← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܫܡܥܘ ܗܟܝܠ ܡ̈ܠܟܐ ܘܐܣܬܟܠܘ܂ ܘܝܠܦܘ ܕܝ̈ܢܐ ܕܣܘ̈ܦܝܗܿ ܕܐܪܥܐ܂
06:02 [ai]ܘܨܘܬܘ ܐܝܠܝܢ ܕܐܚܝܕܝܢ ܣܓܝ܂ ܘܡܬܓܐܝܢ ܒܟܢܫ̈ܐ ܕܥܡ̈ܡܐ܂
06:03 [ai]ܡܛܠ ܕܡܢ ܡܪܝܐ ܐܬܝܗܒ ܐܘܚܕܢܟܘܢ܂ ܘܥܘܫܢܟܘܢ ܡܢ ܪܡܐ/ܪܘܡܐ#3#/ ܗܘ܂ ܘܡܒܩܪ ܥܒ̈ܕܝܟܘܢ܂ ܘܡܚ̈ܫܒܬܟܘܢ ܡܒܨܐ܂
06:04 [ai]ܡܛܠ ܕܡܫܡ̈ܫܢܐ ܗܘܝܬܘܢ ܕܡܠܟܘܬܗ܂ ܘܬܪܝܨܐܝܬ ܠܐ ܕܢܬܘܢ܂ ܘܢܡܘܣܗ ܠܐ ܢܛܪܬܘܢ܂ ܘܐܝܟ ܡܚܫ̈ܒܬܗ ܕܐܠܗܐ ܠܐ ܗܠܟܬܘܢ܂
06:05 [ai]ܕܚܝܠܐܝܬ ܘܒܥܓܠ ܢܩܘܡ ܥܠܝܟܘܢ܀ ܡܛܠ ܕܕܝܢܐ ܕܚܝܠܐ ܒܪ̈ܘܪܒܢܐ ܢܗܘܐ܂
06:06 [ai]ܡܠܟܐ ܓܝܪ ܡܟܝܟܐ ܩܪܝܒ ܠܪ̈ܚܡܝܢ܂ ܘܚܝ̈ܠܬܢܐ ܚܝܠܬܢܐܝܬ ܢܫܬܐܠܘܢ܂
06:07 [ai]ܠܐ ܓܝܪ ܫܩܠ ܒܐ̈ܦܝܢ ܡܪܐ ܟܠ܂ ܘܠܐ ܒܗܬ ܡܢ ܪܒܘܬܐ܂ ܡܛܠ ܕܗܘ ܥܒܕ ܠܪܒܐ ܘܠܙܥܘܪܐ܂ ܘܥܠ ܟܠ ܫܘܝܐܝܬ ܝܨܦ܂
06:08 [ai]ܘܠܚܝ̈ܠܬܢܐ ܡܒܨܐ ܒܫܪܪܐ܂
06:09 [ai]ܠܘܬܟܘܢ ܡ̈ܠܝ ܐܘ ܛܪ̈ܘܢܐ܂ ܕܬܐܠܦܘܢ ܚܟܡܬܐ ܘܠܐ ܬܦܠܘܢ܂
06:10 [ai]ܐܝܠܝܢ ܓܝܪ ܕܪܚܡܝܢ ܚܣܝܘܬܐ ܚܣܝܐܝܬ ܢܬܚܣܘܢ܂ ܘܐܝܠܝܢ ܕܝܠܦܝܢ ܠܗܿ ܢܫܟܚܘܢ ܦܐܝܘܬܐ܂
06:11 [ai]ܐܬܪܓܪܓܘ ܗܟܝܠ ܠܡ̈ܠܝ܂ ܘܪܚܡܘ ܐܢܝ̈ܢ ܘܬܬܪܕܘܢ܂
06:12 [ai]ܢܗܝܪܐ ܗܝ ܘܠܐ ܡܬܚܒܠܐ ܚܟܡܬܐ܂ ܘܕܠܝܠܐܝܬ ܡܬܚܙܝܐ ܡܢ ܐܝܠܝܢ ܕܪܚܡܝܢ ܠܗܿ܂ ܘܡܬܚܘܝܐ ܡܢ ܐܝܠܝܢ ܕܒܥܝܢ ܠܗܿ܂
06:13 [ai]ܘܡܬܓܠܝܐ ܠܐܝܠܝܢ ܕܪܓܝܢ ܠܡܒܥܝܗܿ܂
06:14 [ai]ܘܠܐ ܢܠܐܐ ܐܝܢܐ ܕܡܩܕܡ ܠܘܬܗܿ܂ ܚܦܝܛܐܝܬ ܓܝܪ ܡܫܟܚ ܠܗܿ ܕܩܝܡܐ ܥܠ ܬܪܥܗ܂
06:15 [ai]ܕܐܢܫ ܓܝܪ ܢܬܚܫܒ ܥܠܝܗܿ܂ ܚܟܡܬܐ ܗܝ ܡܫܟܠܠܬܐ܂ ܘܐܝܠܝܢ ܕܫܗܪܝܢ ܡܛܠܬܗܿ܂ ܒܥܓܠ ܕܠܐ ܨܦܬܐ ܢܗܘܘܢ܂
06:16 [ai]ܡܛܘܠ ܕܠܐܝܠܝܢ ܕܫܘܝܢ ܠܗܿ܂ ܗܝ ܐܬܝܐ ܣܥܪܐ ܠܗܘܢ܂ ܘܒܫ̈ܒܝܠܐ ܡܬܚܙܝܐ ܠܗܘܢ ܘܐܡܝܢܐ܂ ܘܒܟܠ ܡܚܫ̈ܒܢ ܐܪܥܐ ܠܗܘܢ܂
06:17 [ai]ܪܝܫ ܪܓܬܗܿ ܓܝܪ ܩܘܫܬܐ ܘܡܪܕܘܬܐ܂
06:18 [ai]ܘܪܢܝܗܿ ܕܡܪܕܘܬܐ ܚܘܒܐ܂ \ܚܘܒܐ ܕܝܢ /ܘܚܘܒܐ#3#/ ܢܛܪܐ ܕܢܡܘܣܗܿ܂ ܘܣܘܟܠܗ ܕܢܡܘܣܗܿ܂ ܫܪܪܐ ܕܠܐ ܡܬܚܒܠ܂
06:19 [ai]ܘܥܒ̈ܕܐ ܕܠܐ ܚܒܠܐ ܡܩܪܒܝܢ ܠܘܬ ܐܠܗܐ܂
06:20 [ai]ܪܓܬܐ ܓܝܪ ܕܚܟܡܬܐ ܡܣܩܐ ܠܡܠܟܘܬܐ܂
06:21 [ai]ܐܢ ܪܓܝܢ ܐܢܬܘܢ ܠܟܘܪ̈ܣܘܬܐ ܘܠܫܒ̈ܛܐ ܕܡܠܟܘܬܐ܂ ܐܘ ܛܪ̈ܘܢܐ ܕܥܡܐ܂ ܝܩܪܘ ܠܚܟܡܬܐ ܕܬܡܠܟܘܢ ܠܥܠܡ܂
06:22 [ai]ܡܢܐ ܗܝ ܚܟܡܬܐ ܘܐܝܟܢܐ ܗܘܬ ܐܢܐ ܐܡܪ܂ ܘܠܐ ܐܟܣܐ ܡܢܟܘܢ ܪ̈ܐܙܐ܂ ܘܕܡܢ ܩܕܡ ܒܪ̈ܝܬܐ ܐܥܩܒ܂ ܘܐܣܝܡ ܓܠܝܐܝܬ ܝܕܥܬܗܿ܂ ܘܠܐ ܐܥܒܪ ܡܢ ܬܪܝܨܬܐ/ܬܪܝܨܘܬܐ#3#/܂
06:23 [ai]ܘܠܐ ܐܗܠܟ ܒܚܣܡܐ܂ ܡܛܠ ܕܗܢܐ ܠܐ ܡܫܬܘܬܦ ܒܚܟܡܬܐ܂
06:24 [ai]ܘܣܘܓܐܗܘܢ/ܘܒܣܘܓܐܗܘܢ#3#/ ܕܚ̈ܟܝܡܐ ܚܝ̈ܘܗܝ ܐܢܘܢ ܕܥܠܡܐ܂ ܘܡܠܟܐ ܚܟܝܡܐ ܡܩܝܡ ܥܡܐ܂
06:25 [ai]ܐܬܪܕܘ ܗܟܝܠ ܒܡ̈ܠܝ ܘܬܐܪܬܘܢ/ܕܬܐܪܬܘܢ#3#/ ܚ̈ܝܐ܂

next chapter