← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62068: Tobit A

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

08:01 [ai]ܘܟܕ ܒܣܡܼܘ ܘܩܡܼܘ܂ ܘܐܥܠܘܗܝ ܠܛܘܒܝܐ ܠܩܝܛܘܢܐ ܠܘܬܗܿ
08:02 [ai]ܘܐܬܕܟܪ ܛܘܒܝܐ ܠܡ̈ܠܘܗܝ ܕܪܦܐܝܠ܂ ܘܫܩܼܠ ܠܒܗ ܕܢܘܢܐ ܘܟܒܼܕܗ܂ ܘܣܼܡ ܥܠ ܪܡܘܥܐ ܕܢܘܪܐ ܕܣܿܝܡܝܢ ܥܠܘܗܝ ܒܣ̈ܡܐ
08:03 [ai]ܘܪܝܚܗ ܕܝܠܗ ܕܢܘܢܐ ܐܦܩܼܗ ܠܫܐܕܐ ܗܘܿ܂ ܘܥܼܪܩ ܠܗ ܠܐܬܪ̈ܘܬܐ ܥ̈ܠܝܐ ܕܡܨܪܝܢ ܘܐܣܪܗ ܪܦܐܝܠ ܬܡܢ
08:04 [ai]ܘܐܡܼܪ ܛܘܒܝܐ ܠܣܪܐ܂ ܚܬܝ܂ ܢܩܘܡ ܢܨܿܠܐ ܘܢܒܥܐ ܡܢ ܡܪܝܐ ܕܢܪܚܼܿܡ ܥܠܝܢ܂ ܘܢܬܼܠ ܠܢ ܫܠܡܐ ܒܠܠܝܐ ܗܢܐ
08:05 [ai]ܘܐܩܼܦ ܗܘܐ ܛܘܒܝܐ ܠܡܐܡܪ ܗܟܢܐ ܀ ܒܪܝܟ ܐܢܬ ܡܪܝܐ ܐܠܗܐ ܕܐܒ̈ܗܝܢ܂ ܘܒܪܝܟ ܫܡܟ ܠܥܠܡܼ
08:06 [ai]ܕܐܢܬ ܗܘ ܥܼܒܕܬ ܓܒܪܐ ܘܐܢܬܬܐ܂ ܘܥܒܼܕܬܗܿ ܠܐܢܬܬܐ ܡܥܕܪܢܝܬܗ܂ ܘܡܢ ܒܝܢܬ ܬܪ̈ܝܗܘܢܼ܂ ܐܬܝܠܕ ܙܪܥܐ ܕܒܢܝܢܫܐ܂ ܐܢܬ ܐܡܼܪܬ܂ ܕܠܐ ܫܦܝܪ ܕܢܗܼܘܐ ܐܕܡ ܒܠܚܘܕܘܗܝ܂ ܐܥܿܒܕ ܠܗ ܡܥܕܪܢܐ ܐܝܢܐ ܕܕܡܿܐ ܠܗ
08:07 [ai]ܘܗܫܐ ܡܪܝ‍[‍ܿ‍]‍ ܠܐ ܗܘܐ ܡܛܠ ܙܢܝܘܬܐ ܫܿܩܠ ܐܼܢܐ ܠܗܕܐ ܚܬܝܼ܂ ܐܠܐ ܐܝܟ ܕܒܙܕܩܗ ܕܢܡܘܣܐ ܀ ܒܪܡ ܕܝܢ ܗܫܐ ܪܚܼܿܡ ܥܠܝܢ܂ ܘܗܒ ܠܢ ܕܢܣܼܐܒ ܒܫܠܡܐ ܐܟܚܕܐ܂ ܘܗܒ ܠܢ ܒܢ̈ܝܐ ܕܒܘܪܟܬܐ
08:08 [ai]ܘܐܡܼܪܬܿ ܣܪܐܼ܂ ܐܡܝܢ
08:09 [ai]ܘܕܡܟܘ ܒܠܠܝܐ ܗܿܘ܂ ܘܐܡܼܪ ܪܓܘܐܝܠ ܠܒ̈ܢܝ ܒܝܬܗ܂ ܙܠܼܘ ܚܦܘܪ ܩܒܪܐ ܒܠܠܝܐ ܥܕܠܐ ܢܼܢܗܪ
08:10 [ai]ܡܛܠ ܕܐܡܿܪ ܗܘܐ܂ ܕܐܢܗܼܘ ܕܡܝܬ ܠܗܼ܂ ܐܿܩܒܪܝܘܗܝ ܒܠܠܝܐ ܗܢܐ܂ ܐܝܟ ܕܐܢܫ ܠܐ ܢܼܕܥ܂ ܘܠܐ ܢܗܘܐ ܠܢ ܚܣܼܕܐ
08:11 [ai]ܟܕ ܕܝܢ ܢܦܩܼܘ ܠܗܘܢ ܒ̈ܢܝ ܒܝܬܐ ܕܢܥܼܒܕܘܢ ܐܝܟ ܡܕܡ ܕܦܿܩܼܕ ܐܢܘܢ
08:12 [ai]ܩܪܐ ܪܓܘܐܝܠ ܠܐܢܬܬܗ܂ ܘܐܡܼܪ ܠܗܿ܂ ܫܕܪܝ ܠܚܕܐ ܡܢ ܛܠܝ̈ܬܐ ܕܬܚܙܐ ܒ‍[‍ܫ‍]‍ܠܡܐ
08:13 [ai]ܘܫܕܪܬ ܥܕܢܝܐ ܠܛܠܝܬܐܼ܂ ܘܦܬܚܼܬܿ ܬܪܥܐ ܕܩܝܛܘܢܐܼ܂ ܟܕ ܐܚܝܕܐ ܫܪܓܐ ܒܐܝܕܗܿ܂ ܘܚܙܬ ‍[‍ܐܢܘܢ‍]‍ ܕܕܡ‍[‍ܼ‍]‍ܟ‍[‍ܝܢ‍]‍ ܐܟܚܕܐ
08:14 [ai]ܘܢܦܼܩܬܸ ‍[‍ܼ‍]‍ܐܡܪܐ ܠܥܕܢ‍[‍ܝ‍]‍ܐ ܘܠܒܥܠܗܿ
08:15 [ai]ܘܫܿܒܚܘ ܠܐܠܗܐ ܘܐܡܿܪܝܢ܂ ܒܪܝܟ ܐܢܬ ܡܪܝܐ ܕܫܡܝܐܼ܂ ܕܐܢܬ ܗܘ ܡܣܿܚܦ ܘܐܢܬ ܗܘ ܡܬܩܢ
08:17 [ai]ܡܛܠ ܕܗܐ ܪܚܼܿܡܬ ܥܠ ܗܠܝܢ ܬܪ̈ܝܢ ܝܚ̈ܝܕܝܝܢܼ ܘܥܠ ܐܒܗ̈ܝܗܘܢ܂ ܗܒ ܠܗܘܢ ܐܠܗܐ ܫܠܡܐ ܥܕܡܐ ܠܐܚܪܝܬܐ܂ ܘܫܪܪܐ ܠܚܝܝ̈ܗܘܢ
08:18 [ai]ܘܐܬܘ ܒܢ̈ܝ ܒܝܬܐ܂ ܘܐܡܼܪ ܠܗܘܢܿ ܙܠܘ ܚܿܦܼܘ ܩܒܪܐܼ܂ ܥܕܠܐ ܢܣܼܩ ܫܡܫܐܼ܂ ܘܠܐ ܐܢܫ ܢܼܕܥ
08:19 [ai]ܘܐܡܼܪ ܠܐܢܬܬܗ܂ ܬܼܩܢ ܠܚܡܐ ܣܓܝܐܐ‍[‍ܿ‍]‍ ܘܪܗܼܛ ܗܼܘ ܘܐܙܼܠ ܠܒܝܬ ܬܘܪ̈ܐ܂ ܘܐܝܼܬܝ ܬܪ̈ܝܢ ܬܘܪ̈ܐ܂ ܘܐܪ̈ܒܥܐ ܕܟܪ̈ܝܢ ܕܥܢܐ܂ ܘܦܩܼܕ ܠܒܢ̈ܝ ܒܝܬܗ܂ ܕܢܥܒܼܕܘܢ ܐܢܘܢ
08:20 [ai]ܘܐܡܼܪ ܗܼܘ ܠܛܘܒܝܐ܂ ܕܠܐ ܬܦܘܩ ܥܕܡܐ ܕܢܫܠܼܡܘܢ ܥܣ̈ܪܐ ܝܘ̈ܡܝܢ܂ ܡܛܠ ܕܬܚܕܐ ܢܦܫܗܿ ܕܒܪܬܝ ܕܟܼܪܝܐ ܗܘܬ ܠܗܿ
08:21 [ai]ܘܦܠܓܗܘܢ ܕܢܟܣ̈ܝ ܣܒ ܗܫܐ܂ ܘܦܠܓܗܘܢ ܡܐ ܕܡܝܬܬ ܐܿܢܐ ܘܐܢܬܬܝܼ܂ ܕܝܠܟܘܢ ܐܢܘܢ܂ ܘܐܿܢܐ ܐܒܘܟ ܐܿܢܐ܂ ܘܥܕܢܝܐܼ܂ ܐܡܟ ܗܝ܂ ܐܬܠܿܒܒ ܒܪܝ ܀