← Back
The Comprehensive Aramaic Lexicon
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܡܛܠ ܗܢܐ ܐܬܢܩܡ ܡܢܗܘܢ ܐܝܟ ܡܐ ܕܫܘܝܢ ܗܘܘ܂ ܕܒܟܠܗ ܪܚܫܐ ܘܫܪܨܐ ܐܬܢܓܕܘ܂
16:02 [ai]ܘܥܒܕܬ ܛܒܬ̈ܐ ܣ̈ܓܝܐܬܐ ܥܡ ܥܡܟ܂ ܘܡܐܟܘܠܬܐ ܐܟܣܢܝܬܐ ܐܝܬܝܬ ܠܗܘܢ ܠܪܓܬܗܘܢ܂ ܘܬܪܒܝܬܐ ܕܣܠܘܝ ܐܝܬܝܬ ܠܗܘܢ ܠܪܓܬܗܘܢ܂
16:03 [ai]ܘܠܡܐܟܘܠܬܐ ܐܬܪܓܪܓܘ ܘܫܕܪܬ ܠܗܘܢ܂ ܘܒܪ̈ܓܝܓܬܗܘܢ ܐܬܗܦܟܘ܂ ܘܗܢܘܢ ܩܠܝܠ ܒܥܝܢ ܗܘܘ܂ ܘܐܬܚܫܚܘ ܒܡܐܟܘܠܬܐ ܕܠܐ ܝܕܥܝܢ ܗܘܘ ܘܐܬܚܝܠܘ܂ ܘܠܐ ܐܥܒܪܬ ܡܢܗܘܢ ܡܕܡ ܕܡܬܒܥܐ ܠܗܘܢ܂
16:04 [ai]ܘܠܗܢܘܢ ܫܕܪܬ ܡܛܠ ܪܛܘܢܘܬܗܘܢ ܘܡܛܠ ܛܪܘܢܘܬܗܘܢ܂ ܟܦܢܐ ܘܡܣܟܢܘܬܐ܂ ܘܠܗܠܝܢ/ܘܠܗܢܘܢ#3#/ ܚܘܝܬ ܕܢܓܕܬ ܠܣ̈ܢܐܝܗܘܢ܂
16:05 [ai]ܘܐܝܬܝܬ ܥܠܝܗܘܢ ܚܡܬܐ ܕܚ̈ܘܘܬܐ܂ ܘܢܟܬܘ ܐܢܘܢ ܚܘ̈ܘܬܐ ܒܣܘܪܚܢܐ܂ ܘܠܐ ܗܘܐ ܠܣܘܦܐ ܗܘܐ ܪܘܓܙܐ܂
16:06 [ai]ܐܠܐ ܠܡܪܕܘܬܐ܂ ܩܠܝܠ ܐܬܪܕܝܘ܂ ܕܢܬܕܟܪܘܢ ܚ̈ܝܐ ܒܦܘܩܕܢܗ/ܦܘܩܕܢܗ#3#/ ܕܢܡܘܣܟ܂
16:07 [ai]ܕܗܢܐ ܕܬܒ܂ ܠܐ ܗܘܐ ܡܛܠ ܕܚܙܐ ܚܝܠܐ ܚܝܐ ܗܘܐ܂ ܐܠܐ ܡܛܠܬܟ ܕܐܢܬ/ܘܐܢܬ#3#/ ܗܘ ܡܐܚܝܢܐ/ܡܢܝܚܢܐ#3#/ ܕܟܠ܂
16:08 [ai]ܘܒܗܠܝܢ ܐܦܝܣܬ ܠܣ̈ܢܐܝܢ܂ ܕܐܢܬ ܗܘ ܕܦܪܩ ܡܢ ܟܠ ܒܝܫ̈ܬܐ܂
16:09 [ai]ܠܗܢܘܢ ܓܝܪ ܩܡ̈ܨܐ ܘܕܒ̈ܒܐ ܡܢܟܬܝܢ ܗܘܘ ܠܗܘܢ ܘܡܝܬܝܢ ܗܘܘ܂ ܘܠܐ ܗܘܬ ܐܣܝܘܬܐ ܠܢܦܫ̈ܬܗܘܢ܂ ܡܛܠ ܕܫܘܝܢ ܗܘܘ ܕܒܗܠܝܢ ܢܬܢܩܡ ܡܢܗܘܢ܂
16:10 [ai]ܒܢܝܟ ܕܝܢ ܨܡܘܪܬܐ ܕܬܢܝ̈ܢܐ ܘܠܪ̈ܫܝܗܘܢ ܙܟܝܢ ܗܘܘ܂ ܕܛܝܒܘܬܟ/ܛܝܒܘܬܟ#3#/ ܫܕܪܬ ܘܐܣܝܬ ܐܢܘܢ܂
16:11 [ai]ܘܕܢܬܕܟܪܘܢ ܡ̈ܠܝܟ ܕܦܨܝܬ ܐܢܘܢ܂ ܘܐܣܬܪܗܒܬ ܐܢܝܚܬ ܐܢܘܢ܂ ܕܠܐ ܢܦܠܘܢ ܠܥܘܡܩܐ ܘܢܛܥܘܢܟ ܕܫܘܝܢ ܗܘܘ ܠܛܒ̈ܬܟ܂
16:12 [ai]ܡܛܠ ܕܠܐ ܥܩܪ̈ܐ ܘܠܐ ܡܠܓܡ̈ܐ ܐܣܝܘ ܐܢܘܢ܂ ܐܠܐ ܡܠܬܟ ܡܪܝܐ ܕܗܝ ܡܐܣܝܐ ܠܟܠ܂
16:13 [ai]ܡܛܠ ܕܐܢܬ ܫܠܝܛ ܐܢܬ ܒܡܘܬܐ ܘܒܚ̈ܝܐ܂ ܡܚܬ ܐܢܬ ܠܬܪ̈ܥܐ ܕܫܝܘܠ ܘܡܣܩ ‍<‍ܐܢܬ#3#‍>‍܂
16:14 [ai]ܓܒܪܐ ܓܝܪ/ܕܝܢ#3#/ ܩܛܝܠ ܒܒܝܫܬܗ܂ ܘܢܦܩܐ ܪܘܚܐ ܘܠܐ ܬܝܒܐ܂ ܘܠܐ ܗܦܟܐ ܢܦܫܐ ܕܡܬܢܣܒܐ܂
16:15 [ai]ܘܐܢܫ ܠܐ ܡܫܟܚ ܠܡܬܦܨܝܘ ܡܢ ܐ̈ܝܕܝܢ܂
16:16 [ai]ܪ̈ܫܝܥܐ ܓܝܪ ܕܟܦܪܘ ܒܟ܂ ܒܚܝܠܗ ܕܕܪܥܟ ܢܓܕܬ ܐܢܘܢ܂ ܘܚܠܦܬ ܠܗܘܢ ܡܛܪܐ ܒܟܐ̈ܦܐ ܕܒܪܕܐ܂ ܘܕܠܐ ܡܦܨܝܢܐ ܪܕܦܬ ܐܢܘܢ܂ ܘܒܢܘܪܐ ܐܣܝܦܬ ܐܢܘܢ܂
16:17 [ai]ܘܒܬܫܒܘܚܬܟ ܪܒܬܐ ܡ̈ܝܐ ܠܐ ܕܥܟܘܗܿ܀ ܘܗܕܐ ܗܝ ܡܝܬܪܘܬܐ܂ ܕܒܡ̈ܝܐ ܡܕܥ̈ܟܝ ܢܘܪܐ܂ ܝܬܝܪܐܝܬ ܡܬܓܘܙܠܐ ܗܘܬ ܢܘܪܐ܂ ܡܛܠ ܕܟܠܗܿ ܒܪܝܬܐ ܡܣܝܥܐ ܠܙܕܝ̈ܩܐ ܒܩܪܒܐ܂
16:18 [ai]ܘܟܕ ܨܒܐ ܐܢܬ܂ ܡܬܛܦܝܣܐ ‍<‍ܠܟ#3#‍>‍ ܢܘܪܐ ܕܠܐ ܬܘܩܕ܂ ܚ̈ܝܘܬܐ ܕܫܕܪܬ ܥܠ ܪ̈ܫܝܥܐ܂ ܕܗܢܘܢ ܟܕ ܚܙܘ ܗܝܡܢܘ܂ ܕܒܕܝܢܗ ܕܐܠܗܐ ܡܬܕܝܢܝܢ܂
16:19 [ai]ܘܟܕ ܨܒܝܬ ܝܩܕܐ ܢܘܪܐ ܒܡ̈ܝܐ ܘܡܬܓܘܙܠܐ܂ ܕܬܘܩܕ ܦܐܪ̈ܐ ܕܐܪܥܗܘܢ ܕܛܠܘ̈ܡܐ܂
16:20 [ai]ܘܐܢܬ ܐܘܟܠܬ ܠܥܡܟ ܡܐܟܘܠܬܐ ܕܡܠܐ̈ܟܐ܂ ܘܠܚܡܐ ܡܛܝܒܐ ܡܢ ܫܡܝܐ ܝܗܒܬ ܠܗܘܢ ܕܠܐ ܠܐܘܬܐ܂ ܒܣܝܡ ܡܢ ܟܘܠܗܿ ܚܠܝܘܬܐ܂ ܘܛܥܝܡ ܡܢ ܟܠܗܘܢ ܛܥܘ̈ܡܐ܂
16:21 [ai]ܘܬܘ̈ܩܢܝܟ ܝܗܒܬ ܠܒ̈ܢܝܟ ܚܠܝܘܬܐ ܓܠܝܐܝܬ܂ ܘܐܝܟ ܪ̈ܓܝܓܬܗܘܢ ܫܡܫܬ ܐܢܘܢ܂ ܘܐܝܟ ܨܒܝܢܗ ܕܐܢܫ ܡܬܡܙܓܐ ܗܘܬ ܠܗ܂
16:22 [ai]ܒܬܠܓܐ ܘܒܐܓܠܝܕܐ/ܐܓܠܝܕܐ#3#/ ܩܡܬ ܢܘܪܐ ܘܠܐ ܐܬܦܫܪܘ܂ ܕܢܗܘܘܢ ܝܕܥܝܢ܂ ܕܦܐܪ̈ܝܗܘܢ ܕܒ̈ܥܠܕܒܒܐ ܚܒܠܬ ܢܘܪܐ ܟܕ ܡܬܓܘܙܠܐ ܒܓܘ ܒܪܕܐ܂ ܘܒܟܐ̈ܦܝ ܒܪܕܐ ܘܒܡܛܪܐ ܝܗܒܬ ܒܪ̈ܩܐ܂
16:23 [ai]ܡܛܠ ܕܢܬܦܪܫܘܢ ܙܕܝܩ̈ܐ ܘܠܐ ܢܛܥܘܢ ܚܝܠܟ܂
16:24 [ai]ܡܛܠ ܕܟܘܠܗܿ ܒܪܝܬܟ ܠܟ ܡܫܬܥܒܕܐ܂ ܘܦܪܫܬ ܦܘܪܥܢܐ ܠܛܠܘ̈ܡܐ܂ ܘܝܗܒܬ ܚܠܝܡܘܬܐ ܠܐܝܠܝܢ ܕܬܟܝܠܝܢ ܥܠܝܟ܂
16:25 [ai]ܡܛܠ ܗܢܐ ܒܟܠ ܗܝ ܡܬܗܦܟܐ܂ ܘܡܫܡܫܐ ܡܘܗܒܬܟ ܕܡܦܪܢܗܣܐ/ܡܦܪܢܣܐ#3#/ ܠܟܠ ܐܢܫ ܐܝܟ ܕܨܒܐ
16:26 [ai]ܠܡܕܥ܂ ܠܒܢ̈ܝܐ/ܕܢܐܠܦܘܢ ܒܢܝܐ#3#/ ܐܝܠܝܢ ܕܪܚܡ ܡܪܝܐ܂ ܕܠܐ ܗܘܐ ܡܘܠܕܐ ܕܦܐܪ̈ܐ ܙܐܿܢ/ܕܐܢ#3#/ ܠܒܪܢܫܐ܂ ܐܠܐ ܡܠܬܟ ܠܐܝܠܝܢ ܕܡܗܝܡܢܝܢ ܒܗܿ ܗܝ ܢܛܪܐ ܠܗܘܢ܂
16:27 [ai]ܣܓܝ ܙܒ̈ܢܝܢ ܐܬܬ ‍<‍ܗܘܬ#2#‍>‍ ܢܘܪܐ ܘܠܐ ܐܬܢܟܝܘ܂ ܘܐܝܠܝܢ ܕܡܢ ܢܘܪܐ ܠܐ ܐܬܦܫܪܘ ܟܕ ܐܬܐ ܫܡܫܐ ܒܚܘܡܗ ܫܚܘ ܡܢܗ܂
16:28 [ai]ܕܢܗܘܘܢ ܝܕܥܝܢ ܕܐܦ ܫܡܫܐ ܩܐܡ ܒܬܘܕܝܬܐ܂ ܘܒܕܢܚܐ ܕܢܘܗܪܗ ܡܩܝܡ ܠܟ܂
16:29 [ai]ܣܒܪܐ ܓܝܪ ܕܒܝܫ̈ܐ܂ ܐܝܟ ܐܓܠܝܕܐ ܕܣܬܘܐ ܡܬܦܫܪ/ܕܡܬܦܫܪ#3#/܂ ܘܐܝܟ ܡ̈ܝܐ ܕܡܣܬܠܝܢ ܡܬܐܫܕ܂

next chapter