܬܐ܂
45:02 [ai]ܘܪܒܝܗ ܒܒܘܪ̈ܟܬܐ ܘܬܩܦܗ ܠܕܚܠܘ̈ܠܝܢ܂
45:03 [ai]ܘܐܩܝܡܗ ܩܕܡ ܡܠܟܐ ܘܦܩܕܗ ܥܠ ܥܡܐ܃ ܘܚܘܝܗ ܐܝܩܪܗ ܘܐܫܡܥܗ ܩܠܗ܃
45:04 [ai]ܒܗܝܡܢܘܬܗ ܘܒܡܟܝܟܘܬܗ܂ ܓܒܝܗܝ ܡܢ ܟܠܗܘܢ ܒܢܝ ܐܢܫܐ܂
45:05 [ai]ܘܩܪܒܗ ܠܥܪܦܠܗ܃ ܘܣܕܪ ܩܕܡܘܗܝ ܢܡܘܣܐ ܕܚܝ̈ܐ ܘܒܘܪ̈ܟܬܐ܂ ܠܡܠܦܘ ܠܕܒܝܬ ܐܝܣܪܝܠ ܢܡܘ̈ܣܘܗܝ܂ ܘܩܝ̈ܡܘܗܝ ܘܕܝܢ̈ܘܗܝ ܠܝܥܩܘܒ܃܀ܸ
45:06 [ai]ܘܐܪܝܡ ܐܟܘܬܗ ܩܕܝܫܐ ܠܐܗܪܘܢ ܡܢ ܫܒܛܐ ܕܠܘܝ܂
45:07 [ai]ܘܣܡܗ ܠܫܪܪܐ ܕܥܡܐ܂ ܘܝܗܒ ܥܠܘܗܝ ܡܢ ܐܝܩܪܗ ܘܫܘܒܚܗ܂ ܘܓܒܝܗܝ ܒܪܘܡܐ ܕܐܝܩܪܗ܃
45:08 [ai]ܘܐܠܒܫܗ ܢܚ̈ܬܐ ܕܬܟܠܬܐ܂ ܘܝܩܪܗ ܒܡ̈ܐܢܐ ܕܬܘܩܦܐ܂
45:15 [ai]ܘܣܡ ܥܠܘܗܝ ܡܘܫܐ ܐܝܕܗ܂ ܘܡܫܚܗ ܡܫܚܐ ܕܩܘܕܫܐ܂ ܘܗܘܬ ܠܗ ܠܩܝܡܐ ܕܠܥܠܡ܂ ܘܠܙܪܥܗ ܐܝܟ ܝܘ̈ܡܬܐ ܕܫܡܝܐ܂ ܠܡܫܡܫܘ ܘܠܡܒܪܟܘ ܠܥܡܗ ܒܫܡܗ܂
45:16 [ai]ܘܓܒܝܗܝ ܡܢ ܟܠܗܘܢ ܚ̈ܝܐ܂ ܠܡܩܪܒܘ ܥ̈ܠܘܬܐ ܘܕܒܚ̈ܐ ܘܒܣ̈ܡܐ܂ ܘܠܡܚܣܝܘ ܥܠ ܟܠܗ ܐܝܣܪܝܠ܂
45:17 [ai]ܘܝܗܒ ܠܗ ܦܘܩ̈ܕܢܐ ܘܐܫܠܛܗ ܒܩܝ̈ܡܐ ܘܕܝܢ̈ܐ܂
45:18 [ai]ܘܐܬܚܪܝܘ ܥܡܗ ܢܘܟܪ̈ܝܐ܂ ܘܛܢܘ ܒܗ ܒܡܕܒܪܐ ܐ̈ܢܫܝ ܕܬܢ ܘܐܒܝܪܡ܂ ܘܟܢܘܫܬܐ ܕܩܘܪܚ ܒܬܘܩܦܐ܂
45:19 [ai]ܘܚܙܐ ܐܠܗܐ ܘܪܓܙ܂ ܘܐܘܩܕ ܐܢܘܢ ܒܢܘܪܐ܂ ܘܩܪܐ ܠܗܘܢ ܡܚܘܬܐ܂ ܘܐܣܝܦ ܐܢܘܢ ܒܬܘܩܦܐ ܕܪܘܓܙܗ܃
45:20 [ai]ܘܣܡ ܥܠ ܐܗܪܘܢ ܐܝܩܪܐ܂ ܘܝܗܒ ܠܗ ܝܘܪܬܢܗ܂ ܪ̈ܫܝܬܐ ܕܩܘܕܫܐ܂ ܘܣܕܪ̈ܐ ܕܠܚܡܐ ܠܗ ܘܠܙܪܥܗ܂
45:22 [ai]ܒܠܚܘܕ ܒܐܪܥܗܘܢ ܠܐ ܝܪܬܘ ܝܘܪܬܢܐ܂ ܘܠܐ ܦܠܓܘ ܦܠܓܘܬܐ ܥܡܗܘܢ܂ ܡܛܠ ܕܡܪܝܐ ܡܢܬܗ ܘܝܪܬܘܬܗ ܒܝܬ ܐܝܣܪܐܝܠܼܿ܂
45:23 [ai]ܘܐܦ ܦܝܢܚܣ ܒܪ ܐܠܝܥܙܪ܂ ܒܓܢܒܪܘܬܗ ܢܣܒ ܠܗ ܬܠܬܐ ܐܝܩܪ̈ܝܢ܂ ܒܛܢܢܐ ܕܛܢ ܒܡܕܝܢܬܐ ܘܒܒܪ ܐܝܣܪܐܝܠ܂ ܘܕܩܡ ܒܬܘܪܥܬܐ ܕܥܡܐ ܘܒܥܐ ܥܠ ܐܝܣܪܝܠ܂
45:24 [ai]ܡܛܘܠ ܗܢܐ ܒܡܘ̈ܡܬܐ ܝܡܐ ܠܗ ܐܠܗܐ܂ ܕܢܒܢܐ ܠܗ ܡܕܒܚܐ܂ ܘܬܗܘܐ ܠܗ ܘܠܙܪܥܗ ܟܗܢܘܬܐ ܪܒܬܐ ܠܥܠܡ܃܀
45:25 [ai]ܘܐܦ ܕܘܝܕ ܒܪ ܐܝܫܝ܂ ܝܘܪܬܢܐ ܕܡ̈ܠܟܐ ܒܠܚܘܕܘܗܝ ܝܪܬ܂ ܝܘܪܬܢܐ ܕܐܗܪܘܢ ܠܗ ܘܠܙܪܥܗ܂
45:26 [ai]ܡܟܝܠ ܒܪܟܘ ܠܐܠܗܐ ܕܝܗܒ ܠܟܘܢ ܚܟܡܬܐ ܕܠܒܐ܂ ܠܡܕܢ ܠܥܡܗ ܒܫܡܗ܂ ܡܛܠ ܕܠܐ ܢܬܛܥܐ ܛܘܒܗܘܢ܂ ܘܫܘܠܛܢܗܘܢ ܠܟܠ ܕܪ̈ܐ ܕܥܠܡܐ܀

next chapter