← Back
The Comprehensive Aramaic Lexicon
← Return to the Text Browser
click on the file description for more information
62071: P ApocBar

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:00 [ai]‍<‍ܨܠܘܬܗ ܕܒܪܘܟ ܒܪ ܢܪܝܐ ܂ ܂‍>‍
21:01 [ai]ܘܐܙܿܠܬ ܡܢ ܬܡܢ ܘܝܬܿܒܬ ܒܢܚܠܐ ܕܩܕܪܘܢ܂ ܒܡܥܪܬܐ ܕܐܪܥܐ ܂܂ ܘܩܕܫܬ ܢܦܫܝ ܬܡܢ܂ ܘܠܚܡܐܼ ܠܐ ܐܟܠܬ܂ ܘܠܐ ܟܦܢܿܬ܂ ܘܡ̈ܝܐ ܠܐ ܐܫܬܝܬ ܘܠܐ ܨܗܿܝܬ܂ ܘܗܿܘܝܬ ܬܡܢ ܥܕܡܐ ܠܝܘܡܐ ܫܒܝܥܝܐ܂ ܐܝܟ ܕܦܩܕܢܝ܂
21:02 [ai]ܘܡܢ ܒܬܪܟܼܢ܂ ܐܬܝܿܬ ܠܐܬܪܐ ܗܿܘ ܕܡܠܠ ܥܡܝ ܬܡܢ܂
21:03 [ai]ܘܗܼܘܐ ܒܡܥܪ̈ܒܘܗܝ ܕܫܡܫܐ܂ ܢܣܒܬ ܢܦܫܝ ܚܘܫܒܐ ܣܓܝܐܐ܂ ܘܫܪܝܬ ܕܐܡܠܠ ܩܕܡ ܚܝܠܬܢܐ܂ ܘܐܡܿܪܬ܂
21:04 [ai]ܐܘ ܗܿܘ ܕܥܒܼܕ ܐܪܥܐ ܫܡܥܝܢܝ܂ ܗܿܘ ܕܩܒܥ ܪܩܝܥܐ ܂ ܒܡܠܬܗ ܘܪܘܡܗܘܢ ܕܫܡܝܐ ܫܪܪ ܒܪܘܚܐ܂ ܗܿܘ ܕܩܼܪܐ ܡܢ ܪܝܫ ܥܠܡܐܼ ܠܡܕܡ ܕܥܕܟܝܠ ܠܐ ܗܘܼܐ܂ ܘܡܫܬܡܥܝܢ ܠܟ܂
21:05 [ai]ܐܢܬ ܕܠܐܐܪ ܦܩܼܕܬ ܒܪܡܙܟ܂ ܘܠܐܝܠܝܢ ܕܥܬܝ̈ܕܢ ܚܙܼܝܬܼ܂ ܐܝܟ ܐܝܠܝܢ ܕܥܒܿܪܢ܂
21:06 [ai]ܐܢܬ ܕܠܚܝ̈ܠܘܬܐ ܕܩܝܡܿܝܢ ܩܕܡܝܟ ܒܚܘܫܒܐ ܪܒܐ ܡܕܒܼܪܬ܂ ܐܦ ܠܚܝ̈ܬܐ ܩܕܝ̈ܫܬܐ ܕܡܢܝܢ ܠܝܬ ܠܗܝܢ ܕܥܼܒܕܬ ܡܢ ܥܠܡ ܕܫܠܗܒܝܬܐ ܘܕܢܘܪܐ܂ ܗܠܝܢ ܕܩܝ̈ܡܢ ܚܕܪ̈ܝ ܬܪܘܢܘܣ ܕܝܠܟ ܒܙܥܝܦܘܬܐ ܡܕܒܼܪܬ܂
21:07 [ai]ܠܟ ܒܠܚܘܕܝܟ ܐܝܬ ܗܕܐ ܕܬܥܒܕ ܒܪܫܥܬܗ ܟܘܠ ܕܨܒܼܝܬ܂
21:08 [ai]ܗܿܘ ܕܒܡܢܝܢܐ ܛܘ̈ܦܝ ܡܛܪܐ ܥܠ ܐܪܥܐ ܡܡܛܪ܂ ܘܫܘܠܡܗܘܢ ܕܙܒ̈ܢܐ ܥܕ ܠܐ ܢܐܬܘܢ܂ ܐܢܬ ܒܠܚܘܕܝܟ ܝܕܥܬ܂ ܚܘܪ ܒܒܥܘܬܝ܂
21:09 [ai]ܐܢܬ ܓܝܪ ܒܠܚܘܕܝܟ ܡܫܟܚ ܐܢܬ ܕܬܣܝܒܪ ܠܟܠܗܘܢ ܐܝܠܝܢ ܕܩܝܡܿܝܢ܂ ܘܠܐܝܠܝܢ ܕܥܒܿܪܝܢ ܘܠܐܝܠܝܢ ܕܥܬܝܕܝܢ܂ ܠܐܝܠܝܢ ܕܚܿܛܝܢ ܘܠܐܝܠܝܢ ܕܡܙܕܕܩܝܢ܂ ܐܝܟ ܚܿܝܐ ܕܠܐ ܡܬܥܩܒ܂
21:10 [ai]ܐܢܬ ܗܘ ܓܝܪ ܒܠܚܘܕܝܟ ܚܿܝܐ܂ ܕܠܐ ܡܐܿܬ ܘܠܐ ܡܬܥܩܒ܂ ܘܡܢܝܢܐ ܕܒܢܝܢܫܐ ܝܕܥܬ܂
21:11 [ai]ܘܐܢ ܒܙܒܢܐ ܣܓ̈ܝܐܐ ܚܛܘ܂ ܘܐܚܪ̈ܢܐ ܠܐ ܗܘܐ ܩܠܝܠ ܐܙܕܕܩܘ܂
21:12 [ai]ܐܢܬ ܝܕܥܬ ܕܐܝܿܟܐ ܡܢܛܪܬ ܚܪܬܐ ܕܐܝܠܝܢ ܕܚܛܘ܂ ܐܘ ܫܘܠܡܐ ܕܐܝܠܝܢ ܕܐܙܕܕܩܘ܂
21:13 [ai]ܐܠܘ ܓܝܪ ܗܠܝܢ ܗܘܼܘ ܚ̈ܝܐ ܒܠܚܘܕ ܕܗܪܟܐ ܠܟܠܢܫ܂ ܠܝܬ ܗܘܐ ܡܕܡ ܕܡܪܝܪ ܡܢ ܗܕܐ܂
21:14 [ai]ܡܢܐ ܓܝܪ ܡܗܢܐ ܚܝܠܐ ܕܗܿܦܟ ܠܟܪܝܗܘܬܐ܂ ܐܘ ܡܙܘܢܐ ܕܣܒܥܐ ܕܗܿܦܟ ܠܟܦܢܐ܂ ܐܘ ܫܘܦܪܐ ܕܗܿܦܟ ܡܣܬܢܐ܂
21:15 [ai]ܒܟܠܥܕܢ ܓܝܪ ܟܝܢܗܘܢ ܕܒܢܝܢ̈ܫܐ ܡܬܚܠܦ܂
21:16 [ai]ܐܘ ܠܐ ܡܕܡ ܐܝܟ ܡܐ ܕܐܝܿܬܝܢ ܗܿܘܐ ܓܝܪ ܡܢ ܩܕܝܡ܂ ܗܫܐ ܠܐ ܐܝܿܬܝܢ܂ ܘܐܝܟ ܡܐ ܕܐܝܬܼܝܢ ܗܫܐ܂ ܒܬܪ ܟܢ ܠܐ ܡܩܿܘܝܢܢ܂
21:17 [ai]ܐܠܘ ܠܐ ܓܝܪ ܕܥܬܝܕ ܗܘܐ ܕܢܗܘܐ ܫܘܠܡܐ ܠܟܠܼ܂ ܠܣܪܝܩܘܬܐ ܗܿܘܐ ܗܘܐ ܫܘܪܝܢ܂
21:18 [ai]ܐܠܐ ܟܠ ܕܐܿܬܐ ܡܢ ܠܘܬܟ ܐܘܕܥܝܢܝ܂ ܘܥܠ ܡܕܡ ܕܒܿܥܐ ܐܢܐ ܡܢܟ ܢܗܿܪܝܢܝ܂
21:19 [ai]ܥܕܡܐ ܠܐܡܬܝ ܡܕܡ ܕܡܬܚܒܠ ܡܩܘܐ܂ ܘܥܕܡܐ ܠܐܡܬܝ ܙܒܢܗܘܢ ܕܡܝܘ̈ܬܐ ܡܨܠܚ܂ ܘܥܕ ܐܿܝܢܐ ܙܒܢܐ ܐܝܠܝܢ ܕܥܿܒܪܝܢ ܒܥܠܡܐ ܡܬܦܠܦܠܝܢ ܒܪܘܫܥܐ ܣܓܝܐܐ܂
21:20 [ai]ܦܩܘܕ ܗܟܝܠ ܒܪ̈ܚܼܡܐ܂ ܘܐܩܝܡ ܟܠ ܕܐܡܪܬ ܕܬܝܬܐ܂ ܕܢܬܝܕܥ ܚܝܠܟ ܠܐܝܠܝܢ ܕܣܒܿܪܝܢ ܕܢܓܝܪܘܬ ܪܘܚܟ ܟܪܝܗܘܬܐ ܗܝ܂
21:21 [ai]ܘܚܘܐ ܠܐܝܠܝܢ ܕܠܐ ܝܕܥܝܢ܂ ܘܚܼܙܘ ܡܕܡ ܕܓܕܫܢ ܘܠܡܕܝܢܬܢ ܥܕ ܗܼܫܐ܂ ܐܝܟ ܢܓܝܪܘܬ ܪܘܚܐ ܕܐܘܚܕܢܟ܂ ܡܛܠ ܕܐܢܬ ܩܪܝܬܢ ܥܠ ܫܡܟ ܥܡܐ ܚܒܝܒܐ܂
21:22 [ai]ܟܘܠ/ܨܘܠ#1#/ ܗܟܝܠ ܡܢ ܗܫܐ ܟܝܢܐ ܡܝܘܬܐ܂
21:23 [ai]ܘܓܥܘܪ ܡܟܝܠ ܒܡܠܐܟܗ ܕܡܘܬܐ܂ ܘܬܬܚܙܐ ܬܫܒܘܚܬܟ ܘܬܬܝܕܥ ܪܒܘܿܬ ܝܐܝܘܬܟ܂ ܘܬܬܚܬܡ ܫܝܘܠ ܕܡܢ ܗܫܐ ܠܐ ܬܣܒ ܡܝ̈ܬܐ܂ ܘܢܦܢܘܢ ܐܘܨܪ̈ܐ ܕܢܦܫ̈ܬܐ ܕܚܒ̈ܝܫܢ ܒܗܘܢ܂
21:24 [ai]ܣܓܝܐ̈ܢ ܐ̈ܢܝܢ ܓܝܪ ܫܢ̈ܝܐ ܐܝܟ ܕܨ̈ܕܝܢ ܕܡܢ ܝܘ̈ܡܝ ܐܒܪܗܡ ܘܐܝܣܚܩ ܘܝܥܩܘܒ܂ ܘܕܟܠܗܘܢ ܐܝܠܝܢ ܕܕܡܝܢ ܠܗܘܢ܂ ܕܒܐܪܥܐ ܕܡܿܟܝܢ܂ ܗܠܝܢ ܕܡܛܠܬܗܘܢ ܐܡܼܪܬ ܕܒܪܝܬ ܥܠܡܐ܂
21:25 [ai]ܘܗܫܐ ܚܘܐ ܒܥܓܠ ܬܫܒܘܚܬܟ܂ ܘܠܐ ܬܫܘܚܪ ܡܕܡ ܕܡܢܟ ܐܬܡܠܟ ‍[‍܂
21:26 [ai]ܘܗܼܘܐ ܕܟܕ ܫܠܡܬ ܡ̈ܠܝܗܿ ܕܨܠܘܬܐ ܗܕܐ܂ ܐܬܪܫܠܬ ܣܿܓܝ ܀܀܀

next chapter