← Back
The Comprehensive Aramaic Lexicon
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܐܘ ܟܕ ܢܦܩ ܠܡܪܕܐ ܒܐܠܦܐ ܒܝܡܐ ܥܠ ܓ̈ܠܠܐ ܬܡ̈ܝܗܐ܂ ܡܨܠܐ ܘܒܥܐ ܡܢ ܩܝܣܐ ܒܩܝܩܐ܂ ܕܒܩܝܩ ܡܢ ܐܠܦܐ ܕܛܥܝܢܐ ܠܗ ܕܢܥܕܪܝܘܗܝ܂
14:02 [ai]ܘܗܝ ܥܒܝܕܐ ܗܘܬ ܥܠ ܚܘܫܒܢ ܬܐܓܘܪܬܐ܂ ܕܐܘܡܢܐ ܒܚܟܡܬܗ ܥܒܕܗ܂
14:03 [ai]ܘܐܢܬ ܐܒܐ ܒܪܝܬ ܟܠ ܡܕܡ ܒܚܟܡܬܟ ܘܒܝܨܝܦܘܬܟ܂ ܘܝܗܒܬ ܐܘܪܚܐ ܒܝܡܐ܂ ܘܥܠ ܓ̈ܠܠܐ ܫܒ̈ܝܠܐ ܫܪ̈ܝܪܐ/ܫܦܝܪ̈ܐ#3#/܂
14:04 [ai]ܕܬܚܘܐ/ܘܬܚܘܐ#3#/ ܕܡܢ ܟܠ ܡܫܟܚ ܐܢܬ ܠܡܚܝܘ ܘܠܡܦܪܩ܂ ܕܒܐܘܡܢܘܬܐ ܟܠ ܡܕܡ ܢܬܥܒܕ܂
14:05 [ai]ܡܛܠ ܕܐܢܬ ܗܘ ܨܒܝܬ ܘܥܒܕܬ ܟܘܠ ‍<‍ܡܕܡ#2#‍>‍ ܘܚܟܡܬܟ ܠܐ ܒܛܠܐ ܡܢ ܥܒ̈ܕܐ܂ ܡܛܠ ܗܢܐ ܝܗܒܬ ܠܒ̈ܢܝ ܐܢܫܐ ܕܢܬܗܝ̈ܡܢܢ ܢܦܫܬ̈ܗܘܢ ܒܩܝܣܐ ܙܥܘܪܐ܂ ܘܥܒܪܘ ܥܠ ܓ̈ܠܠܐ ܥܫܝ̈ܢܐ ܘܚܝܘ܂
14:06 [ai]ܡܢ ܒܪܫܝܬ ܓܝܪ ܐܒܕܘ܂ ܘܥܒܪܘ ܓܢܒܪ̈ܐ ܓܒ̈ܝܐ܂ ܕܗܘܐ/ܘܗܘܐ#3#/ ܣܒܪܗܘܢ ܕܢܬܝܬܒܘܢ ܒܥܠܡܐ܂ ܥܪܩܘ ܘܠܐ ܫܒܩܘ ܠܥܠܡ ܙܪܥܐ ܕܡܘܠܕܐ܂ ܕܝܠܟ ܗܝ ܗܕܐ ܡܕܒܪܢܘܬܐ ܕܒܪܝܬ܂
14:07 [ai]ܡܒܪܟ ܗܘ ܩܝܣܐ ܕܙܕܝܩܐ ܡܢܗ ܡܬܚܙܐ܂
14:08 [ai]ܥܒܕ ܐ̈ܝܕܝܐ ܕܝܢ ܠܝܛ ܗܘ ܗܘ ܘܥܒܘܕܗ܂ ܕܥܒܕ ܥܒܕܐ ܕܚܒܠܐ܂ ܘܐܠܗܐ ܩܪܝܗܝ/ܒܪܝܗܝ#3#/܂
14:09 [ai]ܘܗܘ ܠܐܠܗܐ ܣܢܐ ܪܫܝܥܐ ܘܪܘܫܥܗ܂
14:10 [ai]ܘܥܒܕܐ ܘܥܒܘܕܗ ܐܟܚܕܐ ܢܬܚܝܒܘܢ܂
14:11 [ai]ܡܛܠ ܗܢܐ ܘܐܦ ܒܦܬܟܪ̈ܐ ܕܥܡ̈ܡܐ ܗܘܝܐ ܦܘܪܥܢܘܬܐ܂ ܡܛܠ ܕܒܪܝܬܗ ܐܢܘܢ ܕܐܠܗܐ܂ ܘܥܒܕܘ ܐܢܘܢ ܠܛܢܦܘܬܐ ܘܠܬܘܩܠܬܐ ܕܢܦܫ̈ܬܐ ܕܒܢ̈ܝ ܐܢܫܐ܂ ܘܡܨ̈ܝܕܬܐ ܠܪ̈ܓܠܝܗܘܢ ܕܒܢ̈ܝ ܐܢܫܐ ܣܟ̈ܠܐ܂
14:12 [ai]ܪܝܫܗܿ ܓܝܪ/ܕܝܢ#3#/ ܕܙܢܝܘܬܐ ܡܚܫܒܬܐ ܕܦܬܟܪ̈ܐ܂ ܘܚܒܠܐ ܐܢܘܢ ܠܐܝܠܝܢ ܕܚܝ̈ܝܢ܂
14:13 [ai]ܠܐ ܗܘܐ ܡܢ ܪܫܝܬܐ ܗܘܘ܂ ܐܦ ܠܐ ܠܥܠܡ ܡܩܘܝܢ܂
14:14 [ai]ܪܒܘܬ ܟܪܣܐ ܓܝܪ ܕܐܢܫܐ ܥܠܬ ܠܥܠܡܐ܂ ܡܛܠ ܗܢܐ ܒܦܣܝ̈ܩܬܐ ܗܘܐ ܫܘܠܡܐ܂
14:15 [ai]ܩܘܪܒܢܐ ܓܝܪ ܕܐܒܠܐ܂ ܢܣܒ ܐܒܐ ܒܙܘܥܬܐ ܕܚܝ̈ܘܬܐ܂ ܘܐܦ ܒܪܗ ܢܫܬܩܠ܂ ܕܥܒܕ ܨܘܪܬܐ ܠܒܪܢܫܐ ܕܗܝܕܝܢ ܗܘܐ ܡܝܬܐ܂ ܘܥܒܕܗ ܗܫܐ ܦܚܡܐ ܕܐܠܗܐ܂ ܘܝܗܒ ܠܐܝܠܝܢ ܕܬܚܝܬ ܐܝܕܗ ܐܢܘܢ ܪ̈ܐܙܐ ܕܬܫ̈ܡܫܬܐ܂
14:16 [ai]ܟܪܟ ܪܘܫܥܐ ܘܐܬܚܝܠ ܡܣܬ ܙܒܢܐ܂ ܘܝܘܠܦܢܐ ܐܝܟ ܢܡܘܣܐ ܢܛܪܗ܂ ܘܒܦܘܩܕܢܗܘܢ ܕܛܪ̈ܘܢܐ ܫܡܫܘ ܠܓܠܝ̈ܦܐ܂
14:17 [ai]ܡܛܠ ܕܠܐ ܡܫܟܚܝܢ ܗܘܘ ܒܐ̈ܦܝܢ ܕܢܝܩܪܘܢ ܠܒܪܢܫܐ ܕܥܡܪ ܒܪܘܚܩܐ܂ ܥܒܕܘ ܠܗܘܢ ܨܘܪܬܐ ܠܐܝܠܝܢ ܕܥܡܪܝܢ ܒܪܘܚܩܐ܂ ܨܘܪܬܐ ܝܕܝܥܬܐ ܠܐܝܩܪܗ ܕܡܠܟܐ܂ ܕܢܗܘܘܢ ܡܬܟܫܦܝܢ ܠܪܚܝܩܐ ܐܝܟ ܕܠܩܪܝܒܐ܂ ܒܟܠܗܿ ܚܦܝܛܘܬܐ ܕܡܘܠܕܐ܂
14:18 [ai]ܘܐܦ ܠܐܝܢܐ ܕܠܐ ܝܕܥ ܠܗ܂ ܘܕܢܗܘܐ ܡܫܡܫ ܠܗܘ ܕܐܟܘܬܗ ܗܘ܂ ܐܘܡܢܘܬܗ ܕܐܘܡܢܐ ܠܒܒܬܗ܂
14:19 [ai]ܗܿܘ ܓܝܪ ܕܐܚܝܕ ܘܨܒܐ ܕܢܫܦܪ ܠܗ܂ ܐܢܣ ܐܘܡܢܘܬܗ ܕܢܥܒܕ ܠܗ ܫܘܦܪܐ ܕܡܝܬܪ܂
14:20 [ai]ܘܟܠ ܟܢ̈ܫܐ ܪܗܛܘ ܡܛܘܠ ܫܘܦܪܗ ܕܥܒܕܐ܂ ܕܡܢ ܩܕܡ/ܘܡܢ ܩܕܡ#3#/ ܩܠܝܠ ܥܒܕܗ ܣܓܕܬܐ ܠܗܿܘ ܕܝܩܪܗ ܒܪ ܐܢܫܐ܂
14:21 [ai]ܗܘ ܗܢܐ ܗܘܐ ܠܚܘܣܪܢܐ ܒܥܘܡܪܐ܂ ܕܐܫܬܥܒܕܘ ܒܢ̈ܝ ܐܢܫܐ ܠܥܒܕܘܬܐ܂ ܡܛܠ ܫܘܦܪܐ ܘܚܝܠܐ܂ ܘܩܪܝܬܘܢ ܫܡ̈ܗܐ ܠܟܐ̈ܦܐ ܘܠܩܝ̈ܣܐ ܠܗܢܘܢ ܕܠܐ ܗܘܘ ܫ̈ܘܬܦܝܢ ܒܗ܂
14:22 [ai]ܘܠܐ ܣܦܩ ܗܘܐ ܠܟܘܢ ܕܠܐ ܝܕܥܬܘܢ ܠܐܠܗܐ܂ ܐܠܐ ܥܒܕܬܘܢ ܩܪܒܐ ܠܡܥܒܕ ܫܡܐ ܕܠܐ ܒܐܝܕܥܬܐ ܠܒܝܫܬܐ܂
14:23 [ai]ܘܫܡܫܬܘܢ ܐܢܘܢ ܘܩܛܠܬܘܢ ܒ̈ܢܝܟܘܢ܂ ܘܥܒܕܬܘܢ ܪ̈ܐܙܐ ܟܣ̈ܝܐ܂ ܘܐܫܬܛܝܬܘܢ ܒܬ̈ܘܩܢܐ ܐܚܪ̈ܢܐ ܕܨܒ̈ܘܬܐ ܕܥܠܡܐ܂
14:24 [ai]ܕܡܛܠܬܗܘܢ ܠܐ ܥܘܡܪܟܘܢ ܘܠܐ ܡܫܬ̈ܘܬܟܘܢ ܗ̈ܘܝ ܕܟܝ̈ܢ܂ ܘܐܦ ܠܐ ܡܬܢܛܪ̈ܢ/ܡܢܛܪ̈ܢ#3#/܂ ܘܚܕ ܠܚܕ ܒܢܟܠܐ ܩܛܠ ܚܒܪܗ܂ ܘܒܪܡܝܘܬܐ ܡܚܒܠ ܠܗ܂ ܘܒܪ ܐܘܡܢܘܬܗ ܡܚܒܠ ܠܗ܂
14:25 [ai]ܟܘܠ ܡܕܡ ܓܝܪ ܡܚܠܛ ܗܘܐ܂ ܕܡܐ ܘܩܛܠܐ܂ ܘܓܢܒܘܬܐ/ܘܓܢܒܪܘܬܐ#2#/ ܘܢܟܠܐ܂ ܘܣܘܪܚܢܐ ܘܙܥܘܪܘܬ ܗܝܡܢܘܬܐ܂ ܘܫܓܝܫܬܐ ܘܡܘ̈ܡܬܐ ܕܫܘܩܪܐ܂ ܟܠܗܝܢ ܗܠܝܢ ܛܘܪܦܐ ܐ̈ܢܝܢ ܠܦܠܚ̈ܝܗܝܢ܂
14:26 [ai]ܕܠܐ ܢܬܕܟܪܘܢ ܛܝܒܘܬܐ/ܛܢܦܘܬܐ#3#/ ܘܢܛܢܦܘܢ ܢܦܫ̈ܬܐ܂ ܘܢܚܠܦܘܢ ܠܐܝ̈ܠܝܕܐ/ܠܝ̈ܠܕܐ#3#/ ܡܫܬ̈ܘܬܗܘܢ ܕܠܐ ܒܛܟܣܐ ܓܘܪܐ ܘܛܢܦܘܬܐ
14:27 [ai]ܕܕܘܒܪ̈ܐ ܕܦܬܟܪ̈ܝܗܘܢ ܐ̈ܒܝܕܝ ܫܡ̈ܗܐ܂ ܘܬܫܡܫܬܗܘܢ ܪܝܫܐ ܕܟܘܠܗܿ ܒܝܫܬܐ܂
14:28 [ai]ܘܥܠܬܐ ܗܝ ܕܚܒܠܐ܂ ܐܢ ܒܣܡܝܢ ܡܬܛܢܦܝܢ܂ ܘܐܢ ܡܬܢܒܝܢ ܢܕܓܠܘܢ܂ ܘܐܢ ܚܝܝܢ ܢܛܠܡܘܢ܂ ܘܐܢ ܢܐܡܘܢ ܒܕܓܠܘܬܐ ܠܐ ܢܫܪܘܢ܂
14:29 [ai]ܕܗܢܘܢ/ܗܢܘܢ#3#/ ܬܟܝܠܝܢ/ܕܬܟܝܠܝܢ#3#/ ܥܠ ܦܬܟܪ̈ܐ ܕܠܝܬ ܒܗܘܢ ܚܫܚܘ܂ ܘܝܡܘ ܒܝܫܐܝܬ܂ ܘܠܐ ܣܒܪܝܢ ܕܗܘܝܐ ܡܢܗܘܢ ܦܘܪܥܢܘܬܐ܂
14:30 [ai]ܬܪ̈ܬܝܢ ܢܐܬ̈ܝܢ ܥܠܝܗܘܢ ܒܩܘܫܬܐ܂ ܥܠ ܕܐܬܚܫܒܘ ܒܝܫܐܝܬ ܥܠ ܐܠܗܐ܂ ܘܚܪܘ ܒܦܬܟܪ̈ܐ ܘܝܡܘ ܒܛܠܘܡܝܐ ܒܨܝܪ̈ܐ܂ ܘܒܣܘ ܥܠ ܩܘܫܬܐ܂
14:31 [ai]ܠܐ ܗܘܐ ܗܢܐ ܚܝܠܐ ܕܦܘܪܥܢܘܬܐ \ܡܛܠ ܡ̈ܘܡܬܐ܂ ܐܠܐ ܦܘܪܥܢܐ ܠܚܛܝܬܐ ܕܚ̈ܛܝܐ /ܐܠܐ ܦܘܪܥܢܘܬܐ ܕܚܛܝ̈ܐ#3#/܂ ܘܚܝܒܘܬܐ ܗܘ ܠܛܠܘ̈ܡܐ ܒܡܕܡ/ܡܕܡ#3#/ ܕܥܒܕܘ܂

next chapter