Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 19:01 [ai] | ܘܥܢܼܐ ܘܐܡܼܪ ܠܝ܂ ܡܛܠ ܗܢܐ ܒܗܿܘ ܙܒܢܐ ܐܩܝܡ ܠܗܘܢ ܕܝܬܩܐ ܘܐܡܼܪ܂ ܗܐ ܣܡܿܬ ܩܕܡܝܟܘܢ ܚ̈ܝܐ ܘܡܘܬܐ܂ ܘܐܣܗܕ ܒܗܘܢ ܫܡܝܐ ܘܐܪܥܐ܂ |
| 19:02 [ai] | ܝܕܥ ܗܘܐ ܓܝܪ ܕܙܒܢܗ ܩܠܝܠ ܗܘ ܂܂ ܘܫܡܝܐ ܕܝܢ ܘܐܪܥܐ ܐܝܬܝܗܘܢ ܒܟܠ ܙܒܢ ܂܂ |
| 19:03 [ai] | ܗܼܢܘܢ ܕܝܢ ܡܢ ܒܬܪ ܡܘܬܗ ܕܗܿܘ ܚܛܘ ܘܐܿܥܒܪܘ܂ ܟܕ ܝܕܥܝܢ ܕܐܝܬ ܠܗܘܢ ܢܡܘܣܐ ܡܟܣܢܐ܂ ܘܢܘܗܪܐ ܗܿܘ ܕܠܐ ܡܫܟܚ ܗܘܐ ܕܢܛܥܐ ܒܗ ܡܕܡ܂ ܐܦ ܡܘܙ̈ܠܐ ܕܣܿܗܿܕܝܢ܂ ܘܐܢܐ ܘܥܠ ܟܠ ܕܐܝܬ ܕܐܿܢ ܐܢܐ܂ |
| 19:04 [ai] | ܐܢܬ ܕܝܢ ܠܐ ܬܬܚܫܒ ܒܢܦܫܟ ܥܠ ܗܠܝܢ܂ ܘܠܐ ܬܬܩܠܐ ܥܠ ܐܝܠܝܢ ܕܗܘ̈ܝ܂ |
| 19:05 [ai] | ܗܫܐ ܫܘܠܡܗ ܗܘ ܓܝܪ ܕܙܒܢܐ܂ ܐܘ ܕܨ̈ܒܘܬܐܼ ܐܘ ܕܡܨܠܚܢܘܬܐ܂ ܐܘ ܕܨܥܪܐ ܡܬܒܥܐ ܘܠܐ ܫܘܪܝܗ܂ |
| 19:06 [ai] | ܡܛܠ ܕܐܢ ܢܗܘܐ ܒܪܢܫܐ ܡܨܠܚ ܒܩܕܡܝܬܗ ܘܒܣܝܒܘܬܗ ܢܨܛܥܪܼ܂ ܛܥܿܐ ܟܘܠܗܿ ܡܨܠܚܢܘܬܐ ܕܗܘܬ ܠܗ܂ |
| 19:07 [ai] | ܘܬܘܒ ܐܢ ܢܗܘܐ ܒܪ ܐܢܫܐ ܡܨܿܛܥܪ̈ ܒܩܕܡܝܬܗ ܘܒܐܚܪܝܬܗ ܢܗܘܐ ܡܨܠܚܼ܂ ܠܐ ܡܬܕܟܪ ܬܘܒ ܨܥܪܗ܂ |
| 19:08 [ai] | ܘܬܘܒ ܫܡܼܥ܂ ܕܟܠܗ ܙܒܢܐ ܗܢܐ ܡܢ ܝܘܡܐ ܕܐܬܓܙܪ ܡܘܬܐ ܥܠ ܐܝܠܝܢ ܕܥܒܿܪܝܢ ܒܗ ܒܗܢܐ ܙܒܢܐ ܐܠܘ ܟܘܠ ܐܢܫ ܡܨܠܚ ܗܘܐ ܂܂܂ ܘܒܚܪܬܗ ܡܬܚܒܠ ܗܘܐ ܂ܠܣܪܝܩܘܬܐ ܗܿܘܐ ܗܘܐ ܟܠܡܕܡ ܀ |