← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


50:01 [ai]ܪܒ ܐܚ̈ܘܗܝ ܘܟܠܝܠܐ ܕܥܡܗ܂ ܫܡܥܘܢ ܒܪ ܢܬܢܝܐ ܟܗܢܐ ܪܒܐ܂ ܕܒܝܘܡ̈ܘܗܝ ܐܬܒܢܝ ܒܝܬܐ ܘܐܬܼܬܩܦ ܗܝܟܠܐ܂
50:02 [ai]ܘܐܬܬܣܝܡ ܫܘܪܐ ܥܥ̈ܝܬܐ܂ ܘܐܬܒܢܝܬ ܚܕܪܬܐ
50:03 [ai]ܘܚܦܪ ܡܒܘܥܐ̈܂
50:04 [ai]ܘܦܨܝ ܠܥܡܗ ܡܢ ܣܢܐ̈ܐ܂
50:05 [ai]ܡܐ ܝܐܐ ܒܡܦܩܗ ܡܢ ܗܝܟܠܐ܂ ܟܕ ܡܬܚܙܐ ܡܢ ܬܚܝܬ ܦܪܝܣܐ܂
50:06 [ai]ܐܝܟ ܟܘܟܒ ܢܘܓܗܐ ܡܢ ܒܝܢܬ ܥܢ̈ܢܐ܂ ܘܐܝܟ ܣܗܪܐ ܒܝܘܡ̈ܝ ܢܝܣܢ܂
50:07 [ai]ܘܐܝܟ ܫܡܫܐ ܕܕܢܝܚ ܥܠ ܐܦܕ̈ܢܐ܂ ܘܐܝܟ ܩܫܬܐ ܒܥ̈ܢܢܐ܂
50:08 [ai]ܘܐܝܟ ܫܒ̈ܠܐ ܕܚܩܠܐ܂ ܘܐܝܟ ܫܘܫܢܬ ܡܠܟܐ ܒܡܒܘ̈ܥܝ ܡܝ̈ܐ܂ ܘܐܝܟ ܐܝ̈ܠܢܐ ܕܠܒܢܢ ܒܝܘ̈ܡܝ ܩܛܦܐ܂
50:09 [ai]ܘܐܝܟ ܪܝܚܐ ܕܠܒܘܢܬܐ ܥܠ ܦܝܪܡܐ܂ ܘܐܝܟ ܥܩܐ ܕܕܗܒܐ ܕܡܿܦܬܟ ܫܦܝܪ̈܂ ܘܡܿܨܼܒܬ ܒܟܐ̈ܦܐ ܛܒ̈ܬܐ܂
50:10 [ai]ܘܐܝܟ ܙܝܬܐ ܗܕܝܪܐ ܕܪ̈ܘܪܒܢ ܣܘ̈ܟܘܗܝ܂ ܘܐܝܟ ܐܝܠܢܐ ܕܡܫܚܐ ܕܡܣܒܥ ܒܥܘܦ̈ܘܗܝ܂
50:11 [ai]ܒܡܠܒܫܗ ܡܐ̈ܢܐ ܕܩܘܕܫܐ܂ ܘܒܡܥܛܦܗ ܡܐ̈ܢܐ ܕܐܝܩܪܐ܂ ܒܡܦܩܗ ܠܡܩܒܠܘ ܬܫܒܚ̈ܬܐ܂ ܒܝܐܝܘܬܐ ܕܬܘܩܦܐ ܕܡܩܕܫܐ܂
50:12 [ai]ܒܡܩܒܠܘܬܗ ܗܕܡ̈ܐ ܕܒܣܪܐ ܡܢ ܐܝܕܐ ܕܐܚ̈ܘܗܝ܃ ܘܗܘ ܩܐܡ ܠܥܠ ܡܢ ܣܕܪ̈ܐ܂ ܘܟܪܝܟܝܢ ܠܗ ܐܝܟ ܟܠܝܠܐ ܐܚܘ̈ܗܝ܂
50:13 [ai]ܟܠܗܘܢ ܒ̈ܢܝ ܐܗܪܘܢ ܒܐܝܩܪܗܘܢ܃ ܩܘܪ̈ܒܢܐ ܒܐܝܕܝ̈ܗܘܢ ܠܘܩܒܠ ܟܘܠܗ ܥܡܐ ܕܐܝܣܪܝܠ܃
50:14 [ai]ܥܕܡܐ ܕܫܠܡ ܠܡܫܡܫܘ ܡܕܒܚܐ܂ ܘܠܡܫܡܫܘ ܒܚܕܘܬܐ ܕܩܘܕܫܐ܂
50:15 [ai]ܐܘܫܛ ܥܠ ܩܣܛܐ ܐܝܕܗ܂ ܘܢܣܒ ܚܡܪܐ ܥܬܝܩܐ܂ ܘܢܣܟ ܥܠ ܓܢܒ ܡܕܒܚܐ ܠܪܝܚܐ ܕܢܝܚܐ܂
50:16 [ai]ܘܗܝܕܝܢ ܝܒܒܘ ܒܢ̈ܝ ܐܗܪܘܢ ܒܩܪ̈ܢܬܐ ܩܕܡ ܟܠܗ ܥܡܐ ܕܐܝܣܪܝܠ܂ ܘܐܫܡܥܘ ܩܠܐ ܬܩܝܦܐ ܠܡܒܪܟܘ ܩܕܡ ܟܘܠܗ ܥܡܐ܂
50:17 [ai]ܘܢܦܠܘ ܥܠ ܐܦܝ̈ܗܘܢ ܥܠ ܐܪܥܐ ܐܟܚܕܐ܂ ܟܠܗ ܥܡܐ ܠܡܣܓܕ ܠܐܠܗܐ܂ ܘܝܗܒܘ ܠܬܘܕܝܬܐ ܩܠܗܘܢ܂ ܘܐܬܒܣܡܘ ܐܝܟ ܚܕܐ ܒܨܠܘܬܐ܃
50:22 [ai]ܘܫܒܚܘ ܥܡܐ ܕܐܪܥܐ ܠܐܠܗܐ܂ ܕܥܒܕ ܦܪ̈ܝܫܬܐ ܒܐܪܥܐ܂ ܕܒܪܐ ܒܢܝܢܫܐ ܡܢ ܟܪܣܐ ܕܐܡܗܘܢ܃ ܘܡܕܒܪ ܠܗܘܢ ܐܝܟ ܨܒܝܢܗ܂
50:23 [ai]ܠܡܬܠ ܠܗܘܢ ܚܟܡܬܐ ܕܠܒܐ܂ ܘܢܗܘܐ ܫܠܡܐ ܒܝܢܬܗܘܢ܂
50:24 [ai]ܘܢܬܩܝܡ ܥܡ ܫܡܥܘܢ ܚܣܕܐ܂ ܘܥܡ ܙܪܥܗ ܐܝܟ ܝܘ̈ܡܬܐ ܕܫܡܝܐ܂
50:25 [ai]ܒܬܪ̈ܝܢ ܥܡ̈ܡܝܢ ܐܬܬܥܝܩܬ ܢܦܫܝ܂ ܘܕܬܠܬܐ ܠܐ ܗܘܐ ܥܡܐ܂
50:26 [ai]ܝ̈ܬܒܝ ܓܒܠ ܘܦܠܫ̈ܬܝܐ܂ ܘܥܡܐ ܣܟܠܐ ܕܝܬܒ ܒܫܟܝܡ܂
50:27 [ai]ܟܘܠ ܡܬ̈ܠܐ ܕܚܟܝܡ̈ܐ ܘܐܘܚ̈ܕܬܗܘܢ܂ ܟܬܝܒܝܢ ܒܣܦܪܐ ܗܢܐ܂
50:28 [ai]ܛܘܒܘܗܝ ܠܓܒܪܐ ܕܒܗܠܝܢ ܢܪܢܐ܂ ܘܢܐܠܦ ܐ̈ܢܝܢ ܘܢܚܟܡ ܐ̈ܢܝܢ ܘܢܥܒܕ ܐ̈ܢܝܢ܂܂ ܪܘܡܐ ܕܕܚܠܬܗ ܕܡܪܝܐ ܥܠ ܟܠܡܕܡ ܐܬܬܪܝܡܬ܂ ܚܙܝܗ ܒܪ̈ܝ ܘܠܐ ܬܫܒܩܝܗ܂

next chapter