← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܪܚܡܘ ܙܕܝܩܘܬܐ ܕܝܢ̈ܝܗܿ ܕܐܪܥܐ܂ ܘܪܢܘ ܥܠ ܡܪܝܐ ܒ̈ܛܒܬܐ܂ ܘܒܠܒܐ ܦܫܝܛܐ/ܫܦܝܪܐ#3#/ ܒܥܐܘܗܝ܂
01:02 [ai]ܡܛܠ ܕܡܫܬܟܚ ܠܐܝܠܝܢ ܕܠܐ ܡܢܣܝܢ ܠܗ܂ ܘܡܬܓܠܐ ܠܐܝܠܝܢ ܕܡܗܝܡܢܝܢ ܒܗ܂
01:03 [ai]ܡܚܫ̈ܒܬܐ ܓܝܪ ܒܝܫ̈ܬܐ/ܒܒܝܫ̈ܬܐ#3#/ ܡܪ̈ܚܩܢ ܡܢ ܐܠܗܐ܂ ܚܝܠܐ ܕܝܢ ܕܒܩܐ ܡܟܣ ܠܫ̈ܛܝܐ܂
01:04 [ai]ܡܛܠ ܕܒܢܦܫܐ ܕܡܬܠܬܟܐ ܒܝܫ̈ܬܐ܂ ܠܐ ܥܐܠܐ ܚܟܡܬܐ܂ ܘܐܦ ܠܐ ܥܡܪܐ ܒܦܓܪܐ ܕܡܚܿܝܒ ܠܚܛܝܬܐ܂
01:05 [ai]ܪܘܚܐ ܓܝܪ ܩܕܝܫܬܐ ܘܡܪܕܘܬܐ ܥܪܩܐ ܡܢ ܢܟܠܐ܂ ܘܡܬܪܚܩܐ ܡܢ ܡܚܫ̈ܒܬܗܘܢ ܕܐܝܠܝܢ ܕܕܠܐ ܝܕܥܬܐ ܐܢܘܢ܂ ܘܡܟܣܐ ܠܟܠ ܛܠܘܡܝܐ ܕܐܬܐ܂
01:06 [ai]ܪܚܡܐ ܗܝ ܓܝܪ ܠܒܢ̈ܝ ܐܢܫܐ ܪܘܚܐ ܕܚܟܡܬܐ܂ ܘܠܐ ܡܙܕܩܐ ܠܥܡܐ ܡܓܕܦܢܐ ܡܢ ܣ̈ܦܘܬܗ܂ ܡܛܠ ܕܐܠܗܐ ܣܗܕܐ ܗܘ ܕܟܘ̈ܠܝܬܐ ܘܕܠܒܐ܂ ܣܥܘܪܐ ܗܘ ܕܫܪܪܐ ܘܫܡܘܥܐ ܗܘ ܕܠܫܢܗ ܕܒܪܢܫܐ܂
01:07 [ai]ܡܛܘܠ ܕܪܘܚܗ ܕܡܪܝܐ ܡܠܬ ܬܒܝܠ܂ ܘܗܿܘ ܕܐܚܝܕ ܟܠ/ܠܟܠ#3#/ ܒܝܕܥܬܐ ܐܝܬ ܠܗ ܩܠܗܿ܂
01:08 [ai]ܡܛܠ ܗܢܐ ܠܝܬ ܐܢܫ ܕܡܡܠܠ ܛܠܘܡܝܐ ܘܡܬܛܫܐ܂ ܘܠܐ ܦܠܛ ܡܢ ܕܝܢܐ ܕܡܟܣܢܘܬܐ܂܀
01:09 [ai]ܥܠ ܡܚܫ̈ܒܬܗ ܓܝܪ ܕܪܫܝܥܐ ܫܐܘܠܐ ܗܘܐ܂ ܘܫܡܥܐ ܕܡ̈ܠܘܗܝ ܐܬܐ ܠܘܬ ܡܪܝܐ ܠܡܟܣܢܘܬܐ ܕܪܘܫܥܗ܂
01:10 [ai]ܡܛܠ ܕܐܕܢܐ ܕܚܣܡܐ ܫܡܥܐ ܟܠ ܡܕܡ܂ ܘܚܘܫܚܐ ܕܪܛܢܐ ܠܐ ܡܬܛܫܐ܂܀܀
01:11 [ai]ܐܙܕܗܪܘ ܗܟܝܠ ܡܢ ܪܛܢܐ ܕܠܝܬ ܒܗ ܝܘܬܪܢܐ܂ ܘܡܢ ܡܐܟܠ ܩܪܨܐ ܚܘܣܘ ܥܠ ܠܫܢܝܟ̈ܘܢ܂ ܡܛܠ ܕܡܡܠܠܐ ܟܣܝܐ ܠܐ ܢܦܩ ܣܪܝܩܐܝܬ܂ ܦܘܡܐ ܕܝܢ ܕܓܠܐ ܩܛܠ ܢܦܫܐ܂
01:12 [ai]ܠܐ ܬܚܣܡܘܢ ܒܡܘܬܐ ܒܛܥܝܘܬܐ ܕܥܘܡܪܟܘܢ܂ ܘܠܐ ܬܬܢܬܦܘܢ ܒܚܘܣܪܢܐ ܕܚܒܠܐ ܕܥܒܕ ܐ̈ܝܕܝܟܘܢ܂
01:13 [ai]ܡܛܠ ܕܐܠܗܐ ܡܘܬܐ ܠܐ ܥܒܕ܂ ܐܦ ܠܐ ܨܒܐ ܒܐܒܕܢܗܘܢ ܕܚ̈ܝܐ܂
01:14 [ai]ܐܠܐ ܒܪܐ ܕܢܗܘܐ ܟܠ ܡܕܡ܂ ܘܒܡܘܠܕܗ ܕܥܠܡܐ ܚ̈ܝܐ܂ ܘܠܝܬ ܒܗܘܢ ܣܡܐ ܕܡܘܬܐ܂ ܘܠܐ ܠܫܝܘܠ ܡܠܟܘܬܐ ܥܠ ܐܪܥܐ܂
01:15 [ai]ܙܕܝܩܘܬܐ ܓܝܪ ܕܠܐ ܡܘܬܐ ܗܝ܂
01:16 [ai]ܪ̈ܫܝܥܐ ܕܝܢ ܒܡ̈ܠܝܗܘܢ ܘܒܥܒ̈ܕܝܗܘܢ ܩܪܐܘܗܝ܂ ܪܚܡܐ ܚܫܒܘܗܝ ܠܗܘܢ ܘܐܬܚܒܠܘ܂ ܘܝܡܘ ܘܐܩܝܡܘ ܥܡܗ ܩܝܡܐ܂ ܡܛܠ ܕܫܘܝܢ ܕܡܢܬܗ ܕܗܿܘ ܢܗܘܘܢ܂

next chapter