← Back
The Comprehensive Aramaic Lexicon
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܢܦܫܬ̈ܗܘܢ ܕܝܢ ܕܙܕܝ̈ܩܐ ܒܐ̈ܝܕܘܗܝ ܐ̈ܢܝܢ ܕܐܠܗܐ܂ ܘܠܐ ܩܪܒ ܠܗܝܢ ܬܫܢܝܩܐ܂
03:02 [ai]ܐܣܬܒܪܘ ܒܥܝܢ̈ܝ ܫ̈ܛܝܐ ܕܡܝܬܝܢ ܐܢܘܢ܂ ܘܐܬܚܫܒܬ ܡܦܩܬܗܘܢ ܒܝܫܐ܂
03:03 [ai]ܘܐܝܟ ܫܚܝܩܐ ܡܦܩܬܗܘܢ ܕܡܢ ܠܘܬܢ܂ ܗܢܘܢ ܕܝܢ ܐܝܬܝܗܘܢ ܒܫܠܡܐ܂
03:04 [ai]ܐܢ ܓܝܪ ܒܥܝܢ̈ܝ ܒܢ̈ܝ ܐܢܫܐ ܢܬܚܝܒܘܢ ܣܒܪܗܘܢ ܡܠܐ ܚ̈ܝܐ܂
03:05 [ai]ܕܩܠܝܠ ܒܩܐ ܐܢܘܢ ܘܩܠܝܠ ܐܬܪܕܝܘ ܣܓܝ ܢܐܪܬܘܢ܂ ܡܛܠ ܕܐܠܗܐ ܢܣܝ/ܫܢܢ#3#/ ܐܢܘܢ܂ ܘܐܫܟܚ ܐܢܘܢ ܕܫܘܝܢ ܠܗ܂
03:06 [ai]ܐܝܟ ܕܗܒܐ ܒܟܘܪܐ ܒܩܐ ܐܢܘܢ܂ ܘܐܝܟ ܥ̈ܠܘܬܐ ܘܕܒܚ̈ܐ ܫ̈ܠܡܐ ܩܒܠ ܐܢܘܢ܂
03:07 [ai]ܘܒܙܒܢܐ ܢܗܘܐ ܒܘܩܪܗܘܢ/ܒܘܩܪܢܗܘܢ#3#/ ܘܐܝܟ ܒ̈ܠܨܘܨܝܬܐ ܒܩ̈ܢܝܐ܂ ܢܪܗܛܘܢ ܙܕܝ̈ܩܐ ܒܝܢ̈ܬ ܪ̈ܫܝܥܐ܂
03:08 [ai]ܢܪܘܙܘܢ ܥܡ̈ܡܐ ܘܢܚ̈ܕܝܢ ܐ̈ܡܘܬܐ܂ ܘܢܡܠܟ ܥܠܝܗܘܢ ܡܪܝܐ ܠܥܠܡ܂
03:09 [ai]ܘܐܝܠܝܢ ܕܬܟܝܠܝܢ ܥܠܘܗܝ ܡܣܬܟܠܝܢ ܒܩܘܫܬܐ܂ ܘܕܡܗܝܡܢܝܢ ܒܚܘܒܐ ܡܩܘܝܢ ܠܗ܂ ܡܛܘܠ ܕܛܝܒܘܬܐ ܘܪ̈ܚܡܐ ܠܓܒ̈ܘܗܝ ܝܗܒ܂ ܘܣܘܥܪܢܗ ܥܠ ܚܣ̈ܝܘܗܝ܂
03:10 [ai]ܘܪ̈ܫܝܥܐ ܐܝܟ ܡܚܫ̈ܒܬܗܘܢ ܢܩܒܠܘܢ ܨܥܪܐ܂ ܗܢܘܢ/ܗܠܝܢ#3#/ ܕܒܣܘ ܒܡܪܝܐ ܘܐܪܚܩܘ ܡܢ ܙܕܝܩ̈ܘܗܝ܂
03:11 [ai]ܚܟܡܬܐ ܓܝܪ/ܕܝܢ#3#/ ܘܡܪܕܘܬܐ ܡܿܢ ܕܡܣܠܐ܂ ܕܘܝܐ ܗܘ ܘܣܪܝܩ ܗܘ ܣܒܪܗ܂ ܘܠܐܘܬܗܘܢ ܠܝܬ ܒܗܿ ܐܝܕܥܬܐ܂ ܘܥܒ̈ܕܝܗܘܢ ܠܐ ܟܫܪܝܢ܂
03:12 [ai]ܘܢܫ̈ܝܗܘܢ ܠܐ ܚ̈ܟܝܡܢ܂ ܘܒܝܫ̈ܝܢ ܒܢܝܗܘܢ܂ ܘܠܝܛܐ ܬܘܠܕܬܗܘܢ܂
03:13 [ai]ܡܛܠ ܕܛܒ ܗܘ ܠܥܩܪܬܐ ܕܠܐ ܐܬܛܢܦܬ܂ ܗܝ ܕܠܐ ܝܕܥܬ ܥܪܣܐ ܕܡܦܘܠܬܐ܂ ܬܣܒ ܦܐܪ̈ܐ ܡܐ ܕܡܬܦܩܕܢ ܢܦܫ̈ܬܐ܂
03:14 [ai]ܘܡܗܝܡܢܐ ܕܠܐ ܥܒܕ ܐ̈ܝܕܘܗܝ ܥܒܪ ܢܡܘܣܐ܂ ܘܠܐ ܐܬܚܫܒ ܥܠ ܡܪܝܐ ܒܝܫܬܐ܂ ܬܬܝܗܒ ܠܗ ܡܛܠ ܛܝܒܘܬܗ ܘܗܝܡܢܘܬܗ ܛܝܒܘܬܐ ܓܒܝܬܐ ܘܝܘܪܬܢܐ ܕܪܓܬܐ ܒܒܝܬܗ ܕܡܪܝܐ܂
03:15 [ai]ܐܓܪܐ ܒܚܝܪܐ ܠܠܐܘܬܐ ܛܒܬܐ܂ ܘܠܐ/ܕܠܐ#3#/ ܢܬܥܩܪܘܢ ܫܪ̈ܫܝܗܿ ܕܢܟܦܘܬܐ܂
03:16 [ai]ܘܒܢܝܗܘܢ ܕܓܝܪ̈ܐ ܠܐ ܢܫܬܟܠܠܘܢ܂ ܘܡܬܚܒܠ ܙܪܥܐ ܡܢ ܡܕܡܟܐ ܕܥܒܪ ܢܡܘܣܐ܂
03:17 [ai]ܢܣܓܐ ܥܘܡܪܗܘܢ ܠܠܐ ܡܕܡ ܢܬܚܫܒܘܢ܂ ܘܣܘܦܐ ܕܣܝܒܘܬܗܘܢ ܠܨܥܪܐ܂
03:18 [ai]ܘܐܢ ܟܕ ܡܣܪܗܒܐܝܬ ܢܡܘܬܘܢ ܠܝܬ ܠܗܘܢ ܣܒܪܐ܂ ܐܦ ܠܐ ܒܘܝܐܐ/ܒܘܝܐܝܐ#3#/ ܒܝܘܡܐ ܝܕܝܥܐ܂
03:19 [ai]ܫܪܒܬܐ ܓܝܪ ܕܪ̈ܫܝܥܐ ܡܪܝܪ ܣܘܦܗܿ܂

next chapter