Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 32:01 [ai] | ܐܢܬܘܢ ܕܝܢ ܐܢ ܡܥܬܕܝܢ ܐܢܬܘܢ ܠܒܝܟ̈ܘܢ ܕܬܙܪܥܘܢ ܒܗܘܢ ܦܐܪ̈ܘܗܝ ܕܢܡܘܣܐ [܂] ܡܓܢ ܥܠܝܟܘܢ ܒܗܿܘ ܙܒܢܐ ܕܥܬܝܕ ܚܝܠܬܢܐܿ܂ ܕܢܙܝܥ ܠܟܘܠܗܿ ܒܼܪܝܬܐ܂ |
| 32:02 [ai] | ܡܛܘܠ ܕܡܢ ܒܬܪ ܩܠܝܠ ܙܼܒܢܐ ܢܬܬܙܝܥ ܒܢܝܢܗܿ ܕܨܗܝܘܢ ܕܢܬܒܢܐ ܬܘܒ܂ |
| 32:03 [ai] | ܐܠܐ ܠܐ ܡܩܘܐ ܗܼܘ ܗܿܘ ܒܢܝܢܐ܂ ܐܠܐ ܬܘܒ ܡܢ ܒܬܪ ܙܒܢܐ ܡܬܥܩܪ܂ ܘܡܩܘܝܐ ܟܕ ܚܪܒܐܼ ܥܕܡܐ ܠܙܒܢܐ܂ |
| 32:04 [ai] | ܘܡܢ ܒܬܪܟܢ ܡܬܒܥܝܐ ܠܡܬܚܕܬܘ ܒܬܫܒܘܚܬܐ܂ ܘܡܼܫܬܼܿܟܠܠܐ ܠܥܠܡ܂ |
| 32:05 [ai] | ܠܐ ܗܟܝܠ ܡܬܒܥܝܐ ܠܢ ܕܢܬܬܥܝܩ ܗܢܐ ܟܠܗ ܥܠ ܒܝܫܼܬܐ ܕܐܬܬ ܗܫܐ ܐܝܟ ܕܥܠ ܡܕܡ ܕܥܬܝܕ܂ |
| 32:06 [ai] | ܡܢܼ ܬܪ̈ܬܝܗܝܢ ܕܝܢ ܥܩ̈ܬܐܼ܂ ܪܒ ܗܘ ܐܓܘܢܐ܂ ܐܡܬܝ ܕܥܬܝܕ ܚܝܠܬܢܐ ܕܢܚܕܬ ܒܼܪܝܬܗ܂ |
| 32:07 [ai] | ܘܗܫܐ ܠܐ ܬܬܩܪܒܘܢ ܠܝ ܥܕܡܐ ܠܩܠܝܠ ܝܘܡ̈ܝܢ܂ ܘܠܐ ܬܦܩܕܘܢܢܝ ܥܕܡܐ ܕܐܿܬܐ ܠܘܬܟܘܢ܂ |
| 32:08 [ai] | ܘܗܼܘܐ ܕܟܕ ܐܡܿܪܬ ܠܗܘܢ ܟܠܗܝܢ ܗܠܝܢ ܡ̈ܠܐܼ܂ ܐܿܙܠܬ ܠܝ ܐܢܐ ܒܪܘܟ ܠܐܘܪܚܝ܂ ܘܟܕ ܚܙܢܝ ܥܡܐ ܕܐܿܙܠ ܐܢܐ܂ ܐܪܝܡܘ ܩܠܗܘܢ ܘܐܝܠܠܘ ܘܐܡܼܪܘ܂ |
| 32:09 [ai] | ܠܐܝܿܟܐ ܐܙܿܠ ܐܢܬ ܠܟ ܡܢܢ ܒܪܘܟ܂܂ ܘܫܿܒܼܩܬ ܠܢ ܐܝܟ ܐܒܐ ܕܫܿܒܩ ܒܢܘ̈ܗܝ ܝܬܡ̈ܐ ܘܐܿܙܠ ܡܢ ܠܘܬܗܘܢ܀ |