← Back
The Comprehensive Aramaic Lexicon
← Return to the Text Browser
click on the file description for more information
62068: Tobit A

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

14:01 [ai]ܘܟܕ ܫܿܠܼܡ ܡ̈ܠܘܗܝ ܒܬܘܕܝܬܐ ܛܘܒܝܛܼ܂ ܣܐܼܒ ܗܘܐ ܒܫܠܡܐ܂ ܘܡܝܼܬ ܒܪ ܡܐܐ ܘܬܪ̈ܬܝܢ ܫ̈ܢܝܢ܂ ܘܐܬܩܒܪ ܒܬܫܒܘܚܬܐ ܪܒܬܐ ܒܢܝܢܘܐ
14:02 [ai]ܟܕ ܐܝܬܘܗܝ ܗܘܐ ܒܪ ܚ̈ܡܫܝܢ ܘܬܡ̈ܢܐ ܫ̈ܢܝܢܼ܂ ܐܣܬܡܝ܂ ܘܫܒܥ ܫ̈ܢܝܐ ܚܝܐ ܒܣܡܝܘܬܐ܂ ܘܟܕ ܐܬܦܢܝ ܘܝܗܼܒ ܠܗ ܐܠܗܐ ܢܘܗܪܐ ܘܐܬܦܬܚܝܢ ܥܝܢܘ̈ܗܝ ܚܝܐ ܬܘܒ ܫ̈ܢܝܐ ܬܠܬܝܢ ܘܫ̈ܒܥ‍[‍ܿ‍]‍ ܟܕ ܒܟܠܗ ܡܬܚܐ ܕܚܝܼ̈ܘܗܝ ܥܿܒܕ ܗܘܐ ܡܪܚܡܢܘܬܐ ܘܙܕܝܩܘܬܐ ܘܡܘܕܐ ܗܘܐ ܩܕܡ ܐܠܗܐ
14:03 [ai]ܘܟܕ ܡܐܬ ܗܘܐ ܩܼܪܐ ܠܛܘܒܝܐ ܒܪܗ܂ ܘܐܡܼܪ ܠܗ܂ ܒܪܝ ܡܐ ܕܡܝܬܬ ܘܩܒܪܬܢܝ܂ ܕܒܪ ܒܢ̈ܝܟ
14:04 [ai]ܘܙܠ ܠܡܕܝ܂ ܡܛܠ ܕܡܗ̈ܝܡܢܢ ܐܢ̈ܝܢ ܡܠܘܗ̈ܝ ܕܢܒܝܐܸ ܕܡܼܿܠܠ ܒܫܡܗ ܕܡܪܝܐ ܥܠ ܐܪ̈ܡܝܐ ܘܥܠ ܢܝܢܘܐ܂ ܘܡܠܬܐ ܡ̈ܢܗܝܢ ܠܐ ܬܼܛܥܐ܂ ܘܝܬܝܪܐܝܬ ܫܪܪܐ ܢܗܼܘܐ ܒܡܕܝ‍[‍ܿ‍]‍ ܝܬܝܪ ܡܢ ܕܒܢܝܢܘܐ܂ ܘܝܬܝܪ ܡܢ ܒܝܬ ܐܪ̈ܡܝܐ܂ ܘܝܬܝܪ ܡܢ ܕܒܒܝܠ ܀ ܐܦ ܐ̈ܚܝܢ ܐܝܠܝܢ ܕܥܿܡܪܝܢ ܒܗܿ ܒܐܘܪܝܫܠܡ܂ ܟܠܗܘܢ ܢܬܒܿܕܪܘܢ ܒܟܠܗܿ ܐܪܥܐ ܡܢ ܒܝܬ ܐܝܣܪܝܠ܂ ܘܬܗܼܘܐ ܠܗܿ ܐܪܥܐ ܛܒܬܐܼ ܚܪܒܬܐ‍[‍ܿ‍]‍ ܘܐܦ ܒܝܬܗ ܕܐܠܗܐ ܘܐܦ ܡܕܝܢܬܐ
14:05 [ai]ܘܡܢ ܒܬܪ ܗܠܝܢ ܢܬܪܚܼܿܡ ܐܠܗܐ܂ ܘܢܿܗܦܟ ܫܪܟܗ ܕܐܝܣܪܝܠ܂ ܘܗܼܢܘܢ ܢܒܼܢܘܢ ܒܝܬܐܼ܂ ܘܟܠܗܘܢ ܢܗܼܦܟܘܢ ܠܬܡܢܼ܂ ܐܝܠܝܢ ܕܐܝܬ ܗܘܘ ܒܫܒܼܝܬܐ ܀ ܘܬܬܒܼܢܐ ܐܘܪܝܫܠܡ ܘܐܦ ܒܝܬܐܼ܂ ܒܬܫܒܘܚܬܐ ܠܟܠܗܝ̈ܢ ܫܪ̈ܒܬܐ ܕܥܠܡܐ܂ ܐܝܟ ܡܕܡ ܕܐܬܢܒܝܘ ܢܒ̈ܝܐܼ ܐܝܠܝܢ ܕܐܡܼܪܘ ܒܫܡܗ ܕܡܪܝܐ
14:06 [ai]ܒܝܬ ܐܝܣܪܝܠ ܘܟܠܗܘܢ ܥܡ̈ܡܐ ܢܬܼܦܢܘܢ ܠܘܬ ܐܠܗܐ ܕܐܝܣܪܝܠܼ܂ ܘܢܼܗܘܘܢ ܕܚܿܠܝܢ ܠܗ ܒܟܐܢܘܬܐ܂ ܀ ܒܪܡ ܕܝܢ ܥܒܕܘ ܕܫܦܝܪ ܩܕܡܘܗܝ܂ ܘܦܩܕܘ ܠܒܢ̈ܝܟܘܢ ܕܢܗܘܘܢ ܥܿܒܕܝܢ ܙܕܝܩܘܬܐ ܘܟܐܢܘܬܐ܂ ܘܢܗܘܘܢ ܡܬܕܟܪܝܢ ܠܡܪܝܐ܂ ܘܢܗ‍[‍ܘܘܢ‍]‍ ܡܫܒܚܝܢ ܠܫܡܗ ܒܟܠܙܒܢ ܡܢ ‍[‍ܟܠܗ‍]‍ ܚܝܠܗܘܢ
14:10 [ai]ܗܫܐ ܒܪܝ ܡܐ ܕܩܒܪܬܢܝ ܠܝ ܘܠܐܡܟܼ܂ ܦܼܘܩ ܠܟ ܡܢ ܢܝܢܘܐ‍[‍ܿ‍]‍ ܡܛܠ ܕܪ̈ܫܝܥܐ ܣܓܝ ܐܝܬ ܒܗܿ܂ ܡܛܠ ܕܒܗܿ ܦܪܥ ܥܼܿ‍[‍ܟ‍]‍ܒ ܠܥܩ‍[‍ܝܩܪ‍]‍܂ ܐܝܢܐ ܕܪܒܼܿܝܗ ܠܛܘܒܝܐ܂ ܡܛ‍[‍ܠ ܕܠ‍]‍ܐ ܗܘܐ ܠܐܪܥܐ ܐܚܬܗ܂ ܘܥܠ ‍<‍ܠ‍>‍ܚܫܘܟܐ ܥܼܿܟܒ܂ ܘܥܩܝܩܪ ܠܢܘܗܪܐ ܢܦܩ ܡܢ ܦܚܐ ܕܨܠܐ ܠܗ ܥܼܿܟܒ܂ ‍[‍ܘܗܼܘ‍]‍ ܥܠ ܠܗܿ ܠܐܪܥܐ
14:11 [ai]ܘܟܕ ܫܿܠܼܡ ܛܘܒܝܛ ܡܠܘ‍[‍̈ܗܝ‍]‍ ܗܠ‍[‍ܝ‍]‍ܢ܂ ܢܦܠ ܠܗ ܒܥܪܣܐ ܘܦܼܪܚܬܿ ܪܘܚܗ ܘܐܬܩܼܒܪ ܒܬܫܒ̈ܚܬܐ
14:12 [ai]ܘܟܕ ܡܝܼܬܬܿ ܚܢܐ ܩܒܪܗܿ ܛܘܒܝܐ ܠܘܬ ܛܘܒܝܛ ܐܒܘܗܝ܂ ܘܕܒܼܪ ܐܢܬܬܗ ܘܒܢܘ̈ܗܝ܂ ܘܐܙܼܠ ܠܗ ܠܡܕܝ܂ ܘܥܡܼܪ ܒܒܛܢܢ ܠܘܬ ܪܓܘܐܝܠ ܚܡܘܗܝ
14:13 [ai]ܘܗܼܘ ܬܪܣܝ ܣܝܒܘܬܐ ܕܚܡܘܗܝ ܒܐܼܝܩܪܐ ܪܒܐ܂ ܘܩܒܼܪ ܐܢܘܢ ܒܗܿ ܒܒܛܢܢ܂ ܘܗܼܘ ܛܘܒܝܐ ܝܼܪܬ ܒܝܬ ܚܡܘܗܝ ܘܒܝܬܐ ܕܐܒܘܗܝ
14:14 [ai]ܘܡܼܝܬ ܕܝܢ ܗܼܘ ܛܘܒܝܐܸ ܒܪ ܡܐܐ ܘܫܒܥ ܫ̈ܢܝܢ
14:15 [ai]ܘܥܕܠܐ ܢܡܘܼܬ ܚܼܙܐ ܗܘܐ ܠܐܒܕܢܗܿ ܕܢܝܢܘܐ܂ ܘܐܦ ܫܒܼܝܬܗܿ ܕܡܘܒܠܝܢ ܗܘܘ ܠܗܿ ܠܡܕܝ܂ ܘܫܒܚ ܠܐܠܗܐ ܒܟܠܡܕܡ ܕܥܒܼܕ܂ ܘܚܼܙܐ ܗܘܐ ܛܘܒܝܐ ܒܢܝܢܘܐ ܥܕܠܐ ܢܡܘܬ ‍[‍܀