← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62069: P Baruch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܗܢܘ ܟܬܒܐ ܕܕܘܟܪܢܐ ܕܦܘܩܕܢܘܗܝ ܕܐܠܗܐܿ܂ ܘܢܡܘܣܐ ܕܐܝܬܘܗܝ ܠܥܠܡ܂ ܠܟܠܗܘܢ ܐܝܠܝܢ ܕܡܚܡܣܢܝܢ ܒܗ܂ ܬܗܘܐ ܠܗܘܢܼ ܠܚܝ̈ܐ܂ ܘܐܝܠܝܢ ܕܫܒܩܝܢ ܠܗܘܢܼ ܢܡܘܬܘܢ܂
04:02 [ai]ܐܬܦܼܢܝ ܘܐܿܬܝܠܦ ܝܥܩܘܒ̈ ܘܚܡܣܢܼ ܘܗܿܠܟ ܒܐܘܪܚܗܿ܂ ܠܘܩܒܠ ܙܗܪܐ ܕܢܘܗܪܗ܂
04:03 [ai]ܠܐ ܬܬܠ ܠܐܚܪܝܢ ܬܫܒܘܚܬܟ ܘܐܝܩܪܟܿ܂ ܘܡܕܡ ܕܛܒ ܠܟܿ ܘܦܩܚ ܠܟ ܠܥܡܐ ܢܘܟܪܝܐ܂
04:04 [ai]ܛܘܒ̈ܢܐ ܚܢܢ܂ ܘܛܘܒܝܟ ܐܝܣܪܝܠ܂ ܡܛܠ ܕܡܕܡ ܕܫܦܝܪ ܠܐܠܗܢܼ ܝܕܥܝܢܢ܂
04:05 [ai]ܐܬܒܝܐܘܿ ܥܡܗܿ ܕܐܠܗܐ܂ ܕܘܟܪܢܐ ܠܐܝܣܪܝܠ܂
04:06 [ai]ܡܛܠ ܕܐܙܕܒܿܢܬܘܢ ܠܥܡ̈ܡܐܼ ܠܐ ܗܘܐ ܠܐܒܕܢܐ܂ ܐܠܐ ܡܛܠ ܕܐܪܓܙܬܘܢ ܠܐܠܗܐ ܐܫܬܠܡܬܘܢ ܠܒ̈ܥܠܕܒܒܝܟܘܢ܂
04:07 [ai]ܐܪܓܙܬܘܢ ܓܝܪܼ ܠܗܘܿ ܕܥܒܕܟܘܢ ܠܐܠܗܐ ܕܠܥܠܡ܂ ܥܠ ܕܕܒܚܿܬܘܢ ܠܫܐ̈ܕܐ ܘܠܐ ܠܐܠܗܐܿ܂
04:08 [ai]ܘܛܥܝܬܘܢ ܠܡܪܒܝܢܟܘܢ ܠܐܠܗܐ ܕܠܥܠܡ܂ ܐܟܼܪܝܬܘܢ ܕܝܢܼ ܐܦ ܠܡܪܒܿܝܢܬܟܘܢ ܐܘܪܫܠܡ܂
04:09 [ai]ܚܿܙܝܬ ܓܝܪ ܕܐܬܼܐ ܥܠܝܟܘܢ ܪܘܓܙܐ ܘܚܡܬܐܿ ܡܢ ܩܕܡ ܡܪܝܐ ܘܐܡܿܪܬ܂ ܫܘܡܥܘܢܝܿ ܥܡܘܪ̈ܐ ܕܨܗܝܘܢ܂ ܐܝܬܝ ܓܝܪ ܥܠܝ ܡܪܝܐ ܐܠܗܐܼ܂ ܐܒܠܐ ܪܒܐ ܕܠܥܠܡ܂
04:10 [ai]ܚܿܙܝܬ ܓܝܪ ܒܫܒܝܐ ܕܒܢ̈ܝ ܘܕܒܢ̈ܬܝ ܕܐܝܬܝ ܥܠܝܗܘܢ ܡܪܐ ܥ̈ܠܡܐ܂
04:11 [ai]ܪܒܿܝܬ ܐܢܘܢ ܓܝܪ ܒܚܕܘܬܐܼ ܘܫܿܕܪܬ ܐܢܘܢ ܒܒܟܬܐܿ ܘܒܐܒܠܐܼ ܘܒܬܐ̈ܢܚܬܐ܂
04:12 [ai]ܠܐ ܐܢܫ ܢܚܕܐ ܠܐܪܡܠܘܬܝ ܕܐܫܬܒܩܬܿ܂ ܘܨܿܕܝܬ ܡܢ ܥܡܐ ܣܓܝܐܐ܂ ܡܛܠ ܚ̈ܛܗܐ ܕܒܢ̈ܝ܂ ܡܛܠ ܕܣܼܛܘ ܡܢ ܐܘܪܚܗ ܕܡܪܝܐ ܐܠܗܐܼ܂
04:13 [ai]ܘܦܘܩ̈ܕܢܘܗܝ ܘܕܝܢܼ̈ܘܗܝ ܠܐ ܝܕܥܘ܂ ܐܦ ܠܐ ܗܠܟܘ ܒܐܘܪܚܐ ܕܦܘܩ̈ܕܢܘܗܝ ܕܐܠܗܐ܂ ܐܦ ܠܐ ܒܫܒܝܠܐ ܕܡܪܕܘܬܐ ܕܩܘܫܬܐܿ܂ ܒܙܕܝܩܘܬܐ ܕܪܟܘ ܐܘ ܐܬܛܦܝܣܘ܂
04:14 [ai]ܐܢܬܘܢ ܥܡܘܪ̈ܐ ܕܨܗܝܘܢܼ܂ ܐܬܕܼܟܪܘ ܫܒܝܬܐ ܕܒܢ̈ܝ ܘܕܒܢ̈ܬܝ ܕܐܝܬܝ ܥܠܝܗܘܢ ܡܪܐ ܥ̈ܠܡܐ܂
04:15 [ai]ܐܝܬܝ ܓܝܪ ܥܠܝܗܘܢ ܥܡܐܼ ܡܢ ܪܘܚܩܐ܂ ܥܡܐ ܚܨܝܦܐ ܘܡܡܠܠ ܒܠܫܢܐ ܐܚܪܢܐ܂ ܘܠܐ ܒܗܬܘ ܡܢ ܣܒ̈ܐ܂ ܘܥܠ ܥ̈ܠܝܡܐܼ ܠܐ ܐܬܪܚܿܩܘ܂
04:16 [ai]ܘܫܒܼܘ ܘܕܒܼܪܘ ܠܚܒ̈ܝܒܝܗܿ ܕܐܪܡܠܬܐܼ ܘܠܒܢ̈ܬܗܿ܂ ܘܠܝܚܝܕܬܐܿ ܘܠܡܫܘܚܕܬܐܼ ܐܚܪܒܘ܂
04:17 [ai]ܐܢܐ ܓܝܪܼ ܠܐ ܡܫܟܚܐ ܐܢܐ ܕܐܥܗܕܟܘܢ܂
04:18 [ai]ܗܿܘ ܓܝܪ ܡܿܢ ܕܐܝܬܝ ܥܠܝܟܘܢ ܒܝܫܬܐܼ܂ ܗܼܘ ܦܪܩܿ ܠܟܘܢ ܡܢ ܐܝܕܐ ܕܒ̈ܥܠܕܒܒܝܟܘܢ܂
04:19 [ai]ܙܠܘ ܒ̈ܢܝ ܙܠܘ܂ ܐܢܐ ܓܝܪ ܐܫܬܒܿܩܬ ܚܪܒܬܐܼ ܘܨܿܕܝܬܐ܂
04:20 [ai]ܫܿܠܚܬ ܐܣܛܠܐ ܕܫܿܠܡܐܼ܂ ܘܠܒܫܬ ܣܩܐ ܒܒܥܘܬܝ܂ ܐܓܥܐ ܠܘܬܟ ܚܝ ܥ̈ܠܡܐܿ ܒܝ̈ܘܡܬܐ܂
04:21 [ai]ܐܬܬܥܝܪܘ ܒܢܝܼ ܘܓܥܘ ܠܘܬ ܡܪܝܐ܂ ܘܢܦܨܝܟܘܢ ܡܢ ܐ̈ܝܕܝ ܥܫܝ̈ܢܐ܂ ܘܡܢ ܐܝ̈ܕܝ ܫ̈ܠܝܛܢܐ܂ ܘܡܢ ܐ̈ܝܕܝ ܒ̈ܥܠܕܒܒܐ܂
04:22 [ai]ܐܢܐ ܓܝܪ ܣܒܿܪܬ ܥܠ ܚܝ ܥ̈ܠܡܐ ܠܦܘܪܩܢܟܘܢ܂ ܘܐܬܼܬ ܠܝ ܚܕܘܬܐ ܡܢ ܩܕܡ ܡܪܝܐ ܐܠܗܐ ܕܠܥܠܡ܂ ܡܛܠ ܕܒܥܓܠ ܐܬܿܪܚܡ ܥܠܝܗܘܢ܂ ܡܛܠ ܪ̈ܚܡܘܗܝ ܕܐܠܗܐ ܦܪܘܩܗܘܢ ܕܠܥܠܡ܂
04:23 [ai]ܫܕܪܬܟܘܢ ܓܝܪ ܒܐܒܠܐܼ ܘܒܒܟܬܐ܂ ܘܢܦܢܝܟܘܢ ܠܝ ܐܠܗܐ ܘܐܩܿܒܠܟܘܢ ܡܢܗ܂ ܒܚܕܘܬܐܿ ܘܒܒܘܣܡܐ ܕܠܥܠܡ܂
04:24 [ai]ܕܐܝܟܢܐ ܕܗܫܐ ܚܙܘ ܥܡܘܪ̈ܝܗܿ ܕܨܗܝܘܢ ܫܒܝܬܟܘܢܼ܂ ܗܟܢܐ ܒܥܓܠ ܢܚܙܘܢ ܦܘܪܩܢܟܘܢ ܕܡܢ ܠܘܬ ܡܪܝܐܼ ܐܠܗܢܿ܂ ܘܢܝܬܟܘܢܼ ܒܚܕܘܬܐ ܪܒܬܐܿ܂ ܘܒܬܫܒܘܚܬܐ ܘܒܢܘܗܪܗ ܕܡܪܐ ܥ̈ܠܡܐ܂
04:25 [ai]ܒ̈ܢܝ ܐܓܪܘ ܪܘܚܟܘܢ܂ ܘܣܝܿܒܪܘ ܪܘܓܙܐ ܕܡܢ ܡܪܝܐ ܐܠܗܐ ܐܬܼܐ ܥܠܝܟܘܢ܂ ܪܕܦܟ ܒܥܠܕܒܒܟ܂ ܡܛܠ ܗܢܐܼ ܒܥܓܠ ܬܚܙܐ ܒܐܒܕܢܗ܂ ܘܥܠ ܨܘܪܗܘܢ ܬܕܪܘܟ܂
04:26 [ai]ܡܦܢ̈ܩܝܼ/ܡܦܢܩ̈ܢܝ/ ܐܙܠܼܘ ܒܫܒܝܐ܂ ܘܗܠܟܘ ܒܐܘܪ̈ܚܬܐ ܥܣ̈ܩܬܐ ܕܥܪ̈ܡܐ܂ ܘܐܿܬܒܕܪܘ ܒܐܘܪ̈ܚܬܐ ܥܣ̈ܩܬܐ܂ ܘܐܬܿܒܕܪܘܼ ܐܝܟ ܓܙܪܐ܂ ܘܐܬܿܚܼܛܦ ܡܢ ܐ̈ܝܕܝ ܒ̈ܥܠܕܒܒܐ܂
04:27 [ai]ܐܬܒܝܐܘ ܒ̈ܢܝ ܘܐܙܥܩܘ ܠܘܬ ܡܪܝܐ ܐܠܗܐ܂ ܢܗܘܐ ܠܟܘܢ ܓܝܪ ܠܘܬ ܡܪܝܐ ܕܘܟܪܢܐܿ܂ ܡܢ ܗܘܿ ܕܐܝܬܝ ܥܠܝܟܘܢ ܗܠܝܢ܂
04:28 [ai]ܡܛܠ ܕܐܝܟܢܐ ܕܛܥܿܐ ܗܘܐ ܪܥܝܢܟܘܢ ܡܢ ܡܪܝܐܼ܂ ܚܕ ܒܥܣܪ̈ܐ ܬܘܒܘܼ ܘܐܬܦܢܘ ܠܘܬ ܡܪܝܐ܂ ܘܬܒܥܘܢܗܝ ܠܐܠܗܐ܂
04:29 [ai]ܗܘܿ ܓܝܪ ܡܿܢ ܕܐܝܬܝ ܥܠܝܟܘܢ ܒܝܫܼܬܐܼ܂ ܗܼܘ ܢܝܬܐ ܥܠܝܟܘܢ ܚܕܘܬܐܼ ܠܥܠܡ ܥܡ ܦܘܪܩܢܟܘܢ܂
04:30 [ai]ܐܬܒܝܐ ܐܘܪܫܠܡ܂ ܂ ܡܒܝܐ ܗܘ ܠܟܝ ܗܘܿ ܡܿܢ ܕܣܡ ܠܟܝ ܫܡܐ܂
04:31 [ai]ܢܕܚ̈ܠܢ ܡܕܝܢ̈ܬܐ ܐܝܠܝܢ ܕܐܒܐܫ ܠܟܝ ܘܚܕܝ ܥܠ ܡܦܘܠܬܟܝ܂
04:32 [ai]ܢܬܪ̈ܗܒܢ ܡܕܝܢ̈ܬܐ ܐܝܠܝܢ ܕܫܥܼܒܕ ܠܒܢܝܟܝ܂ ܬܚܕܝܢ ܥܠ ܡܦܘܠܬܗܝܢ܂ ܢܕܚܠܘܢ ܐܝܠܝܢ ܕܐܒܐܫܘ ܠܟܝ܂ ܬܬܼܪܗܒ ܗܝܿ ܕܩܒܠܼܬ ܠܒܢܝܟܝ܂
04:33 [ai]ܐܝܟܢܐ ܓܝܪ ܕܚܿܕܼܝܬ ܥܠ ܡܦܘܠܬܟܝܼ܂ ܗܟܢܐ ܬܬܥܝܩ ܘܬܟܿܪܐ ܠܗܿ ܥܠ ܚܘܪܒܗܿ܂
04:34 [ai]ܘܐܫܩܘܠ ܡܢܗܿ ܓܠܝܦ̈ܐ܂ ܘܕܝܿܨܐ ܕܟܢ̈ܫܐ ܣ̈ܓܝܐܐܼ ܘܚܕܘܬܗܿ ܬܗܘܐ ܠܐܒܠܐ܂
04:35 [ai]ܢܘܪܐ ܓܝܪ ܬܫܬܕܪ ܥܠܝܗܿ ܡܢ ܠܘܬ ܚܝ ܥ̈ܠܡܐܼ ܢܘܓܪܐܼ ܕܝܘ̈ܡܬܐ܂ ܘܢܥܡܼܪܘܢ ܒܗܿ ܫܐ̈ܕܐ ܟܠܗ ܙܒܢܐ܂
04:36 [ai]ܚܘܪܝ ܠܡܕܢܚܐ ܐܘܪܫܠܡ܂ ܂ ܘܚܙܝ ܚܕܘܬܐ ܕܡܢ ܠܘܬ ܐܠܗܐ ܐܬܝܐ ܠܟܝ܂
04:37 [ai]ܗܐ ܓܝܪ ܐܬܿܝܢ ܠܟܝ ܒܢܝܟܝ ܐܝܠܝܢ ܕܫܕܪܬܝ܂ ܐܬܿܝܢܼ ܘܡܬܿܟܢܫܝܢ܂ ܡܢ ܡܕܢܚ̈ܘܗܝ ܕܫܡܫܐ ܘܥܕܡܐ ܠܡܥܪ̈ܒܘܗܝ܂ ܒܡܠܬܗ ܕܡܪܝܐ ܐܠܗܐ ܩܕܝܫܐ܂ ܘܚܿܕܝܢ ܒܬܫܒܘܚܬܗ ܕܐܠܗܐ܂

next chapter