← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62069: P Baruch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܫܠܚܼܝ ܐܘܪ̈ܫܠܡ ܐܣܛܠܐ ܕܐܒܠܟܝ܂ ܘܕܒܝܫܬܟܝܿ ܘܕܚܫܟܝ܂ ܘܠܒܫܝ ܓܐܝܘܬܐ ܗܝܿ ܕܡܢ ܠܘܬ ܡܪܝܐ ܐܠܗܐ ܠܬܫܒܘܚܬܐ ܕܠܥܠܡ܂
05:02 [ai]ܘܐܬܥܼܛܦܝ ܥܛܝܦܘܬܐ ܕܙܕܝܩܘܬܐ ܕܡܢ ܠܘܬ ܐܠܗܐ܂ ܣܝܡܝ ܒܪܫܟܝ ܣܢܘܪܬܐ ܕܬܫܒܘܚܬܗ ܕܡܪܐ ܥ̈ܠܡܐ܂
05:03 [ai]ܡܛܠ ܕܗܼܘ ܐܠܗܐ ܢܚܘܐ ܠܟܠ ܐܢܫܼ܂ ܕܥܠ ܟܠܗܿ ܐܪܥܐ ܢܘܗܪܟܝ܂
05:04 [ai]ܢܬܩܼܪܐ ܠܟܝ ܓܝܪ ܫܡܐ ܡܢ ܠܘܬ ܐܠܗܐܼ ܠܥܠܡ܂ ܫܠܡܐ ܕܙܕܝܩܘܬܐܼ ܘܬܫܒܘܚܬܐ ܕܕܚܠܬܗ ܕܐܠܗܐ܂
05:05 [ai]ܐܬܬܥܝܪܝܿ ܐܬܬܥܝܪܝܿ ܐܘܪ̈ܫܠܡ ܘܩܘܡܝ ܥܠ ܝܪ̈ܝܥܬܐ܂ ܘܚܘܪܝ ܠܐ̈ܦܝ ܡܕܢܚܐܼ ܘܠܡܥܪܒܐ܂ ܘܚܙܝ ܠܒܢܝܟܝ ܕܡܬܟܢܫܝܢ ܠܟܝ܂ ܡܢ ܡܕܢܚ̈ܘܗܝ ܕܫܡܫܐܼ ܘܥܕܡܐ ܠܡܥܪ̈ܒܘܗܝ ܒܡܠܬܗ ܕܩܕܝܫܐ܂ ܟܕ ܚܿܕܝܢ ܒܕܘܟܪܢܗ ܕܐܠܗܐ܂
05:06 [ai]ܢܦܩܘ ܓܝܪ ܡܢܟܝ ܒܪܓܠܼ ܟܕ ܡܬܿܕܒܪܝܢ ܡܢ ܒܥܠܕܒܒܐ܂ ܡܥܠ ܠܗܘܢ ܕܝܢ ܐܠܗܐ ܠܘܬܟܝܼ܂ ܟܕ ܡܬܬܪܝܡܝܢ ܒܬܫܒܘܚܬܐ ܥܠ ܟܘܪܣܝܐ ܕܡܠܟܘܬܐ܂
05:07 [ai]ܦܩܿܕ ܓܝܪ ܐܠܗܐ ܠܟܠ ܛܘܪ ܕܪܡܼ ܕܢܬܡܿܟܟ܂ ܘܥܪܡܐ ܢܗܘܐ ܠܫܦܝܐܼ ܘܠܫܘܝܘܬܐ܂ ܟܠܗܘܢ ܢܚ̈ܠܐܼ ܢܬܿܡܠܘܢ܂ ܘܬܫܬܘܐ ܐܪܥܐ ܕܢܗܠܟ ܐܝܣܪܐܝܠ ܬܟܝܠܐܝܬ ܒܫܪܪܐܿ܂ ܒܬܫܒܘܚܬܗ ܕܐܠܗܐ܂
05:08 [ai]ܛܠܠܘ ܟܠ ܐܝ̈ܠܢܝ ܥܒܐܿ܂ ܘܟܠ ܩܝܣ ܕܒܣܡܐܿ ܥܠ ܐܝܣܪܐܝܠ ܒܦܘܩܕܢܗ ܕܐܠܗܐ܂
05:09 [ai]ܢܡܠܟ ܓܝܪ ܥܠܝܟܘܢ ܐܠܗܐ ܕܐܝܣܪܐܝܠܼ܂ ܒܚܕܘܬܐ ܘܒܢܘܗܪܐ ܕܬܫܒܘܚܬܗ܂ ܥܡ ܡܪܚܡܢܘܬܐ ܘܙܕܝܩܘܬܐ ܕܡܢ ܠܘܬܗ ܕܐܠܗܢ܂ ܫܠܡܬ ܐܝܓܪܬܐ ܕܬܪ̈ܬܝܢ ܕܒܪܘܟ܂