The Comprehensive Aramaic Lexicon

08:01 [ai]	ܟܕ ܕܝܢ ܫܠܡܘ ܠܡܚܫܡܘܼ܂ ܐܥܠܘܗܝ ܠܛܘܒܝܐ ܠܘܬܗܿ܂
08:02 [ai]	ܗܿܘ ܕܝܢ ܟܕ ܐܙܿܠ ܗܼܘܐܼ܂ ܐܬܥܗܕ ܠܡ̈ܠܐ ܕܪܦܐܝܠܿ܂ ܘܢܣܼܒ ܠܩܛܡܐ ܕܒܣ̈ܡܐ ܘܣܡ ܥܠܘܗܝ ܠܒܗ ܕܗܿܘ ܢܘܢܐ ܘܟܒܕܐܼ܂ ܘܐܬܬܢ܂
08:03 [ai]	ܟܕ ܕܝܢ ܐܪܝܚܗ ܗܿܘ ܫܐܕܐ ܠܪܝܚܐܼ܂ ܥܪܩ ܠܥ̈ܠܝܐ ܕܡܨܪܝܢ܂ ܘܐܣܪܗ ܡܠܐܟܐ܂
08:04 [ai]	ܟܕ ܕܝܢ ܐܬܚܒܫܘ ܬܪܝܗܘܢ܂ ܩܡ ܛܘܒܝܐ ܡܢ ܥܪܣܼܐ ܘܐܡܼܪ܂ ܩܘܡ ܚܬܝ ܘܢܨܠܐ܂ ܐܝܟܢܐ ܕܥܠܝܢ ܢܪܚܡ ܡܪܝܐܼ܂
08:05 [ai]	ܘܫܿܪܝ ܛܘܒܝܐ ܠܡܐܡܪ܂ ܡܒܪܟܐ ܐܝܬܝܟ ܐܠܗܐ ܕܐܒ̈ܗܐ ܕܝܠܢܼ܂ ܘܡܒܪܟܐ ܗܼܘ ܫܡܐ ܕܝܠܟ ܩܕܝܫܐ ܘܡܫܒܚܐ ܠܥܠܡ܂ ܢܒܪܟܘܢܟ ܫܡܝܐ ܘܟܠܗܿ ܒܪܝܬܐ ܕܝܠܟܼ܂
08:06 [ai]	ܐܢܬ ܥܒܼܕܬ ܠܐܕܡܿ܂ ܘܝܗܒܬ ܡܥܕܪܢܐ ܠܚܘܐ ܣܡܟܐ ܐܢܬܬܐ ܕܝܠܗ܂ ܡܢ ܗܠܝܢ ܗܼܘܐ ܙܪܥܐ ܕܒܢ̈ܝܢܫܐ܂ ܐܢܬ ܐܡܪܬܿ܂ ܕܠܐ ܫܦܝܪܐ ܕܢܗܘܐ ܐܝܬܘܗܝ ܒܪܢܫܐ ܒܠܚܘܕܘܗܝ ܢܥܒܕ ܠܗ ܡܥܕܪܢܐ ܕܕܿܡܐ ܠܗ܂
08:07 [ai]	ܘܗܫܐ ܡܪܝܐ ܠܘ ܡܛܠ ܙܢܝܘܬܐ ܐܢܐ ܢܣܒ ܐܢܐ ܠܚܬܐ ܕܝܠܝ ܗܕܐ܂ ܐܠܐ ܒܫܪܪܐ܂ ܦܩܘܕ ܕܐܬܼܚܢܢ܂ ܘܥܡܗܿ ܐܣܐܒ܂ ܘܐܡܼܪܬ ܥܡܗ ܐܡܝܢ܂
08:09 [ai]	ܘܕܡܟܘ ܬܪܝܗܘܢ ܗܿܘ ܠܠܝܐܿ܂ ܘܟܕ ܩܡ ܪܥܘܐܝܠܼ܂ ܐܙܠ ܘܚܼܦܪ ܩܒܪܐ܂
08:10 [ai]	ܟܕ ܐܡܿܪ܂ ܕܠܡܐ ܐܦ ܗܢܐ ܡܐܿܬ܂
08:11 [ai]	ܘܐܬܼܐ ܪܥܘܐܝܠ ܠܒܝܬܗܼ܂
08:12 [ai]	ܘܐܡܼܪ ܠܐܕܢܐ ܐܢܬܬܐ ܕܝܠܗ܂ ܫܕܪܝ ܚܕܐ ܡܢ ܐܡܗ̈ܬܐܼ܂ ܘܬܚܙܐ ܐܢ ܚܝ܂ ܐܢܕܝܢ ܠܐܼ܂ ܕܢܩܒܪܝܘܗܝ ܘܠܐ ܐܢܫ ܢܕܥ܂
08:13 [ai]	ܘܥܼܠܬ ܗܿܝ ܐܡܬܐ ܟܕ ܦܬܚܬ ܬܪܥܐܼ܂ ܘܐܫܟܚܬ ܠܬܪܝܗܘܢ ܕܕܡܝܟܝܢ܂
08:14 [ai]	ܟܕ ܢܦܼܩܬ ܕܝܢܼ܂ ܐܘܕܥܬ ܐܢܘܢ ܕܚܝ܂
08:15 [ai]	ܘܒܪܟ ܠܐܠܗܐ ܪܥܘܐܝܠ ܟܕ ܐܡܿܪ܂ ܡܒܪܟܐ ܐܢܬ ܐܠܗܐܼ܂ ܒܟܠ ܒܘܪܟܬܐ ܕܟܝܬܐ ܘܩܕܝܫܬܐ܂ ܢܒܪܟܘܢܟ ܩܕ̈ܝܫܐ ܕܝܠܟ܂ ܟܠܗܝܢ ܒܪ̈ܝܬܐ ܕܝܠܟ܂ ܟܠܗܘܢ ܡ̈ܠܐܟܐ ܘܓܒܝ̈ܐ ܕܝܠܟ܂ ܢܒܪܟܘܢܟ ܟܠܗܘܢ ܥ̈ܠܡܐ܂
08:16 [ai]	ܡܒܪܟܐ ܐܝܬܝܟ ܡܛܠ ܕܚܕܝܬܢܝ܂ ܘܠܐ ܗܼܘܐ ܠܝ ܐܝܟܢܐ ܕܡܿܣܒܪ ܗܘܝܬ܂ ܐܠܐ ܐܝܟ ܪ̈ܚܼܡܐ ܕܝܠܟ ܣܓ̈ܝܐܐ ܥܒܕܬ ܥܡܢ܂
08:17 [ai]	ܡܒܪܟܐ ܐܝܬܝܟ ܡܛܠ ܕܪܚܡܬ ܥܠ ܬܪܝܢ ܝܚ̈ܝܕܝܐ܂ ܥܒܼܕ ܠܗܘܢ ܡܪܢ ܪ̈ܚܡܐ܂ ܫܡܿܠܐ ܚܝܿܐ ܕܝܠܗܘܢ ܒܚܘܠܡܢܐܼ ܥܡ ܚܕܘܬܐ ܘܪ̈ܚܼܡܐ܂
08:18 [ai]	ܦܩܼܕ ܕܝܢ ܠܒܢ̈ܝ ܒܝܬܐ ܠܡܛܡܪܗ ܠܩܒܪܐ܂
08:19 [ai]	ܘܥܒܼܕ ܠܗܘܢ ܡܫܬܘܬܐܼ܂ ܕܝܘ̈ܡܬܐ ܐܪܒܬܥܣܪ܂
08:20 [ai]	ܘܐܡܼܪ ܪܥܘܐܝܠ ܩܕܡ ܕܢܫܠܡܘܢ ܝܘܡ̈ܬܐ ܕܡܫܬܘܬܐ ܒܡܘ̈ܡܬܐܼ܂ ܕܠܐ ܢܦܘܩܿ܂ ܐܠܐ ܐܢ ܐܬܡܿܠܝܘ ܐܪܒܬܥܣܪ ܝܘܡ̈ܬܐ ܕܡܫܬܘܬܐ܂
08:21 [ai]	ܘܗܝܿܕܝܢ ܟܕ ܢܣܿܒ ܦܠܓܐ ܕܗܠܝܢ ܕܐܝܬ ܗܘ̈ܝ ܠܗܼ܂ ܢܐܙܠ ܥܡ ܚܘܠܡܢܐ ܠܘܬ ܐܒܘܗܝ܂ ܘܗܠܝܢ ܕܫܪܟܐܼ܂ ܡܐ ܕܡܝܬܬ ܐܢܐ ܘܐܢܬܬܐ ܕܝܠܝ܂

next chapter