← Back
The Comprehensive Aramaic Lexicon
← Return to the Text Browser
click on the file description for more information
62070: P Wisd

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܠܙܕܩ̈ܝܟ ܢܘܗܪܐ ܢܗܝܪܐ ܪܒܐ܂ ܩܠܗ ܕܝܢ ܫܡܥܝܢ ܗܘܘ܂ ܘܕܡܘܬܗ ܠܐ ܚܙܝܢ ܗܘܘ܂ ܘܐܦ ܗܢܘܢ ܐܬܢܓܕܘ ܘܐܬܒܪܟܘ܂
18:02 [ai]ܡܛܠ ܕܡܘܕܝܢ ܗܘܘ ܕܛܒܐܝܬ ܡܬܢܓܕܝܢ ܗܘܘ܂ ܡܛܠ ܕܗܢܘܢ ܩܕܡܘ ܛܠܡܘ܂ ܘܒܥܝܢ ܗܘܘ ܡܢܗ܂
18:03 [ai]ܕܥܡܘܕܐ ܕܢܘܪܐ/ܕܢܘܗܪܐ#3#/ ܡܚܘܐ ܗܘܐ ܠܗܘܢ ܐܘܪܚܐ܂ ܘܝܗܒܬ ܠܗܘܢ ܐܝܩܪܐ ܡܢ ܚܘܡܗ ܕܫܡܫܐ܂
18:04 [ai]ܘܣܢܐ̈ܝܗܘܢ ܐܬܛܠܡܘ ܡܢ ܢܘܗܪܐ܂ ܘܒܚܫܘܟܐ ܐܬܚܒܫܘ܂ ܡܛܘܠ ܕܗܢܘܢ ܒܐܣܘܪܝܐ ܢܛܪܘ/ܐܬܢܛܪܘ#3#/ ܣܘܓܐܐ ܕܒܢ̈ܝܟ܂ ܕܒܗܘܢ ܥܬܝܕ ܗܘܐ ܠܡܢܗܪܘ ܢܘܗܪܗ ܕܢܡܘܣܐ܂ ܕܕܠܐ ܣܘܪܚܢ ܡܬܝܗܒ ܠܥܡܐ ܕܒ̈ܥܠܕܒܒܝܗܘܢ܂
18:05 [ai]ܐܬܚܫܒܘ ܠܡܩܛܠ ܝ̈ܠܘܕܐ ܘܚ̈ܣܝܐ܂ ܘܚܕ ܒܪܐ ܩܕܝܫܐ ܕܐܬܢܛܪ ܠܡܟܣܢܘܬܗܘܢ܂ ܠܣܘܦܢܐ ܕܣܘܓܐܐ ܕܒ̈ܢܝܗܘܢ܂ ܘܠܒ̈ܥܠܕܒܒܘܗܝ ܕܥܡܟ܂ ܐܝܟ ܚܕܐ/ܐܟܚܕ#3#/ ܐܘܒܕܬ ܐܢܘܢ ܒܡ̈ܝܐ ܣ̈ܓܝܐܐ܂
18:06 [ai]ܘܠܠܝܐ ܗܿܘ ܝܕܝܥ ܗܘܐ ܠܐ̈ܒܗܝܢ܂ ܕܢܗܘܘܢ ܝܕܥܝܢ ܒܫܪܪܐ ܕܒܡܢܘ ܗܝܡܢܘ ܕܢܚܘܢ܂
18:07 [ai]ܘܠܥܡܟ ܝܗܒܬ ܚ̈ܝܐ ܠܙܕܝܩ̈ܐ ܘܐܒܕܢܐ ܠܒ̈ܥܠܕܒܒܐ܂
18:08 [ai]ܘܐܬܢܩܡܬ ܡܢ ܒ̈ܥܠܕܒܒܐ܂ ܘܩܪܝܬܢ ܘܩܕܫܬܢ ܘܫܒܚܬܢ܂
18:09 [ai]ܡܛܫܝܐܝܬ ܓܝܪ ܡܫܡܫܝܢ ܗܘܘ ܥܒ̈ܕܝܟ ܚܣ̈ܝܐ ܒܛܝܒܘܬܟ܂ ܘܢܡܘܣ̈ܐ ܕܩܘܫܬܐ ܐܝܟ ܚܕܐ ܐܬܬܩܢܘ܂ ܘܐܝܟ ܚܕܐ ܠܕܛܒ̈ܝܢ ܘܠܕܟܫܝܛܝܢ ܕܢܬܩܒܠܘܢ ܚ̈ܣܝܐ܂ ܘܡܢ ܗܕܐ ܫܥܬܐ ܢܬܠܘܢ ܬܫܒܘܚܬܐ ܠܐܒܐ܂
18:10 [ai]ܘܐܬܬ ܥܠ ܒ̈ܥܠܕܒܒܐ ܥܩܬܐ ܕܠܐ ܫܘܝܐ܂ ܘܡܬܐܒܠܝܢ ܗܘܘ ܒܚܘܒܠܐ ܕܒܢܝܗܘܢ܂
18:11 [ai]ܒܗ/ܕܒܗ#3#/ ܒܕܝܢܐ ܗܘܐ ܦܘܪܥܢܐ ܡܢ ܥܒܕܐ ܘܡܢ ܡܪܗ܂ ܘܡܠܟܐ ܘܡܣܟܢܐ ܐܝܟ ܚܕܐ ܚܫܘ܂
18:12 [ai]ܟܠܗܘܢ ܐܟܚܕܐ ܒܚܕ ܡܘܬܐ ܗܘܐ ܡܘܬܗܘܢ܂ ܘܠܝܬ ܗܘܐ ܠܗܘܢ ܡܢܝܢ܂ ܘܠܐ ܡܫܟܚܝܢ ܗܘܘ ܚ̈ܝܐ ܠܡܩܒܪ ܠܡܝ̈ܬܐ܂ ܐܝܟ ܪܦܦ ܥܝܢܐ ܓܝܪ ܡܘܠܕܗܘܢ ܝܩܝܪܐ ܐܬܚܒܠ܂
18:13 [ai]ܘܠܐ ܗܝܡܢܘ ܠܗܠܝܢ ܟܠܗܝܢ ܡܛܠ ܚܪܫܘܬܗܘܢ܂ ܘܒܐܒܕܢܐ ܕܒܘܟܪ̈ܝܗܘܢ ܐܘܕܝܘ܂ ܕܒܪܗ ܗܘ ܕܐܠܗܐ ܥܡܐ܂
18:14 [ai]ܫܠܝܐ ܓܝܪ ܘܫܬܩܐ ܐܚܝܕ ܗܘܐ ܠܟܠ܂ ܘܒܦܠܓܗ ܕܠܠܝܐ ܗܘܐ ܒܘܠܗܝܐ܂
18:15 [ai]ܡܠܬܟ ܕܟܠ ܡܨܝܐ ܡܢ ܫܡܝܐ ܐܬܬ܂ ܡܢ ܟܘܪܣܝܐ ܕܡܠܟܘܬܐ ܬܡܝܗܬܐ܂ ܠܩܪ̈ܒܬܢܐ ܡܨܥܬ ܐܒܕܢܐ ܣܚܦܬ ܥܠ ܐܪܥܐ܂
18:16 [ai]ܣܝܦܐ ܚܪܝܦܐ ܒܦܘܩܕܢܟ ܕܕܠܐ/ܕܠܐ#3#/ ܡܣܒ ܒܐ̈ܦܐ ܐܝܬܝ܂ ܘܩܡ ܘܫܡܠܝ ܟܠ ܒܦܘܩܕܢܐ܂ ܥܕܡܐ ܠܫܡܝܐ ܡܛܝ ܘܩܡ ܥܠ ܐܪܥܐ܂
18:17 [ai]ܗܝܕܝܢ ܡܢ ܫܠܝܐ ܚ̈ܙܘܢܐ ܕܚ̈ܠܡܐ ܒܝܫ̈ܐ ܕܠܚܘ ܐܢܘܢ܂ ܘܐܬܬ ܥܠܝܗܘܢ ܕܚܠܬܐ/ܒܝܫܬܐ#3#/ ܕܠܐ ܣܟܝܘ ܠܗܿ܂
18:18 [ai]ܘܡܣܬܚܦܝܢ ܗܘܘ ܘܢܦܠܝܢ ܠܟܐ ܘܠܟܐ܂ ܐܢܫ ܐܢܫ ܡܢܗܘܢ ܒܝܬ ܡܝܬ ܠܚܝ܂ ܕܡܛܠ/ܡܛܠ#3#/ ܐܝܕܐ ܣܟܠܘ ܡܝܬܝܢ ܗܘܘ ܚܘܝ ܐܢܘܢ܂
18:19 [ai]ܚ̈ܠܡܐ ܓܝܪ ܕܐܪܗܒܘ ܐܢܘܢ܂ ܗܕܐ ܩܕܡܘ ܐܘܕܥܘ ܐܢܘܢ܂ ܕܕܠܡܐ ܟܕ ܠܐ ܝܕܥܝܢ ܡܛܠ ܡܢܐ ܒܝܫܐܝܬ ܚܫܝܢ/ܚܝܝܢ#3#/ ܢܐܒܕܘܢ܂
18:20 [ai]ܐܦ ܠܙܕܝܩ̈ܐ/ܙܕܝܩ̈ܐ#3#/ ܕܝܢ ܒܙܒܢ/ܟܠܙܒܢ#3#/ ܡܛܝ ܐܢܘܢ ܢܣܝܘܢܐ ܕܡܘܬܐ܂ ܘܐܒܕܢܐ ܕܣ̈ܓܝܐܐ ܗܘܐ ܒܡܕܒܪܐ܂ ܐܠܐ ܠܐ ܗܘܐ ܥܕܡܐ ܠܣܘܦܐ ܟܬܪ ܪܘܓܙܟ܂
18:21 [ai]ܐܣܬܪܗܒ ܓܝܪ ܓܒܪܐ ܟܐܢܐ ܘܠܒܫ ܡܐ̈ܢܝ ܟܗܢܘܬܐ܂ ܘܩܕܡ ܐܬܟܬܫ ܒܙܝܢܐ ܕܟܗܢܘܬܗ܂ ܒܥܘܬܐ ܘܨܠܘܬܐ ܘܥܛܪܐ ܠܡܚܣܝܢܘܬܐ ܩܪܒ܂ ܘܩܡ ܠܘܩܒܠ ܚܡܬܐ ܘܐܗܦܟ ܪܘܓܙܐ܂ ܘܐܬܟܠܝ ܡܘܬܢܐ܂ ܘܐܬܝܕܥ ܕܥܒܕܟ ܗܘ܂
18:22 [ai]ܘܙܟܐ ܠܟܢܫܐ܂ ܠܐ ܒܚܝܠܐ ܕܦܓܪܐ܂ ܘܠܐ ܒܠܐܘܬܐ ܕܥܘܡܪܐ܂ ܐܠܐ ܒܡܠܬܐ ܠܡܚܒܠܢܐ ܫܥܒܕ܂ ܒܕܘܟܪܢܐ ܕܩܝ̈ܡܐ ܘܕܡ̈ܘܡܬܐ ܕܐ̈ܒܗܬܐ ܕܐܬܕܟܪ/ܕܐܕܟܪ#3#/܂
18:23 [ai]ܟܕ ܢܦܠܘ ܗܘܘ ܓܝܪ ܟܫ̈ܝܢ ܟܫܝ̈ܢ ܕܡܝ̈ܬܐ ܚܕ ܥܠ ܚܕ܂ ܩܡ ܒܝܬ ܡ̈ܝܬܐ ܠܚ̈ܝܐ ܘܐܗܦܟ ܪܘܓܙܐ܂ ܘܓܙܪ ܐܘܪܚܐ ܒܝܬ ܡܝ̈ܬܐ ܠܚ̈ܝܐ܂
18:24 [ai]ܥܠ ܦܕܬܐ ܕܠܒܘܫܗܿ ܐܝܬܘܗܝ ܟܠܗ ܥܡܐ܂ ܘܐܝܩܪܐ ܕܐܒܗ̈ܬܐ/ܕܐ̈ܒܗܐ#3#/ ܓܠܝܦ ܥܠ/ܕܥܠ#3#/ ܐܪ̈ܒܥܐ ܣܕܪ̈ܝܢ ܕܟܐ̈ܦܐ ܕܥܠ/ܥܠ#3#/ ܟܬ̈ܦܬܗ܂ ܘܟܠܝܠܐ ܕܪܒܘܬܟ ܥܠ ܪܝܫܗ܂
18:25 [ai]ܠܗܠܝܢ ܐܫܬܡܥ ܡܚܒܠܢܐ܂ ܗܢܘܢ ܕܝܢ ܕܚܠܘ܂ ܣܦܩ ܗܘܐ ܓܝܪ ܒܠܚܘܕ ܢܣܝܘܢܐ ܕܪܘܓܙܐ܂

next chapter