← Back
The Comprehensive Aramaic Lexicon
← Return to the Text Browser
click on the file description for more information
62067: Tobit

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܒܬܪ ܗܠܝܢ܂ ܐܙܿܠ ܗܘܐ ܛܘܒܝܐ ܟܕ ܡܒܪܟ ܠܐܠܗܐܿ܂ ܡܛܠ ܕܐܨܠܚ ܐܘܪܚܐ ܕܝܠܗ܂ ܘܡܒܪܟ ܗܘܐ ܠܪܥܘܐܝܠ ܘܠܐܕܢܐ ܐܢܬܬܐ ܕܝܠܗ܂ ܘܐܙܠܝܢ ܗܘܘ ܥܕܡܐ ܕܢܩܪܒܘܢ ܠܢܝܢܘܐ܂܂
11:02 [ai]ܘܐܡܪ ܪܦܐܝܠ ܠܘܬ ܛܘܒܝܐ܂ ܠܐ ܝܕܿܥ ܐܢܬ ܐܚܝ܃ ܐܝܟܢܐ ܫܒܩܬ ܠܐܒܐ ܕܝܠܟ܂܂
11:03 [ai]ܢܪܗܛ ܩܕܡ ܐܢܬܬܐ ܕܝܠܟ ܘܢܛܝܒ ܒܝܬܐ܂܂
11:04 [ai]ܣܼܒ ܕܝܢ ܡܚܕܐ ܠܡܪܪܬܐ ܕܗܿܘ ܢܘܢܐܼ܂ ܘܐܙܠܘܼ܂ ܘܗܿܘ ܟܠܒܐ ܒܬܪܗܘܢ܂܂
11:05 [ai]ܘܚܢܢܐ ܝܬܝܒܐ ܗܘܬ ܟܕ ܚܝܪܐ ܒܐܘܪܚܐ ܠܒܪܐ ܕܝܠܗܿ܂܂
11:06 [ai]ܘܐܣܬܟܠܬܗ ܟܕ ܐܿܬܐܼ܂ ܘܐܡܪܬ ܠܐܒܐ ܕܝܠܗ܂ ܗܐ ܒܪܐ ܕܝܠܟ ܐܬܐܼ܂ ܘܒܪܢܫ ܗܿܘ ܕܐܼܙܠ ܥܡܗܿ܂
11:07 [ai]ܘܪܦܐܝܠ ܐܡܼܪ܂ ܝܿܕܥܢܐ ܛܘܒܝܐ ܝܕܥܢܐ܃ ܕܦܬܚ ܥܝܢ̈ܘܗܝ ܐܒܐ ܕܝܠܟ܂܂
11:08 [ai]ܐܢܬ ܗܟܝܠ ܛܘܫܝܗܿ ܠܡܪܪܬܐ ܒܥ̈ܝܢܐ ܕܝܠܗܼ܂ ܘܟܕ ܢܬܢܟܬ ܢܫܘܦ ܘܢܫܼܕܐ ܠܚܘܪ̈ܘܪܐ ܘܢܚܙܝܟ܂܂
11:09 [ai]ܘܟܕ ܪܗܼܛܬ ܚܢܢܐܼ܂ ܢܦܼܠܬ ܥܠ ܨܘܪܐ ܕܒܪܐ ܕܝܠܗܼܿ܂ ܘܐܡܼܪܬ ܠܗܿ ܕܚܙܝܬܟ ܒܪܝܼ܂ ܡܢ ܗܫܐ ܐܡܘܬ܂ ܘܒܟܘ ܬܪܝܗܘܢ܂܂
11:10 [ai]ܘܛܘܒܝܛ ܐܿܬܐ ܗܼܘܐ ܘܡܿܬܬܩܿܠ܂ ܒܪܗ ܕܝܢ ܪܗܛ ܠܘܬܗ܂
11:11 [ai]ܘܐܚܕܗ ܠܐܒܐ ܕܝܠܗܼ܂ ܘܒܕܪܗ ܠܡܪܪܬܐ ܒܥ̈ܝܢܐ ܕܐܒܐ ܕܝܠܗ ܟܕ ܐܡܿܪ܂ ܐܬܠܒܒ ܐܒܝ܂܂܂
11:12 [ai]ܟܕ ܕܝܢ ܐܬܢ̈ܟܬܝܢ܂ ܫܦ ܗܼܘܐ ܠܥ̈ܝܢܐ ܕܝܠܗܼ܂܂
11:13 [ai]ܘܐܛܩܠܦܘ ܡܢ ܬܠܝ̈ܦܐ ܕܥܝ̈ܢܘܗܝ ܗܠܝܢ ܚܘܪ̈ܘܪܐ܂ ܘܟܕ ܚܼܙܐ ܠܒܪܐ ܕܝܠܗܼ܂ ܢܦܠ ܥܠ ܨܘܪܗܼ܂܂
11:14 [ai]ܘܒܟܼܐ ܘܐܡܼܪ܂ ܡܒܪܟܐ ܐܝܬܝܟ ܐܠܗܐ܂ ܘܡܒܪܟܐ ܗܼܘ ܫܡܐ ܕܝܠܟ ܠܥܠܡܝܢ܂ ܘܡܒܪܟܐ ܟܠܗܘܢ ܡܠܐ̈ܟܐ ܩܕ̈ܝܫܐ ܕܝܠܟ܂܂
11:15 [ai]ܡܛܠ ܕܢܓܕܬܢܝ ܘܪܚܡܬ ܥܠܝ܂ ܗܐ ܚܙܐ ܐܢܐ ܠܛܘܒܝܐ ܒܪܐ ܕܝܠܝ܂ ܘܥܠ ܒܪܐ ܕܝܠܗ ܟܕ ܚܿܕܐܼ܂ ܘܐܘܕܥ ܠܐܒܘܗܝ ܪܘܪ̈ܒܬܐܿ܂ ܗܢܝܢ ܕܗ̈ܘܝ ܠܗ ܒܡܕܝ܂܂
11:16 [ai]ܘܢܦܩ ܛܘܒܝܛ ܠܐܘܪܥ ܕܟܠܬܐ ܕܝܠܗ܃ ܟܕ ܚܿܕܐ ܘܡܒܪܟ ܠܐܠܗܐ܂ ܠܘܬ ܬܪܥܐ ܕܢܝܢܘܐ܂ ܘܬܡܗܘ ܗܿܢܘܢ ܕܚܙܝܢ ܗܘܘ ܠܗ ܕܐܿܙܠ܂ ܡܛܘܠ ܕܚܼܙܐܼ܂܂
11:17 [ai]ܘܛܘܒܝܐ ܡܘܕܐ ܗܼܘܐ ܩܕܡܘܗܝ ܕܐܬܪܚܡ ܥܠܝܗܘܢ ܐܠܗܐ܂܂ ܘܟܕ ܩܼܪܒ ܛܘܒܝܛ ܠܣܪܐ ܟܠܬܐ ܕܝܠܗܼ܂ ܒܪܟܗܿ ܟܕ ܐܡܪ܂ ܐܬܼܝܬܝ ܟܕ ܚܠܝܡܐ ܒܪ̈ܬܝ܂ ܡܒܪܟܐ ܗܼܘ ܐܠܗܐ ܗܿܘ ܕܐܝܬܝܟܝ ܠܘܬܢ܂ ܘܐܒܐ ܕܝܠܟܝ܂ ܘܗܘܬ ܚܕܘܬܐ ܠܟܠܗܘܢ ܗܿܢܘܢ ܕܒܢܝܢܘܐ ܐܚ̈ܐ ܕܝܠܗܘܢ܂ ܂
11:18 [ai]ܘܐܬܐ ܐܚܝܚܘܪ ܘܢܒܘܣ ܗܿܘ ܕܡܢ ܐܚ̈ܐ ܕܝܠܗܼ܂܂
11:19 [ai]ܘܗܘܬ ܡܫܬܘܬܐ ܠܛܘܒܝܐ ܥܡ ܚܕܘܬܐ ܫܒܥܐ ܝܘܡ̈ܬܐ܂܂܂

next chapter