The Comprehensive Aramaic Lexicon

click on the file description for more information
62068: Tobit A

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

09:01 [ai]	ܗܝܕܝܢ ܩܼܪܐ ܛܘܒܝܐ ܠܪܦܐܝܠ ܘܐܡܼܪ ܠܗ
09:02 [ai]	ܥܙܪܝܐ ܐܚܝ܂ ܕܒܼܪ ܡܟܐ ܬܪ̈ܝܢ ܓܡ̈ܠܝܢ܂ ܘܐܪ̈ܒܥܐ ܓܒܪ̈ܝܢ ܘܙܼܠ ܠܥܪܓܙ ܠܘܬ ܓܒܥܐܝܠ܂ ܘܗܒ ܠܗ ܟܬܒܐ ܗܢܐ ܘܣܒ ܡܢܗ ܟܣܦܐ ܗܿܘ ܘܕܒܪܝܗܝ ܥܡܟ ܘܬܐ ܠܡܫܬܘܬܐ
09:04 [ai]	ܡܛܠ ܕܝܿܕܥ ܐܢܬ ܕܐܒܝ ܠܐ ܟܠܐ ܠܡܡܢܐ ܝܘܡ̈ܬܐ܂ ܘܐܢ ܗܼܘ ܕܐܘܚܪܢ ܚܕ ܝܘܡ ܗܿܘܝܐ ܟܪܝܐ ܠܗ܂ ܪܓܘܐܝܠ ܓܝܪ ܝܡܐ܂ ܕܥܣܪ̈ܐ ܝܘܡܝܢ ܐܿܟܬܪ ܠܘܬܗ܂ ܘܠܐ ܡܫܟܚ ܐܢܼܐ ܕܐܿܛܠܘܡ ܡܘ̈ܡܬܗ
09:05 [ai]	ܘܐܙܼܠ ܪܦܐܝܠ ܘܗܿܢܘܢ ܐܪ̈ܒܥܐ ܓܒܪ̈ܝܢܼ܂ ܘܬܪ̈ܝܢ ܓ̈ܡܠܝܢ܂ ܠܥܪܓܙ ܕܡܕܝ܂ ܘܐܙܠܘ ܠܘܬ ܓܒܥܐܝܠ ܂ ܘܫܼܪܘ ܠܘܬܗ܂ ܘܝܗܼܒ ܠܗ ܪܦܐܝܠ ܟܬܒܬܿ ܐܝܼ̈ܕܝܐ ܘܐܡܼܪ ܠܗ܂ ܕܒܪ ܛܘܒܝܛ ܫܩܼܠ ܐܢܬܬܐ ܠܒܪܬܗ ܕܪܓܘܐܝܠ܂ ܘܬܡܢ ܗܘ܂ ܘܠܟ ܩܿܪܐ ܠܟ ܠܡܫܬܘܬܐ܂ ܘܩܼܡ ܓܒܥܐܝܠ ܘܐܥܼܠ ܚܘܝܗ ܪ̈ܓܘܣܝܬܐܸ ܟܕ ܚܬܝ̈ܡܢ܂ ܘܡܢܼܐ ܟܣܦܐ ܘܣܼܡ ܥܠ ܓܡ̈ܠܐ
09:06 [ai]	ܘܩܕܡܘ ܒܫܦܪܐ ܘܐܬܼܘ ܠܡܫܬܘܬܐ ܕܪܓܘܐܝܠ ܘܐ‍[‍ܫ‍]‍ܟܚܘ ܠܛܘܒܝܢ ܟܕ ܣܡܝܟ ܘܫܘܪ ܘܩܼܡ ܘܢܫܩܗ܂ ܘܐܡܼܪ ܠܗ ܓܒܥܐܝܠ܂ ܡܫܒܚ ܐܠܗܐ ܕܝܗܼܒ ܠܟ ܫܠܡܐ܂ ܡܛܠ ܕܒܪܗ ܐܢܬ ܕܓܒܪܐ ܛܿܒܐ ܕܥܼܒܕ ܙܕܝܩܘܬܐ܂ ܒܪܝܟ ܐܢܬ ܘܒܪܝܟ ܐܒܘܟ ܘܐܡܟ܂ ܘܒܪܝܟܐ ܐܢܬܬܟ ܘܐܒܘܗܿ ܘܐܡܗܿ