← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62069: P Baruch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܐܩܝܡ ܡܪܝܐ ܦܬܓܡ̈ܘܗܝ ܡܕܡ ܕܡܠܠ ܥܠܝܢ ܕܝܢ̈ܝܢܿ܂ ܐܝܠܝܢ ܕܕܝܢܝܢ ܗܘܘ ܠܐܝܣܪܝܠ ܘܠܝܗܘܕܐ܂ ܘܠܡ̈ܠܟܝܢ ܘܠܪ̈ܘܪܒܢܝܢ܂ ܘܥܠ ܓܒܪ̈ܐ ܕܒܝܬ ܐܝܣܪܐܝܠ ܘܕܝܗܘܕܐ܂
02:02 [ai]ܘܐܝܬܝ ܥܠܝܢ ܡܪܝܐ ܒܝܫܬ̈ܐ ܪ̈ܘܪܒܬܐܼ܂ ܕܠܐ ܐܬܥܒܕ ܐܟܘܬܗܝܢ ܬܚܝܬ ܫܡܝܐ ܥܠ ܟܘܠܗܿ ܐܪܥܐܿ܂ ܐܝܟ ܕܐܬܥܼܒܕ ܒܐܘܪܫܠܡ܂ ܐܝܟ ܡܐ ܕܟܬܝܒ ܒܢܡܘܣܗ ܕܡܘܫܐܿ܂
02:03 [ai]ܘܢܐܟܘܠ ܟܠ ܓܒܪ ܒܣܪܐ ܕܒܪܗܿ܂ ܘܢܐܟܘܠ ܟܠ ܓܒܪ ܒܣܪܐ ܕܒܪܬܗ܂
02:04 [ai]ܘܝܗܼܒ ܐܢܘܢ ܒܐܝܕܐ ܕܟܠܗܝܢ ܡ̈ܠܟܘܬܐ ܕܒܚܕܪ̈ܝܢܼ܂ ܠܚܣܕܐ ܘܠܚܪܒܐ ܒܟܠܗܘܢ ܥܡ̈ܡܐ ܕܒܚܕܪ̈ܝܢ܂ ܠܢ ܐܝܠܝܢ ܕܒܿܕܪ ܐܢܘܢ ܡܪܝܐ܂
02:05 [ai]ܘܗܘܼܝܢ ܠܢ ܠܬܚܬ ܠܬܚܬ ܘܠܐ ܠܥܠ ܠܥܠ܂ ܡܛܠ ܕܚܛܝܢ ܠܡܪܝܐ ܐܠܗܢ ܘܠܐ ܫܡܥܼܢ ܒܩܠܗ܂
02:06 [ai]ܕܡܪܝܐ ܗܝ ܐܠܗܢ ܙܕܝܩܘܬܐ܂ ܕܝܠܢ ܕܝܢ ܘܕܐ̈ܒܗܝܢ ܒܗܬܬ ܐ̈ܦܐܼ ܐܝܟ ܕܝܘܡܢܐ܂
02:07 [ai]ܡܛܠ ܕܡܠܠ ܥܠܝܢ ܡܪܝܐ ܐܠܗܢ ܟܠܗܝܢ ܒܝܫ̈ܬܐ ܗܠܝܢ ܕܐܝܬܝ ܥܠܝܢ܂
02:08 [ai]ܘܠܐ ܒܥܝܢ ܡܢ ܡܪܝܐ ܕܢܗܦܘܟ ܟܠܢܫ ܡܢ ܨܒܝܢ̈ܝ ܠܒܗ ܒܝܫܼܐ܂
02:09 [ai]ܘܐܬܬܥܝܪ ܡܪܝܐ ܥܠ ܒܝܫ̈ܬܐܼ ܘܐܝܬܝ ܐ̈ܢܝܢ ܥܠܝܢ܂ ܡܛܠ ܕܙܕܝܩ ܗܘ ܡܪܝܐ ܐܠܗܢܿ܂ ܒܟܠܗܘܢ ܥܿܒ̈ܕܘܗܝ ܕܦܩܿܕܢ ܡܪܝܐܼ܂
02:10 [ai]ܘܠܐ ܫܡܥܼܢ ܒܩܠܗ ܕܡܪܝܐ ܐܠܗܢܿ܂ ܕܢܗܠܟ ܒܦܘܩ̈ܕܢܘܗܝ ܕܡܪܝܐܿ܂ ܗܠܝܢ ܕܝܗܼܒ ܩܕܡ ܐ̈ܦܝܢ܂
02:11 [ai]ܘܗܫܐ ܡܪܝܐ ܐܠܗܐ ܕܐܝܣܪܝܠܼ܂ ܐܢܬ ܗܘ ܕܐܦܩܬ ܠܥܡܟ ܡܢ ܐܪܥܐ ܕܡܨܪܝܢ܂ ܒܐܝܼܕܐ ܥܫܝܢܬܐܿ܂ ܒܐ̈ܬܘܬܐ ܘܒܬܕܡܪ̈ܬܐܿ ܒܚܝܠܐ ܪܒܐ ܘܒܕܪܥܐ ܪܡܐܿ܂ ܘܥܒܼܕܬ ܠܟ ܫܡܐ ܐܝܟ ܕܝܘܡܢܐ܂
02:12 [ai]ܚܛܝܢ ܘܐܣܟܠܢܿ ܘܐܪܫܥܢܿ ܡܪܝܐ ܐܠܗܢ܂ ܒܟܠܗܘܢ ܦܘܩܕܢܝܟܼ ܘܒܟܠܗ܂܂܂ ܙܕܝܩܘܬܟ܂
02:13 [ai]ܐܗܦܟ ܚܡܬܟ ܡܢܢܼ܂ ܡܛܠ ܕܩܠܝܠ ܗܘ ܐܫܬܚܪܢ ܡܢ ܣܘܓܐܐ܂ ܘܐܝܬܝܢܼ ܙܥܘܪ̈ܐ ܒܝܬ ܥܡ̈ܡܐ܂ ܗܠܝܢ ܕܒܕܪܬܢ ܠܬܡܿܢ ܒܝܢܬܗܘܢ܂
02:14 [ai]ܐܠܐ ܫܡܼܥ ܡܪܝܐ ܨܠܘܬܢ ܘܒܥܘܬܢܼ܂ ܘܦܨܢܼ ܡܛܠ ܫܡܟ܂ ܘܗܒܝܢ ܠܪ̈ܚܡܼܐܿ ܩܕܡ ܫ̈ܒܝܢ܂
02:15 [ai]ܕܢܕܥܘܢ ܟܠܗܿ ܐܪܥܐܼ܂ ܕܐܢܬ ܗܘ ܡܪܝܐ ܐܠܗܢ܂ ܡܛܠܼ ܕܫܡܟ ܩܕܝܫܐ ܐܬܩܪܝ ܥܠ ܐܝܣܪܝܠܼ ܘܥܠ ܫܪܒܬܗ܂
02:16 [ai]ܚܘܪ ܡܪܝܐܼ ܘܚܙܝ ܡܢ ܡܥܡܪܟ ܩܕܝܫܐ܂ ܘܚܘܪ ܒܢ ܡܪ̈ܝܐ ܘܐܪܟܢ ܐܕܢܟܼ ܘܫܡܼܥܝܢ܂
02:17 [ai]ܦܬܚܼ ܡܪܝܐ ܥܝܢ̈ܝܟܼ ܘܚܙܝ܂ ܡܛܠ ܕܠܐ ܡܝ̈ܬܐ ܐܝܠܝܢ ܕܢܚܬܘ ܠܫܝܘܠܿ܂ ܐܝܠܝܢ ܕܐܫܬܼܩܠܬ ܪܘܚܗܘܢ ܡܢ ܪ̈ܚܡܿܝܗܘܢܿ ܢܬܠܘܢ ܬܫܒܘܚܬܐ ܘܬܘܕܝܬܐ ܘܙܕܝܩܘܬܐ ܠܡܪܝܐܼ܂
02:18 [ai]ܘܠܐ ܢܦܫܐ ܡܥܩܬܐ ܕܟܪܝܐ ܠܗܿ ܥܠ ܪܒܘܬܗܿ܂ ܕܡܗܠܟܐ ܒܡܟܝܟܘܬܐ ܘܒܟܘܪܗܢܐܿ ܘܥܝܢ̈ܐ ܡܓܙܝ̈ܬܐ ܘܢܦܫܐ ܟܦܢܬܐܿ܂ ܢܬܠܘܢ ܠܟ ܬܫܒܘܚܬܐ ܘܙܕܝܩܘܬܐ ܡܪܝܐ܂
02:19 [ai]ܡܛܠ ܕܠܐ ܗܘܐܼ ܥܠ ܙܕܝܩܘܬܢ ܘܥܠ ܙܕܝܩܘܬܐ ܕܐ̈ܒܗܝܢ ܘܕܡ̈ܠܟܝܢ܂ ܬܟܝܠܝܢܢ ܘܒܥܿܝܢܢ ܪ̈ܚܼܡܐ ܡܢ ܩܕܡܝܟܿ܂ ܘܪܡܿܝܢܢ ܬܟܫܦܬܢ ܩܕܡܝܟ ܡܪܝܐ ܐܠܗܢ܂
02:20 [ai]ܡܛܠ ܕܐܗܦܼܟܬ ܟܠܗܿ ܚܡܬܟ ܘܪܘܿܓܙܟ ܥܠܝܢ܂ ܐܝܟ ܕܡܠܠܬ ܒܝܕ ܥܒܼ̈ܕܝܟ ܢܒ̈ܝܐ ܘܐܡܼܪܬ܂
02:21 [ai]ܕܐܪܟܢܼܘ ܟܬܦܟܘܢ ܘܦܠܘܚܘ ܠܡܿܠܟܐ ܕܒܒܠܿ܂ ܘܬܒܘ ܒܐܪܥܐ ܕܝܗܿܒܬ ܠܐ̈ܒܗܝܟܘܢ܂
02:22 [ai]ܘܐܠܐ ܬܫܡܥܘܢ ܒܩܠܗ ܕܡܪܝܐ ܠܡܦܠܚܼ ܠܡܿܠܟܐ ܕܒܒܠܼ܂
02:23 [ai]ܓܡܘܪܝܐ ܐܥܒܕ ܠܡܕܝܢ̈ܬܐ ܕܝܗܘܕܐܼ ܘܒܚܕܪ̈ܝ ܐܘܪܫܠܡ܂ ܘܐܘܒܕ ܩܠܐ ܕܕܝܨܐ ܘܩܠܐ ܕܚܕܘܬܐ܂ ܩܠܐ ܕܚܬܢܐܼ ܘܩܠܐ ܕܟܠܬܐ܂ ܘܬܗܘܐ ܟܠܗܿ ܐܪܥܐܼ ܠܚܘܪܒܐ ܡܢ ܒܠܝ ܕܥܡܿܪ ܒܗܿ܂
02:24 [ai]ܘܠܐ ܫܡܼܥܢ ܒܩܠܟ ܠܡܦܠܚ ܠܡܿܠܟܐ ܕܒܒܠ܂ ܘܐܩܝܡܬ ܦܬ̈ܓܡܝܟ ܕܡܠܼܠܬ ܒܐܝܕܐ ܕܥܒܼ̈ܕܝܟ ܢܒ̈ܝܐܿ܂ ܕܢܦܩܘܢ ܓܪ̈ܡܐ ܕܡ̈ܠܟܝܢ ܘܓܪ̈ܡܐ ܕܐ̈ܒܗܝܢ ܡܢ ܐܬܪܗܘܢ ܘܡܢ ܩܒܪ̈ܝܗܘܢ܂
02:25 [ai]ܘܗܐ ܫܼܕܝܢ ܒܫܘܒܐ ܒܐܝܡܡܐܼ ܘܒܐܓܠܝܕܐ ܒܠܠܝܐ܂ ܘܡܝܬܘܼ ܒܟܐ̈ܒܐ ܒܝܼܫ̈ܐ܂ ܒܚܪܒܐ ܘܒܟܦܢܐ ܘܒܣܝܦܐܼ ܘܒܫܒܝܐ܂
02:26 [ai]ܘܥܒܕܬܝܗܝ ܠܒܝܬܐ ܕܐܬܩܪܝ ܫܡܟ ܥܠܘܗܝ ܠܚܘܪܒܐܼ ܐܝܟ ܕܝܘܡܢܐ܂ ܡܛܠ ܒܝܫܘܬܐ ܕܒܝܬ ܐܝܣܪܝܠ ܘܕܒܝܬ ܝܗܘܕܐ܂
02:27 [ai]ܘܥܒܼܕܬ ܠܢ ܡܪܝܐ ܐܠܗܢ ܐܝܟ ܟܘܠܗܿ ܒܣܝܡܘܬܟܼ ܘܐܝܟ ܟܘܠܗ ܨܒܝܢܟ܂ ܘܐܝܟ ܪ̈ܚܡܝܿܟ ܣ̈ܓܝܐܐ܂
02:28 [ai]ܐܝܟܢܐ ܕܡܠܠܼܬ ܒܝܕ ܥܒܼܕܟ ܡܘܫܐܼ܂ ܒܝܘܡܐ ܕܦܩܕܬܝܗܝ ܠܡܟܬܒ ܢܡܘܣܟ ܠܥܝܢ ܐܝܣܪܝܠ ܠܡܐܡܪ܂
02:29 [ai]ܐܠܐ ܬܫܡܥܘܢ ܒܩܠܝܼ܂ ܐܠܐ ܥܡܐ ܣܓܝܐܐ ܘܪܒܐ ܗܢܐܼ ܢܗܼܦܟܘܢ ܠܙܥܘܪܘܬܐ ܘܢܬܿܒܨܪܘܢ ܒܝܢ̈ܬ ܥܡ̈ܡܐ ܕܒܿܕܪܬ ܐܢܘܢ ܠܬܡܿܢ܂
02:30 [ai]ܡܛܠ ܕܝܕܥܿ ܐܢܐܼ ܕܠܐ ܫܿܡܥܝܢ ܠܝ܂ ܡܛܠ ܕܥܡܐ ܗܘܿ ܩܫܼܐ ܩܕܠܐ܂ ܘܢܬܦܼܢܘܢ ܒܠܒܗܘܢ ܠܐܪܥܐ ܕܫܒܝܬܗܘܢ܂
02:31 [ai]ܘܢܕܥܘܢ ܕܐܢܐ ܐܢܐ ܡܪܝܐ ܐܠܗܗܘܢ܂ ܘܐܬܠ ܠܗܘܢ ܠܒܐ ܣܟܘܠܬܢܐܼ ܘܐ̈ܕܢܐ ܕܢܫܡܥܘܢ ܒܗܝܢ܂
02:32 [ai]ܘܢܫܒܚܘܢܢܝ ܒܐܪܥܐ ܕܫܒܝܬܗܘܢ܂ ܘܢܬܕܟܪܘܢ ܫܡܝܼ܂
02:33 [ai]ܘܢܬܘܒܘܢ ܡܢ ܩܫܝܘܬ ܠܒܗܘܢ܂ ܘܡܢ ܥܿܒ̈ܕܝܗܘܢ ܒܝܫܼ̈ܐ܂ ܡܛܘܠ ܕܢܬܿܕܟܪܘܢ ܐܘܪܚܐ ܕܐ̈ܒܗܝܗܘܢ܂ ܐܝܠܝܢ ܕܚܛܘ ܩܕܡ ܡܪܝܐ܂
02:34 [ai]ܘܐܗܦܼܟ ܐܢܘܢܿ ܠܐܪܥܐ ܗܿܝ܂ ܕܝܡܝܬ ܠܐܒ̈ܗܝܗܘܢ ܠܐܒܪܗܡ ܘܠܐܝܣܚܩ ܘܠܝܥܩܘܒܼ܂ ܘܢܫܬܠܛܘܢ ܒܗܿ܂ ܘܐܣܓܐ ܐܢܘܢܼ ܘܠܐ ܢܙܥܪܼܘܢ܂
02:35 [ai]ܘܐܿܩܝܡ ܠܗܘܢ ܩܝܿܡܐܼ ܠܥܠܡ܂ ܘܐܗܘܐ ܠܗܘܢ ܐܠܗܐ܂ ܘܗܼܢܘܢ ܢܗܘܘܢ ܠܝ ܥܡܐ܂ ܘܠܐ ܐܙܝܼܥ ܬܘܒ ܠܥܡܝ ܐܝܣܪܝܠܿ ܡܢ ܐܪܥܐ ܗܿܝ ܕܝܗܿܒܬ ܠܗܘܢ܂

next chapter