← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


47:01 [ai]ܘܒܬܪܗ ܩܡ ܢܬܢ ܢܒܝܐ ܠܡܫܡܥܘ ܩܕܡ ܕܘܝܕ
47:02 [ai]ܐܝܟܢܐ ܓܝܪ ܕܪܡ ܬܪܒܐ ܡܢ ܩܘܕܫܐ܂ ܗܟܢܐ ܪܡ ܕܘܝܕ ܡܢ ܐܝܣܪܝܠ܂
47:03 [ai]ܐܪ̈ܝܘܬܐ ܐܝܟ ܓܕ̈ܝܐ ܩܛܠ܂ ܘܕܐܒ̈ܐ ܐܝܟ ܐܡܪ̈ܐ܂
47:04 [ai]ܒܛܠܝܘܬܗ ܩܛܠ ܠܓܢܒܪܐ܂ ܘܐܥܒܪ ܚܣܕܐ ܕܥܡܗ܂ ܐܢܝܦ ܐܝܕܗ ܒܩܠܥܐ܂ ܘܬܒܪ ܟܘܠܗ ܫܒܗܪܢܘܬܗ ܕܓܘܠܝܕ܂
47:05 [ai]ܡܛܠ ܕܨܠܝ ܩܕܡ ܐܠܗܐ ܘܝܗܒ ܒܐܝܕܗ ܬܘܩܦܐ܂ ܠܡܩܛܠ ܠܓܢܒܪܐ ܕܝܕܥ ܩܪܒܐ ܠܡܪܡܘ ܩܪܢܐ ܕܥܡܗ ܐܝܣܪܝܠ܂
47:06 [ai]ܡܛܠ ܗܢܐ ܫܒܚܝܗܝ ܢܫ̈ܐ ܒܪ̈ܒܘܬܐ܂ ܩܠܝܠ ܐܬܟܬܫ
47:07 [ai]ܘܬܒܪ ܣܢܐ̈ܐ ܡܢ ܟܠܗܘܢ ܚܕܪ̈ܘܗܝ܂ ܘܐܬܦܪܥ ܡܢ ܦܠܫ̈ܬܝܐ܂ ܘܐܦ ܥܕܡܐ ܠܝܘܡܢܐ ܬܒܪ ܩܪܢܗܘܢ܂
47:08 [ai]ܡܛܠ ܗܢܐ ܝܗܒ ܗܘܐ ܩܠܐ ܒܡ̈ܠܐ ܕܬܘܕܝܬܐ ܘܕܐܝܩܪܐ܂ ܘܒܟܠܗ ܠܒܗ ܪܚܡ ܒܪܝܗ܂
47:09 [ai]ܘܒܟܠ ܝܘܡ ܐܡܝܢܐܝܬ܂ ܬܫܒ̈ܚܬܗ ܐܡܪ ܗܘܐ ܩܕܡ ܡܕܒܚܐ܂
47:10 [ai]ܝܗܒ ܬܫܒ̈ܚܬܐ ܪ̈ܘܪܒܬܐ ܟܠ ܫܢܐ ܒܫܢܐ܂
47:11 [ai]ܐܦ ܐܠܗܐ ܫܒܩ ܠܗ ܚܛܗ̈ܘܗܝ ܘܐܪܝܡ ܠܥܠܡ ܩܪܢܗ܂ ܘܝܗܒ ܠܗ ܟܘܪܣܝܐ ܕܡܠܟܘܬܐ ܥܠ ܐܝܣܪܐܝܠ ܠܥܠܡ܂
47:12 [ai]ܘܩܡ ܒܬܪܗ ܡܠܟܐ ܬܩܝܦܐ܂ ܫܪܐ ܒܫܠܝܐ ܫܠܝܡܘܢ܂
47:13 [ai]ܘܐܠܗܐ ܐܢܝܚ ܠܗ ܡܢ ܟܠܗܘܢ ܚܕܪ̈ܘܗܝ܃ ܡܛܠ ܕܢܒܢܐ ܒܝܬܐ ܠܫܡܗ ܠܥܠܡ܂
47:14 [ai]ܟܡܐ ܚܟܝܡ ܗܘܝܬ ܒܛܠܝܘܬܟ ܫܠܝܡܘܢ̈ ܘܐܛܝܦܬ ܐܝܟ ܢܗܪܐ ܚܟܡܬܐ ܒܣܘܟܠܟ܂ ܘܒܪܘܡܐ ܕܐܝܩܪܐ ܕܡ̈ܠܟܐܼ܂
47:16 [ai]ܥܕܡܐ ܠܓܙܪ̈ܬܐ ܪ̈ܚܝܩܬܐ ܡܛܐ ܫܡܟ܃ ܘܡܣܟܝܢ ܠܫܡܟ܂
47:17 [ai]ܦܫܪ ܡܬ̈ܠܐ ܕܚܟܡܬܐ ܒܟܬܒܐ܂ ܘܒܢܒܝܘܬܐ ܐܬܡܗܬ ܥܡ̈ܡܐ܂
47:18 [ai]ܘܐܬܩܪܝܬ ܒܫܡܗ ܕܐܠܗܐ܂ ܕܕܝܠܗ ܗܘ ܐܝܩܪܐ ܕܐܬܩܪܝ ܥܠ ܐܝܣܪܐܝܠ܂ ܘܟܢܫܬ ܐܝܟ ܐܒܪܐ ܕܗܒܐ܂ ܘܣܐܡܐ ܐܝܟ ܥܦܪܐ܂
47:19 [ai]ܘܝܗܒܬ ܠܢܫ̈ܐ ܬܘܩܦܟ܂ ܘܐܫܠܛܬ ܐ̈ܢܝܢ ܒܦܓܪܟ܂
47:20 [ai]ܘܝܗܒܬ ܡܘܡܐ ܒܐܝܩܪܟ ܘܨܥܪܬ ܬܫܘܝܬܟ܂ ܠܡܝܬܝܘ ܥܘܠܐ ܥܠ ܒܢ̈ܝ ܒܢܝܟ܂ ܕܢܬܬܢܚܘܢ ܥܠ ܡܫܟܒܗܘܢ܂
47:21 [ai]ܠܡܬܦܠܓܘ ܠܬܪ̈ܬܝܢ ܡ̈ܠܟܘܢ܂ ܡܢ ܕܒܝܬ ܐܦܪܝܡ ܡܠܟܘܬܐ ܚܢܦܬܐ܂
47:22 [ai]ܘܐܦ ܐܠܗܐ ܠܐ ܫܒܩ ܛܝܒܘܬܗ܂ ܘܠܐ ܢܪܡܐ ܡܠܘ̈ܗܝ ܥܠ ܐܪܥܐ܂ ܘܠܐ ܢܘܒܕ ܙܪܥܐ ܕܪ̈ܚܡܘܗܝ܂ ܘܒܢ̈ܝ ܙܕܝܩ̈ܘܗܝ ܠܐ ܢܓܡܪ܃ ܘܢܬܠ ܠܝܥܩܘܒ ܡܫܘܙܒܘܬܐ ܘܠܕܘܝܕ ܡܠܟܘܬܐ ܪܒܬܐ܀
47:23 [ai]ܘܫܟܒ ܫܠܝܡܘܢ ܘܩܡ ܒܪܗ ܒܬܪܗ܂ ܡܣܓܐ ܣܟ̈ܠܘܬܐ̈ ܘܚܣܝܪ ܚܟܡܬܐ܂ ܪܚܒܥܡ ܕܒܪ ܒܬܪܥܝܬܗ ܠܥܡܗ܃ ܘܠܐ ܢܗܘܐ ܠܗ ܕܘܟܪܢ ܠܝܘܪܒܥܡ ܒܪ ܢܒܛ܂ ܕܚܛܐ ܘܐܚܛܝ ܠܐܝܣܪܝܠ܂ ܘܝܗܒ ܠܕܒܝܬ ܐܦܪܝܡ ܬܘܩܠܬܐ܂
47:24 [ai]ܠܡܓܠܝܘ ܐܢܘܢ ܡܢ ܐܬܪܗܘܢ܂ ܘܐܣܓܝ ܚܛܗ̈ܝܗܘܢ ܛܒ܂
47:25 [ai]ܘܥܠ ܟܠ ܒܝܫ̈ܬܐ ܐܬܡܠܟ܂

next chapter