The Comprehensive Aramaic Lexicon

08:01 [ai]	ܦܫܛܐ ܓܝܪ ܢܦܫܗܿ ܡܢ ܣ̈ܘܦܐ ܘܥܕܡܐ ܠܣܘ̈ܦܐ ܫܪܝܪܐܝܬ܂ ܘܡܬܕܒܪܐ ܥܡ ܟܠ ܡܕܡ ܒܣܝܡܐܝܬ܂
08:02 [ai]	ܠܗܕܐ ܪܚܡܬ ܘܒܥܝܬܗܿ ܡܢ ܛܠܝܘܬܝ܂ ܘܒܥܝܬ ܕܐܥܒܕܝܗܿ ܠܝ ܠܟܠܬܐ܂ ܡܛܠ ܕܐܢܐ ܪܓܬ ܠܫܘܦܪܗܿ܂
08:03 [ai]	ܚܕܘܬܐ ܘܬܫܒܘܚܬܐ ܕܐܠܗܐ ܒܫܘܬܦܘܬܗܿ܂ ܡܛܠ ܕܐܠܗܐ ܗܘ ܐܒܘܗܿ܂ ܘܡܪܐ ܟܠ ܪܚܡܗܿ܂
08:04 [ai]	ܡܛܠ ܕܗܝ ܗܝ ܒܪܬ ܪܐܙܗ ܕܐܠܗܐ ܘܒܪܬ ܡܠܼܟܗ܂ ܘܫܘܒܚܐ ܕܟܠܗܘܢ ܥܒܕܘܗܝ܂
08:05 [ai]	ܐܢ ܐܝܬ ܥܘܬܪܐ ܕܡܪܓܪܓ/ܕܡܓܪܓ#3#/ ܒܩܢܝܢܗ ܕܥܠܡܐ܂ ܡܢܐ ܥܬܝܪ/ܝܬܝܪ#3#/ ܡܢ ܚܟܡܬܐ ܕܗܝ ܥܒܕܬ ܟܠ ܡܕܡ܂
08:06 [ai]	ܐܢ ܨܢܝܥܘܬܐ ܒܥܐ ܐܢܫ ܕܢܥܒܕ܂ ܡܢܘ ܐܝܬ ܕܐܘܡܢ ܡܢܗܿ܂
08:07 [ai]	ܘܐܢ ܙܕܝܩܘܬܐ ܐܢܫ ܪܚܡ܂ ܠܘܬܗܿ ܐܝܬܝܗܿ ܬܡܝܗܐ܂ ܚܟܡܬܐ ܓܝܪ ܢܟܦܘܬܐ ܡܠܦܐ܂ ܘܙܕܝܩܘܬܐ ܘܓܢܒܪܘܬܐ܂ ܠܝܬ ܡܕܡ ܒܥܠܡܐ ܕܛܒ ܡܢܗܿ ܠܒܢ̈ܝ ܐܢܫܐ܂
08:08 [ai]	ܘܐܢ ܨܒܐ ܐܢܫ ܕܣܓܝ ܢܗܘܐ ܝܕܥ܂ ܝܕܥܐ ܗܝ ܩܕܡܝ̈ܬܐ ܘܕܥܬ̈ܝܕܢ ܗܝ ܒܕܩܐ܂ ܝܕܥܐ ܗܝ ܗܘܦܟܝ̈ܗܝܢ ܕܡ̈ܠܐ ܘܫܘܪ̈ܝܗܝܢ ܕܟܣ̈ܝܬܐ܂ ܐ̈ܬܘܬܐ ܘܬܡ̈ܝܗܬܐ ܡܩܕܡܐ ܝܕܥܐ܂ ܘܡܦܩܢܗܘܢ ܕܙܒ̈ܢܐ ܘܕܥ̈ܕܢܐ܂
08:09 [ai]	ܠܗܕܐ ܓܒܝܬ ܠܝ ܫܘܬܦܬܐ/ܠܫܘܬܦܬܐ#3#/܂ ܕܝܕܥܬ ܕܗܘܝܐ ܠܝ ܡܠܘܟܬܐ ܕܛܒ̈ܬܐ܂ ܘܡܥܒܪܐ ܡܢܝ ܨܦܬܐ ܘܥܩܬܐ܂
08:10 [ai]	ܗܘܬ ܠܝ ܠܬܫܒܘܚܬܐ ܒܥܡ̈ܡܐ ܣܓ̈ܝܐܐ܂ ܘܠܐܝܩܪܐ ܡܢ ܩܫܝܫ̈ܐ ܒܛܠܝܘܬܝ܂
08:11 [ai]	ܥܒܕܬܢܝ ܚܪܝܦ ܒ̈ܕܝܢܐ܂ ܘܒܐ̈ܦܝ ܚܝ̈ܠܬܢܐ ܬܡܝܗܐ܂
08:12 [ai]	ܟܕ ܫܬܝܩ ܐܢܐ ܠܝ ܡܣܟܝܢ܂ ܘܡܐ ܕܦܬܚܬ ܦܘܡܝ ܠܝ ܚܝܪܝܢ܂ ܘܡܐ ܕܡܠܠܬ ܝܬܝܪܐܝܬ ܣܝܡܝܢ ܐ̈ܝܕܝܗܘܢ ܥܠ ܦܘܡܗܘܢ܂
08:13 [ai]	ܡܛܠܬܗܿ ܠܐ ܡܐܬ ܐܢܐ܂ ܘܕܘܟܪܢܐ ܕܠܥܠܡ ܠܐܝܠܝܢ ܕܡܢ ܒܬܪܝ ܫܒܩ ܐܢܐ܂
08:14 [ai]	ܐܕܒܪ ܠܥܡ̈ܡܐ ܘܫܪ̈ܒܬܐ ܢܫܬ̈ܥܒܕܢ ܠܝ܂
08:15 [ai]	ܢܫܡܥܘܢ ܛܪ̈ܘܢܐ ܘܢܕܚܠܘܢ܂ ܘܚܣܝܢܐܝܬ ܢܬܪܕܘܢ܂ ܒܣ̈ܓܝܐܐ ܡܬܚܙܐ ܐܢܐ ܛܒ/ܕܛܒ#3#/܂ ܘܒܩܪ̈ܒܐ ܓܢܒܪܐ ܐܢܐ܂
08:16 [ai]	ܘܡܐ ܕܥܠܬ ܠܒܝܬܝ܂ ܡܬܢܝܚ ܐܢܐ ܥܠܝܗܿ ܕܚܟܡܬܐ܂ ܕܠܝܬ ܡܪܪܐ ܒܗܘ̈ܦܟܝܗܿ܂ ܘܠܐ ܚܒܠܐ ܒܫܘܬܦܘܬܗܿ܂ ܐܠܐ ܒܘܣܡܐ ܘܚܕܘܬܐ܂
08:17 [ai]	ܗܠܝܢ ܐܬܚܫܒܬ ܒܢܦܫܝ ܘܝܨܦܬ ܒܠܒܝ ܕܚ̈ܝܐ ܐܝܬ ܒܚܝܢܘܬܗܿ ܕܚܟܡܬܐ܂
08:18 [ai]	ܘܒܘܣܡܐ ܛܒܐ ܒܪܚܡܘܬܗܿ܂ ܘܒܠܐܘܬܐ ܕܥܒܕ ܐܝ̈ܕܝܗܿ ܥܘܬܪܐ ܕܠܐ ܓܡܪ܂ ܘܒܕܪܫܐ ܕܡ̈ܠܝܗܿ ܐܝܕܥܬܐ ܘܝܐܝܘܬܐ܂ ܘܒܫܘܬܦܘܬܐ ܕܚ̈ܘܫܒܝܿܗ ܫܪܪܐ ܕܠܐ ܡܬܕܓܠ܂ ܚܕܪܬ ܘܒܥܝܬ ܕܐܣܒܝܗܿ ܠܝ ܠܢܦܫܝ܂
08:19 [ai]	ܛܠܝܐ ܗܘܝܬ ܢܗܝܪܐ܂ ܘܫܩܠܬ ܢܦܫܐ ܛܒܬܐ܂
08:20 [ai]	ܘܡܛܠ ܛܝܒܘܬܝ ܐܬܝܬ ܠܦܓܪܐ ܢܩܕܐ܂
08:21 [ai]	ܝܕܥܬ ܕܡܢ ܕܠܐ ܡܫܟܚ ܐܢܐ ܕܐܟܒܫ ܢܦܫܝ܂ ܐܠܐ ܐܢ ܐܠܗܐ ܢܬܠ ܠܝ܂ ܘܗܕܐ ܗܝ ܢܗܝܪܘܬܐ܂ ܕܢܕܥ ܐܢܫ ܕܡܿܢ/ܕܡܢܐ#3#/ ܗܝ ܛܝܒܘܬܐ܂ ܫܐܠܬ ܡܢ ܡܪܝܐ ܘܒܥܝܬ ܡܢܗ܂ ܘܡܢ ܟܠܗ ܠܒܝ ܐܡܪܬ ܠܗ܂

next chapter