Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 29:01 [ai] | ܘܥܼܢܐ ܘܐܡܼܪ ܠܝ܂ ܕܟܘܠܗܿ ܗܘ ܐܪܥܐ ܡܕܡ ܕܓܕܿܫ ܗܝܿܕܝܢ܂ ܡܛܠ ܗܢܐ ܟܠܗܘܢ ܐܝܠܝܢ ܕܚܝ̈ܝܢ ܢܪܓܫܘܢ܂ |
| 29:02 [ai] | ܒܗܿܘ ܕܝܢ ܙܒܢܐ ܡܓܢ ܐܢܐ ܒܠܚܘܕ ܥܠ ܐܝܠܝܢ ܕܡܫܬܟܚܝܢ ܒܗܘܢ ܒܗܿܢܘܢ ܝܘܡ̈ܬܐ ܒܗܕܐ ܐܪܥܐ܂ |
| 29:03 [ai] | ܘܢܗܘܐ ܡܢ ܒܬܪ ܕܫܿܠܡ ܡܕܡ ܕܥܬܝܕ ܕܢܗܘܐ ܒܗܠܝܢ ܡܢܘ̈ܬܐܼ܂ ܗܝܿܕܝܢ ܢܿܫܪܐ ܕܢܬܓܠܐ ܡܫܝܚܐ܂ |
| 29:04 [ai] | ܘܢܬܓܠܐ ܒܗܡܘܬ ܡܢ ܐܬܪܗ܂ ܘܠܘܝܬܢ ܢܣܿܩ ܡܢ ܝܡܐܼ܂ ܬܪ̈ܝܗܘܢ ܬܢ̈ܝܢܐ ܪ̈ܘܪܒܐ ܗܠܝܢ ܕܒܪܝܬ ܒܝܘܡܐ ܚܡܝܫܝܐ ܕܒܼܪܝܬܐ܂ ܘܢܛܪܬ ܐܢܘܢ ܥܕܡܐ ܠܗܿܘ ܙܒܢܐ܂ ܘܗܿܝܕܝܢ ܢܗܘܘܢ ܠܡܐܟܘܠܬܐ ܠܟܘܠܗܘܢ ܐܝܠܝܢ ܕܡܫܬܚܪܝܢ܂ |
| 29:05 [ai] | ܐܦ ܐܪܥܐ ܬܬܠ ܦܐܪ̈ܝܗܿ܂ ܚܕ ܒܪ̈ܒܘ܂ ܘܚܕܐ ܓܦܬܐ ܢܗ̈ܘܝܢ ܒܗܿ ܐܠܦ ܫܒܫ̈ܬܝܢ܂ ܘܚܕܐ ܫܒܫܬܐ ܬܥܒܕ ܐܠܦ ܣܓܘ̈ܠܝܢ܂ ܘܚܕ ܣܓܘܠܐ ܢܥܒܕ ܐܠܦ ܥܢܒ̈ܝܢ܂ ܘܚܕܐ ܥܢܒܬܐ ܬܥܒܕ ܟܘܪܐ ܕܚܡܼܪܐ܂ |
| 29:06 [ai] | ܘܐܝܠܝܢ ܕܟܦܼܢܘ ܢܬܒܣܡܘܢ܂ ܘܬܘܒ ܕܝܢ ܢܚܙܘܢ ܬܕܡܪ̈ܬܐ ܒܟܘܠ ܝܘܡ܂ |
| 29:07 [ai] | ܪ̈ܘܚܐ ܓܝܪ ܢܦ̈ܩܢ ܡܢ ܩܕܡܝ܂ ܠܡܝܬܝܘ ܒܟܠ ܨܦܪ ܘܨܦܪ ܪܝܚܐ ܕܦܐܪ̈ܐ ܕܒܣܡ̈ܢܐ܂ ܘܒܫܘܠܡܗ ܕܝܘܡܐ ܥܿܢ̈ܢܐ ܕܪ̈ܣܢ ܛܠܐ ܕܐܣܝܘܬܐ܂ |
| 29:08 [ai] | ܘܢܗܘܐ ܒܗ ܒܗܿܘ ܙܒܢܐ܂ ܢܚܘܬ ܬܘܒ ܡܢ ܠܥܠ ܐܘܨܿܪܐ ܕܡܢܢܐ܂ ܘܢܐܟܠܘܢ ܡܢܗ ܒܗܠܝܢ ܫܢ̈ܝܐ܂ ܡܛܠ ܕܗܼܢܘܢ ܐܢܘܢ ܕܡܛܝܘ ܠܫܘܠܡܗ ܕܙܒܢܐ܂ ܀܃ |