The Comprehensive Aramaic Lexicon

06:01 [ai]	ܘܗܼܘܐ ܠܝܘܡܐ ܕܡܚܪܼ܂ ܘܗܐ ܚܝܠܐ ܕܟ̈ܠܕܝܐ ܟܪܟܗܿ ܠܡܕܝܢܬܐ܂ ܘܒܥܕܢ ܪܡܫܐܼ܂ ܫܒܩܬܗ ܠܥܡܐ ܐܢܐ ܒܪܘܟ܂ ܘܢܿܦܩܬ ܘܩܼܡܿܬ ܠܝ ܥܠ ܒܠܘܛܐ܂
06:02 [ai]	ܘܡܬܥܝܩ ܗܿܘܝܬ ܥܠ ܨܗܝܘܢ ܘܡܬܬܢܚ ܥܠ ܫܒܝܬܐ ܕܐܬܬ ܥܠ ܥܡܐ܂
06:03 [ai]	ܘܗܐ ܡܢ ܫܠܝܐ܂ ܪܘܚܐ ܕܚܝܠܐ ܐܪܝܡܬܢܝ܂ ܘܐܣܩܬܢܝ ܠܥܠ ܡܢ ܫܘܪܗܿ ܕܐܘܪܫܠܡ ܠܥܠ܂
06:04 [ai]	ܘܚܿܙܝܬ ܘܗܐ ܐܪܒܥܐ ܡܠܐ̈ܟܝܢ ܩܝܿܡܝܢ ܥܠ ܐܪ̈ܒܥܬܝܗܝܢ ܙܘܝ̈ܬܗܿ ܕܡܕܝܢܬܐ܂ ܟܕ ܐܚܝܕܝܢ ܗܘܘ ܚܕ ܚܕ ܡܢܗܘܢ ܠܡܦܐܕܐ ܕܢܘܪܐ ܒܐܝ̈ܕܘܗܝ܂
06:05 [ai]	ܘܡܠܐܟܐ ܐܚܪܢܐ ܢܚܬ ܗܘܐ ܡܢ ܫܡܝܐ ܘܐܡܼܪ ܠܗܘܢ܂ ܐܚܘܕܘ ܠܡܦܐ̈ܕܝܟܘܢ ܘܠܐ ܬܕܠܩܘܢ܂ ܥܕܡܐ ܕܐܡܿܪ ܠܟܘܢ܂
06:06 [ai]	ܐܫܬܿܕܪܬ ܓܝܪ ܕܠܘܩܕܡ ܐܡܿܪ ܠܐܪܥܐ ܡܠܬܐ܂ ܘܐܣܿܝܡ ܠܘܬܗܿ ܡܕܡ ܕܦܩܕܢܝ ܡܪܝܐ ܡܪܝܡܐ܂
06:07 [ai]	ܘܚܙܿܝܬܗ ܕܢܚܼܬ ܠܒܝܬ ܩܕܘܫ ܩܘܕ̈ܫܐ܂ ܘܢܣܼܒ ܡܢ ܬܡܢ ܐ̈ܦܝ ܬܪܥܐܼ܂ ܘܐܦܘܕܐ ܩܕܝܫܐ܂ ܘܚܘܣܝܐ܂ ܘܬܪ̈ܬܝܢ ܠܘܚ̈ܐ܂ ܘܠܒܘܫܐ ܩܕܝܫܐ ܕܟܗ̈ܢܐ܂ ܘܦܝܪܡܐ܂ ܘܐܪܒܥܝܢ ܘܬܡ̈ܢܐ ܟܐ̈ܦܝܢ ܡܝܩܪ̈ܢ܂ ܗܠܝܢ ܕܠܒܿܫ ܗܘܐ ܟܗܢܐ ܘܟܘܠܗܘܢ ܡܐ̈ܢܝ ܩܘܕܫܐ ܕܡܫܟܢܐ܂
06:08 [ai]	ܘܐܡܼܪ ܠܐܪܥܐ ܒܩܠܐ ܪܡܿܐ܂ ܐܪܥܐ ܐܪܥܐܼ܂ ܐܪܥܐ ܫܡܼܥ ܦܬܓܡܗ ܕܐܠܗܐ ܚܝܠܬܢܐ܂ ܘܩܒܿܠ ܗܠܝܢ ܕܡܓܥܠ ܐܢܐ ܠܟܝ܂ ܘܢܛܿܪ ܐܢܘܢ ܥܕܡܐ ܠܙ̈ܒܢܐ ܐܚܪ̈ܝܐ ܕܡܐ ܕܐܬܦܼܩܕܬ ܬܬܠܝܢ ܐܢܘܢ܂ ܕܠܐ ܢܫܬܠܛܘܢ ܒܗܘܢܼ ܢܘܟܪ̈ܝܐ܂
06:09 [ai]	ܡܛܠ ܕܡܼܛܐ ܠܗ ܙܒܢܐ ܕܬܫܬܠܡ ܠܙܒܢܐ ܘܐܘܪܫܠܡ܂ ܥܕܡܐ ܕܢܬܐܡܪ ܕܬܘܒ ܬܗܦܘܟ ܬܬܩܢ ܠܥܠܡ܂
06:10 [ai]	ܘܦܬܼܚܬ ܐܪܥܐ ܦܘܡܗܿ܂ ܘܒܠܼܥܬ ܐܢܘܢ܂ ܀

next chapter