Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 13:01 [ai] | ܘܗܼܘܐ ܡܢ ܒܬܪ ܗܠܝܢ ܐܢܐ ܒܪܘܟ ܩܐܿܡ ܗܿܘܝܬ ܥܠ ܛܘܼܪܐ ܕܨܗܝܘܢ܂ ܘܗܐ ܩܠܐ ܐܬܼܐ ܡܢ ܡܪ̈ܘܡܐ ܘܐܡܼܪ ܠܝ܂ |
| 13:02 [ai] | ܩܘܡ ܥܠ ܪ̈ܓܠܝܟ ܒܪܘܟ܂ ܘܫܡܼܥ ܡܠܬܗ ܕܐܠܗܐ ܚܝܠܬܢܐ܂ |
| 13:03 [ai] | ܡܛܠ ܕܐܬܕܡܪܬ ܥܠ ܡܕܡ ܕܓܕܫܗܿ ܠܨܗܝܘܢ܂ ܡܛܠ ܗܢܐ ܡܬܢܛܪܘ ܬܬܢܛܪ ܠܫܘܠܡܗܘܢ ܕܙܒ̈ܢܐ܂ ܕܬܗܘܐ ܠܣܿܗܕܘܬܐ܂ |
| 13:04 [ai] | ܕܐܢ ܢܐܡܪ̈ܢ ܡܡܬܘܡ ܡܕܝ̈ܢܬܐ ܐܝܠܝܢ ܕܡܨ̈ܠܚܢ ܕܠܡܢܐ ܐܝܬܝ ܥܠܝܢ ܐܠܗܐ ܚܝܠܬܢܐ ܦܘܪܥܢܐ ܗܢܐ܂ |
| 13:05 [ai] | ܐܡܼܪ ܠܗܝܢ ܐܢܬ ܘܐܝܠܝܢ ܕܕܡ̈ܝܢ ܠܟ܂ ܐܝܠܝܢ ܕܚܼܙܝܬܘܢ ܒܝܼܫܬܐ ܗܕܐ ܘܦܘܪ̈ܥܢܐ ܕܐܿܬܝܢ ܥܠܝܟܝܢ ܘܥܠ ܥܡܟܝܢ܂ ܒܙܒܢܗ ܕܓܡܝܪܐܝܬ ܢܬܪܕܘܢ ܥܡ̈ܡܐܼ܂ |
| 13:06 [ai] | ܘܗܿܝܕܝܢ ܢܩܘܘܢ܂ |
| 13:07 [ai] | ܘܐܢ ܢܐܡܪ̈ܢ ܒܗܿܘ ܙܒܢܐ ܕܐܡܬܝ܂ |
| 13:08 [ai] | ܬܐܡܼܪ ܠܗܝܢ ܐܢܿܬܝܢ ܕܐܫܬܝܬܝܢ ܚܡܼܪܐ ܡܨܠܠܐܼ܂ ܐܫܬܝܝܢ ܐܦ ܡܢ ܬܛܪܗ܂ ܕܝܼܢܗ ܓܝܪ ܕܪܡܐ ܕܠܐ ܡܣܒ ܒܐ̈ܦܐ ܗܘ܂ |
| 13:09 [ai] | ܡܛܠ ܗܢܐ ܥܠ ܒܢܘ̈ܗܝ ܠܘܩܕܡ ܠܐ ܚܣ܂ ܐܠܐ ܐܫܬܢܕ ܒܗܘܢܼ܂ ܐܝܟ ܕܒܣܢܐ̈ܘܗܝ܂ ܡܛܠ ܕܚܛܘ܂ |
| 13:10 [ai] | ܗܝܿܕܝܢ ܗܟܝܠ ܐܬܪܕܝܘ ܡܛܠ ܕܢܬܚܣܘܢ܂ |
| 13:11 [ai] | ܗܫܐ ܕܝܢ ܐܢܬܘܢ ܥܡ̈ܡܐ ܘܐܡ̈ܘܬܐ ܚܝܿܒܝܢ ܐܢܬܘܢ ܕܗܢܐ ܟܠܗ ܙܒܢܐ ܕܫܬܘܢܗܿ ܠܐܪܥܐ܂ ܘܐܬܚܫܚܬܘܢ ܒܒܼܪܝܬܐ ܕܠܐ ܒܙܕܩܐ܂ |
| 13:12 [ai] | ܒܟܠܙܒܢ ܓܝܪ ܗܼܘܝܬ ܡܛܐܒ ܠܟܘܢ܂ ܘܐܢܼܬܘܢ ܗܼܘܝܬܘܢ ܟܦܪܝܢ ܒܛܝܒܘܬܐ ܒܟܠܙܒܢ ܀ |