← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܐܡܪܘ ܓܝܪ ܒܢܦܫܗܘܢ ܘܠܐ ܐܬܚܫܒܘ ܬܪܝܨܐܝܬ܂ ܙܥܘܪ ܗܘ ܘܒܥܩܬܐ ܗܘ ܥܘܡܪܢ܂ ܘܠܝܬ ܐܣܝܘܬܐ ܒܡܦܩܢܗ ܕܐܢܫܐ܂ ܘܠܐ ܐܬܓܠܝ ܗܿܘ ܕܐܫܬܪܝ ܡܢ ܫܝܘܠ܂
02:02 [ai]ܡܛܠ ܕܡܢ ܫܠܝܐ ܗܘܝܢ܂ ܘܡܢ ܒܬܪ ܗܠܝܢ ܗܦܟܝܢܢ ܕܢܗܘܐ ܐܝܟ ܕܠܐ ܗܘܝܢ܂ ܡܛܠ ܕܐܝܟ ܬܢܢܐ ܗܝ ܪܘܚܐ ܒܢܚܝܪ̈ܝܢ܂ ܘܡܠܬܐ ܐܝܟ ܒܠܨܘܨܝܬܐ ܡܬܬܙܝܥܐ ܒܠܒܢ܂
02:03 [ai]ܕܡܐ/ܘܡܐ#3#/ ܕܕܥܟܬ ܐܝܟ ܩܛܡܐ ܗܘܐ ܦܓܪܐ܂ ܘܪܘܚܐ ܡܬܐܫܕܐ ܐܝܟ ܐܐܪ ܪܦܝܐ܂
02:04 [ai]ܘܡܬܛܥܐ ܫܡܢ ܒܬܪ ܙܒܢܐ܂ ܘܐܢܫ ܠܐ ܡܬܕܟܪ ܥܒ̈ܕܝܢ܂ ܘܥܒܪ ܥܘܡܪܢ ܐܝܟ ܥܩ̈ܒܬܐ ܕܥܢ̈ܢܐ܂ ܘܐܝܟ ܥܪܦܠܐ ܕܡܬܪܕܦܐ ܡܢ ܙܠܝܩ̈ܘܗܝ ܕܫܡܫܐ܂ ܘܚܘܡܗ/ܘܝܘܡܗ#3#/ ܕܫܡܫܐ ܝܩܝܪ ܥܠܝܗܿ܂
02:05 [ai]ܛܠܢܝܬܐ ܓܝܪ ܕܥܒܪܐ ܐܝܬܘܗܝ ܥܘܡܪܢ܂ ܘܠܝܬ ܐܣܝܘܬܐ ܒܡܦܩܢܢ܂ ܡܛܠ ܕܐܬܚܬܡ/ܕܐܬܬܚܡ#3#/ ܘܠܝܬ ܕܡܗܦܟ܂
02:06 [ai]ܬܘ ܡܟܝܠ ܢܬܒܣܡ ܡܢ ܗܠܝܢ ܛܒ̈ܬܐ܂ ܘܢܬܚܫܚ ܡܢ ܗܠܝܢ ܒܪ̈ܝܬܐ ܚܦܝܛܐܝܬ ܒܛܠܝܘܬܢ܂
02:07 [ai]ܚܡܪܐ ܓܒܝܐ ܘܒܣ̈ܡܢܐ ܢܬܡܠܐ܂ ܘܠܐ ܢܥܒܪ̈ܢ ܥܘ̈ܦܝܗܿ ܕܐܐܪ܂
02:08 [ai]ܢܬܟܠܠ ܡܢ ܗܒ̈ܒܘܗܝ ܕܘܪܕܐ ܥܕ ܠܐ ܢܚܡܐ܂
02:09 [ai]ܘܠܐ ܐܢܫ ܡܢܢ ܢܗܘܐ ܕܠܐ ܒܣܡܐ ܥܕܡܐ ܠܣܝܒܘܬܢ܂ ܘܒܟܠ ܐܬܪ ܢܫܒܘܩ ܣܘܒܠܐ ܕܒܣܡܢ܂ ܡܛܠ ܕܗܕܐ ܗܝ ܡܢܬܢ ܘܗܕܐ ܗܝ ܝܪܬܘܬܢ܂
02:10 [ai]ܘܢܬܥܫܢ ܥܠ ܡܣܟܢܐ ܙܕܝܩܐ܂ ܘܠܐ ܢܚܘܣ ܥܠ ܐܪܡܠܬܐ ܘܐܦ ܠܐ ܥܠ ܝܬܡܐ܂ ܘܠܐ ܢܒܗܬ ܡܢ ܣܒܐ ܥܬܝܩ ܝܘܡ̈ܬܐ܂
02:11 [ai]ܢܗܘܐ ܠܢ ܚܝܠܢ ܢܡܘܣܐ ܕܙܕܝܩܘܬܐ܂ ܡܛܠ ܕܟܪܝܗܐ ܐܝܟ ܡܚܝܠܐ ܡܬܟܘܢ܂
02:12 [ai]ܢܥܟܪ ܠܙܕܝܩܐ ܡܛܠ ܕܠܐ ܒܣܝܡ ܠܢ܂ ܩܐܡ ܓܝܪ ܠܘܩܒܠ ܥܒ̈ܕܝܢ܂ ܘܡܚܣܕ ܠܢ ܒܥܒ̈ܕܘܗܝ ܕܢܡܘܣܐ܂ ܘܡܕܟܪ ܥܠܝܢ ܣ̈ܟܠܘܬܐ ܕܡܪܚܘܬܢ܂
02:13 [ai]ܘܡܣܒܪ ܕܝܕܥܬܐ ܕܐܠܗܐ ܐܝܬ ܒܗ܂ ܘܐܡܪ ܥܠ ܢܦܫܗ ܕܒܪܗ ܐܢܐ ܕܐܠܗܐ܂
02:14 [ai]ܗܘܐ ܠܢ ܡܟܣܢܐ ܕܡܚܫ̈ܒܬܢ܂ ܝܩܝܪ ܗܘ \ܥܠܝܢ ܘܐܦ /ܠܢ ܐܦ#3#/ ܕܢܚܙܝܘܗܝ܂
02:15 [ai]ܡܛܠ ܕܠܐ ܕܡܿܐ ܠܕܐܚܪ̈ܢܝܢ ܥܘܡܪܗ܂ ܘܡܫܚܠܦܝܢ ܐܢܘܢ ܫܒܝ̈ܠܘܗܝ܂
02:16 [ai]ܐܝܟ ܛܡ̈ܐܐ ܐܬܚܫܒܢ ܠܗ܂ ܘܡܪܚܩ ܡܢ ܐܘܪ̈ܚܬܢ ܐܝܟ ܕܡܢ ܛܡܐܘܬܐ܂ ܘܡܒܪܟ ܐܘܪ̈ܚܬܗܘܢ ܘܚܪܬܗܘܢ ܕܙܕܝ̈ܩܐ܂ ܘܡܫܬܒܗܪ ܕܐܠܗܐ ܗܘ ܐܒܘܗܝ܂
02:17 [ai]ܢܚܙܐ ܐܢ ܫܪ̈ܝܪܢ ܐܢܝ̈ܢ ܡ̈ܠܘܗܝ܂ ܢܢܣܝܘܗܝ ܒܡܦܩܢܗ܂
02:18 [ai]ܐܢ ܓܝܪ ܐܝܬܘܗܝ ܙܕܝܩܐ ܒܪܗ ܕܐܠܗܐ ܡܩܒܠ ܗܘ ܠܗ܂ ܘܦܪܩ ܠܗ ܡܢ ܐܝ̈ܕܝܗܘܢ ܕܐܝܠܝܢ ܕܩܡܘ ܠܩܘܒܠܗ܂
02:19 [ai]ܒܨܥܪܐ ܘܒܬܫܢܝܩܐ ܢܫܐܠܝܘܗܝ܂ ܕܢܕܥ ܝܨܝܦܘܬܐ ܕܡܟܝܟܘܬܗ ܘܢܒܩܝܘܗܝ ܐܠܐ ܐܝܬ ܒܗ ܒܝܫܬܐ܂
02:20 [ai]ܠܡܘܬܐ ܡܦܪܣܝܐ ܢܚܫܒܝܘܗܝ܂ ܢܗܘܐ ܓܝܪ ܥܠܘܗܝ ܫܐܘܠܐ ܡܢ ܡ̈ܠܘܗܝ܂܀܀
02:21 [ai]ܗܠܝܢ ܐܬܚܫܒܘ ܦܟܝ̈ܗܐ ܘܛܥܘ܂ ܡܛܠ ܕܥܘܪܬ ܐܢܘܢ ܒܝܫܘܬܗܘܢ܂
02:22 [ai]ܘܠܐ ܐܝܕܥܘ ܪ̈ܐܙܘܗܝ ܕܐܠܗܐ܂ ܘܠܐ ܣܒܪܘ ܥܠ ܐܓܪܐ ܚܣܝܐ܂ ܘܠܐ ܕܢܘ ܢܦܫܬ̈ܐ ܕܣܒ̈ܐ ܕܕܠܐ ܡܘܡ܂
02:23 [ai]ܡܛܠ ܕܐܠܗܐ ܒܪܐ ܐܢܫܐ ܕܠܐ ܚܒܠܐ܂ ܒܝܘܩܢܐ/ܒܚܢܢܐ#3#/ ܕܕܡܘܬܗ ܓܒܝܠܬܗ܂
02:24 [ai]ܒܚܣܡܗ ܕܐܟܠܩܪܨܐ ܥܠ ܡܘܬܐ ܠܥܠܡܐ܂ ܡܢܣܝܢ ܠܗ ܕܝܢ ܐܝܠܝܢ ܕܡܢܬܗ ܐܢܘܢ܂

next chapter