Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 13:01 [ai] | ܘܟܬܼܒ ܛܘܒܝܛ ܬܫܒܘܚܬܐ ܗܕܐ ܒܚܕܘܬܐ ܘܐܡܿܪ ܗܘܐ ܗܟܢܐ܂ ܒܪܝܟ ܐܢܬ ܐܠܗܐ ܚܿܝܼܐ܂ ܕܡܠܟܘܬܟ ܠܐ ܥܿܒܪܐ |
| 13:02 [ai] | ܐܢܬ ܗܘ ܕܡܢܓܕܬ ܘܡܪܚܼܿܡܼ܂ ܘܡܚܬ ܐܢܬ ܠܫܝܘܠ ܘܡܿܣܩ ܐܢܬܼ܂ ܘܠܝܬ ܕܡܼܨܐ ܕܢܥܪܘܩ ܡܢ ܩܕܡܝܟܼ |
| 13:03 [ai] | ܐܘܕܘ ܩܕܡܘܗܝ ܒ̈ܢܝ ܐܝܣܪܝܠ ܩܕܡ ܥܡ̈ܡܐ܂ ܡܛܠ ܕܗܼܘ ܙܪܥܢ ܒܝܢܬܗܘܢ |
| 13:04 [ai] | ܘܠܝܬ ܐܟܘܬܗ ܘܬܕܡܪ̈ܬܗ ܕܥܿܒܕ܂ ܡܛܠ ܕܗܘܝܘ ܡܪܢ ܘܐܠܗܢ܂ ܘܐܒܘܢ ܠܥܠܡ ܥܠܡܝܢ |
| 13:05 [ai] | ܗܠܝܢ ܓܝܪ ܡܛܠ ܚܛܗ̈ܝܢ܂ ܘܢܬܘܒ ܘܢܪܚܼܿܡ ܥܠܝܢ܂ ܘܢܟܢܫܢ ܡܢ ܟܠܗܘܢ ܥܡ̈ܡܐ ܕܐܬܒܕܪܢ ܒܗܘܢ |
| 13:06 [ai] | ܡܐ ܕܢܬܦܢܐ ܠܘܬܗܼ܂ ܘܢܥܼܒܕ ܩܘܫܬܐ ܩܕܡܘܗܝ ܒܠܒܐ ܕܟܝܐ ܀ ܘܗܫܐ ܚܙܘ ܟܠ ܡܕܡ ܕܥܼܒܕ ܥܡܢ܂ ܘܐܘܼܕܘ ܩܕܡܘܗܝ ܡܢ ܟܠܗ ܠܒܟܘܢ܂ ܘܫܒܚܘ ܠܐܠܗܐ ܕܟܐܢܘܬܐܼ܂ ܘܪܡܪܡܘ ܠܡܠܟܐ ܕܠܥܠܡ܂ ܘܐܬܦܼܢܘ ܚ̈ܛܝܐܼ܂ ܘܥܒܼܕܘ ܟܐܢܘ[ܬܐ] ܩܕܡܘܗܝ܂ ܘܢܨܛܒܿܐ ܒܟܘܢ ܘܢܪܚܼܿܡ ܥܠܝܟܘܢ |
| 13:07 [ai] | ܡܛܠ ܕܗܐ ܠܐܠܗܝ ܡܪܡܪܡ ܐܢܼܐ܂ ܘܢܦܫܝ ܒܐܠܗܝ ܪܘܙܐ |
| 13:08 [ai] | ܐܢܬܘܢ ܕܝܢ ܐܘܕܘ ܩܕܡܘܗܝ ܒܐܘܪܝܫܠܡ ܡܕܝܢܬܐ ܩܕܝܫܬܐ ܀ |