← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62069: P Baruch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܡܪܝܐ ܚܝܠܬܢܐ ܐܠܗܐ ܕܐܝܣܪܝܠܼ܂ ܢܦܫܐ ܕܒܐܘܠܨܢܐ ܘܪܘܚܐ ܕܒܟܪܝܘܬܐ܂ ܘܦܓܪܐ ܡܥܩܐܼ ܓܥܘ ܠܘܬܟ܂
03:02 [ai]ܫܡܥ ܡܪܝܐ ܐܠܗܐܼ ܘܐܬܿܪܚܡ܂ ܡܛܠ ܕܡܪܚܡܢܐ ܐܢܬ ܘܡܪܚܦܢܐ܂ ܘܪܚܿܡ ܥܠܝܢܼ ܡܛܠ ܕܚܼܛܝܢ ܩܕܡܝܟ܂
03:03 [ai]ܡܛܠ ܕܐܢܬ ܩܝܿܡ ܐܢܬ ܠܥܠܡ ܘܚܢܢ ܐܒܕܝܢܢܼ ܠܥܠܡ܂
03:04 [ai]ܡܪܝܐ ܚܝܠܬܢܐ ܐܠܗܐ ܕܐܝܣܪܝܠܼ܂ ܫܡܥ ܨܠܘܬܐ ܕܐܝܠܝܢ ܕܡܝܬܘ ܒܐܝܣܪܝܠܼ܂ ܐܦ ܕܒܢܝܗܘܢ ܐܝܠܝܢ ܕܚܛܘ ܩܕܡܝܟܿ܂ ܘܠܐ ܫܡܥܘ ܒܩܠܗ ܕܡܪܝܐ܂ ܘܕܒܩ ܒܢ ܠܘ̈ܛܬܐܼ ܘܒܝܫܼܿܬܐ܂
03:05 [ai]ܠܐ ܬܬܕܼܟܪ ܥܘܼܠܐܼ ܘܣ̈ܟܠܘܬܐ ܕܐ̈ܒܗܝܢ܂ ܐܠܐ ܐܬܕܼܟܪ ܐܝܕܟ܂ ܘܠܫܡܟ ܒܙܒܢܐ ܗܢܐ܂
03:06 [ai]ܡܛܠ ܕܐܢܬ ܗܘ ܡܪܝܐ ܐܠܗܢ܂ ܘܢܫܒܚܘܢܟ ܡܪ̈ܝܐ܀
03:07 [ai]ܡܛܠ ܗܢܐ ܝܗܼܒܬ ܕܚܠܬܟ ܒܠܒܢ ܕܢܩܪܐ ܠܫܡܟ ܩܕܝܫܐܼ ܘܢܫܒܚܟ ܒܫܒܝܬܢ܂ ܡܛܠ ܕܐܗܦܟܢ ܥܠ ܠܒܢ ܟܠܗܝܢ ܒܝܫ̈ܬܐ ܘܥܘܼܠܐ ܕܐ̈ܒܗܝܢ ܗܠܝܢ ܕܚܛܼܘ ܩܕܡܝܟ܂
03:08 [ai]ܘܗܐ ܚܢܢ ܝܘܡܢܐ ܒܫܒܝܬܢ ܕܒܕܪܬܢ ܠܠܘܛܬܐ ܘܠܚܣܕܐܿ܂ ܘܠܚܘܣܕܐ ܘܠܚܝܒܘܬܐ ܐܝܟ ܟܠܗܝܢ ܣ̈ܟܠܘܬܐ ܘܥܘܼܠܐ ܕܐ̈ܒܗܝܢܿ܂ ܐܝܠܝܢ ܕܡܪܕܘ ܡܢܟ ܡܪܝܐ ܐܠܗܢ܂
03:09 [ai]ܫܡܼܥ ܐܝܣܪܝܠ܂ ܦܘܩܕܢܐ ܕܚܝ̈ܐ܂ ܘܨܘܬܘ ܠܡܕܥ ܣܘܟܠܐ ܘܚܟܡܬܐ܂
03:10 [ai]ܡܢܼܘ ܐܝܣܪܐܝܠ܂ ܡܛܠ ܕܒܐܪܥܐ ܕܒ̈ܥܠܕܒܒܐܼ ܒܠܝܼܬ܂ ܘܒܐܪܥܐ ܢܘܟܪܝܬܐ ܐܬܛܢܼܦܬܼ܂
03:11 [ai]ܥܡ ܡ̈ܝܬܐ ܐܬܚܼܫܒܬܼ ܘܥܡ ܢܚ̈ܬܝ ܫܝܘܠ܂
03:12 [ai]ܕܫܒܩܼܬ ܡܒܘܥܐ ܕܚܟܡܬܐ܂
03:13 [ai]ܐܠܘ ܗܠܼܟܬ ܒܐܘܪܚܗ ܕܐܠܗܐܼ܂ ܥܡܿܪ ܗܘܝܬ ܒܫܠܡܐ ܙܒܢܐ ܕܠܥܠܡ ܥܠܡܝܢ܂
03:14 [ai]ܐܝܠܦ ܐܝܟܐ ܗܝ ܚܟܡܬܐܿ܂ ܘܐܝܟܘ ܚܝܠܐ ܘܐܝܟܘ ܣܘܟܠܐ܂ ܕܬܕܥ ܐܝܟ ܚܕܐܿ܂ ܐܝܟܘ ܢܘܓܪ̈ܐ ܕܝܘܡ̈ܬܐ ܕܚ̈ܝܐ܂ ܐܝܿܟܐ ܐܢܘܢ ܚ̈ܝܐ܂ ܐܝܟܘ ܢܘܗܪܐ ܕܚ̈ܝܐ܂
03:15 [ai]ܘܫܠܡܐܼ ܡܿܢܘ ܐܫܟܚ ܐܬܪܗ܂ ܐܘ ܡܢܼܘ ܥܠܼ ܠܐܘܨܪܗ ܘܠܒܝܬ ܓܙܗ܂
03:16 [ai]ܐܝܟܐ ܐܢܘܢ ܫ̈ܠܝܛܐ ܕܥܠܡܐ܂ ܘܐܝܠܝܢ ܕܡܫܿܬܠܛܝܢ ܥܠ ܚܝܘܬܐ ܕܐܪܥܐܿ܂
03:17 [ai]ܘܐܝܠܝܢ ܕܒܦܪܚܬܐ ܕܫܡܝܐ ܡܫܬܥܝܢܿ܂ ܘܟܣܦܐ ܣܿܝܡܝܢ ܠܗܘܢ ܒܣ̈ܝܡܬܐܿ܂ ܘܕܗܒܐ ܗܿܘ ܕܬܟܝܠܝܢ ܥܠܘܗܝ ܒܢ̈ܝ ܐܢܫܐ܂ ܘܠܝܬ ܣܘܦܐ ܠܩܢܝܢܗܘܢ܂
03:18 [ai]ܐܝܠܝܢ ܕܟܣܦܐ ܩܼܢܝܢܼ ܘܫܩܝܠܝܢ ܨܦܬܗ܂ ܘܠܝܬ ܡܢܝܢܐ ܠܥܒܝ̈ܕܬܗܘܢ
03:19 [ai]ܐܬܚܿܒܠܘ ܘܢܚܼܬܘ ܠܫܝܘܠ܂ ܘܐܚܪ̈ܢܐܼ ܩܿܡܘ ܚܠܦܝܗܘܢ܂
03:20 [ai]ܥ̈ܠܝܡܐ ܚܙܘ ܢܘܗܪܐܼ ܘܥܡܼܪܘ ܒܐܪܥܐ܂ ܘܐܘܪܚܐ ܕܣܘܟܠܐ ܘܕܚܟܡܬܐܼ ܠܐ ܝܕܥܼܘ܂
03:21 [ai]ܘܠܐ ܐܣܿܬܟܠܘ ܫܒܝ̈ܠܝܗܼܿ ܐܦ ܠܐ ܐܚܡܣܘܗܿ܂ ܘܒܢܝܗܘܢ ܡܢ ܐܘܪܚܗܼܿ ܐܪܚܩܘ ܢܦܫܗܘܢܼ ܘܡܪܕܘ܀
03:22 [ai]ܠܐ ܐܫܬܡܼܥܬܼ ܒܟܢܥܢܼ܂ ܐܦ ܠܐ ܐܬܚܼܙܝܬ ܒܬܝܡܢܼ܂
03:23 [ai]ܐܦ ܠܐ ܒܢ̈ܝ ܗܓܪ ܗܢܼܘܢ ܗܠܝܢ ܕܒܥܿܝܢ ܣܘܟܠܐ ܕܥܠ ܐܪܥܐܿ܂ ܬܓܪ̈ܝܗܿ ܕܡܘܼܪܬܼ ܘܕܬܝܡܢܼ܂ ܘܐܝܠܝܢ ܕܡܫܬܿܥܝܢ ܫ̈ܘܥܝܬܐ܂ ܘܐܝܠܝܢ ܕܡܥܩܿܒܝܢ ܘܒܥܿܝܢ ܣܘܟܠܐ܂ ܐܘܪܚܐ ܕܝܢ ܕܚܟܡܬܐܼ ܠܐ ܝܕܥܼܘ܂ ܐܦܠܐ ܐܕܪܟܘ ܫܒ̈ܝܠܝܗܿ܂
03:24 [ai]ܐܘ ܐܝܣܪ̈ܝܠ ܟܡܐ ܪܒ ܒܝܬܗ ܕܡܪܝܐ ܐܠܗܐ܂ ܘܐܪܝܟܼ ܘܐܪܘܝܚ ܐܬܪܐ ܕܩܢܝܢܗ܂
03:25 [ai]ܘܠܝܬ ܠܗ ܣܘܦܐ܂ ܘܪܡ ܗܘܼ ܘܠܝܬ ܠܗ ܡܘܫܚܐ܂
03:26 [ai]ܬܡܢ ܐܬܝܠܕܘ ܓܢܒܪ̈ܐ ܗܠܝܢ ܕܫܡܗ̈ܬܐ ܕܡܢ ܒܪܫܝܬܿ܂ ܗܠܝܢ ܕܗܘܼܘ ܪ̈ܘܪܒܐ ܛܒܼ ܘܝܕܥܝܢ ܩܪܒܐ܂
03:27 [ai]ܠܐ ܗܘܐ ܠܗܠܝܢ ܓܒܼܐ ܐܠܗܐ܂ ܐܦ ܠܐ ܐܘܪܚܐ ܕܚܟܡܬܐ ܝܗܼܒ ܠܗܘܢ܂
03:28 [ai]ܘܐܒܕܘܼ ܡܛܠ ܕܠܝܬ ܗܘܐ ܒܗܘܢ ܚܟܡܬܐ ܘܣܘܟܠܐ܂ ܘܐܒܕܘ ܡܢ ܒܠܝ ܡܚܫܒܬܐ܂ ܡܛܠ ܕܠܝܬ ܗܘܐ ܒܗܘܢ ܬܪܥܝܬܐ܂
03:29 [ai]ܡܿܢ ܣܠܼܩ ܠܫܡܝܐ ܘܢܣܒܗܿ ܘܐܚܬܗܿ ܡܢ ܥܢܢܐ܂
03:30 [ai]ܐܘ ܡܢܘ ܥܒܼܪ ܥܒܼܪ̈ܘܗܝ ܘܚܪܬܗ ܕܝܡܐܿ܂ ܘܐܫܟܚܗܿ ܘܐܣܩܗܿ ܐܝܟ ܕܠܕܗܒܐ ܓܒܝܼܐ܂
03:31 [ai]ܠܝܬ ܕܝܕܥܿ ܐܘܪܚܗܼ܂܂܂ ܐܦܠܐ ܕܡܬܪܥܐ ܫܒܝ̈ܠܝܗܿ܂
03:32 [ai]ܐܠܐ ܗܿܘ ܕܝܕܥܿ ܟܠܼ ܗܘܝܘ ܝܿܕܥ ܠܗܿ܂ ܐܫܟܚܗܿ ܒܚܟܡܬܗ܂ ܗܿܘ ܕܐܬܩܢ ܐܪܥܐ ܠܥܠܡ ܥܠܡܝܢ܂ ܡܠܼܗܿ ܒܥܝܪܐ ܕܐܪ̈ܒܥܬ ܪ̈ܓܠܝܗܿ܂
03:33 [ai]ܗܘܿ ܕܡܫܕܪ ܢܘܗܪܐ ܘܐܿܙܠܿ܂ ܘܩܪܝܗܝ ܘܐܫܬܼܡܥ ܠܗ܂ ܘܥܢܝܗܝܼ ܒܐܪܬܝܬܐ܂
03:34 [ai]ܟܘ̈ܟܒܐ ܕܝܢ ܐܢܗܪܘ ܒܕܘܟܝ̈ܬܗܘܢܼ ܘܐܬܿܒܣܡܘ܂
03:35 [ai]ܘܩܿܪܐ ܠܗܘܢ ܘܐܡܪܝܢܼ ܗܐ ܚܢܢ܂ ܐܢܗܪܘܼ ܒܚܕܘܬܐ ܠܗܿܘ ܡܿܢ ܕܥܒܼܕ ܐܢܘܢ܂ ܀܀
03:36 [ai]ܗܢܘ ܐܠܗܐ ܘܠܝܬ ܐܚܪܝܢ ܠܒܪ ܡܢܗ܂ ܘܠܐ ܢܬܚܼܫܒ ܠܒܪ ܡܢܗ ܐܚܪܝܢ܂
03:37 [ai]ܗܢܘ ܕܐܫܟܚ ܟܠܗ ܐܘܪܚܐ ܕܚܟܡܬܐܿ܂ ܘܝܗܒܗܿ ܠܝܥܩܘܒ ܥܒܼܕܗܼ܂ ܘܠܐܝܣܪܝܠ ܚܒܝܒܗ܂
03:38 [ai]ܘܡܢ ܒܬܪ ܗܠܝܢ܂ ܥܠ ܐܪܥܐ ܐܬܓܠܝܼ ܘܐܬܚܙܝ܂ ܘܒܝܬ ܒܢ̈ܝ ܐܢܫܐ ܐܬܗܿܦܟ܂

next chapter