Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 39:01 [ai] | ܘܥܼܢܐ ܘܐܡܼܪ ܠܝ܂ ܒܪܘܟܼ܂ ܗܢܘ ܦܘܫܩܗ ܕܚܙܘܐ ܕܚܼܙܝܬ܂ |
| 39:02 [ai] | ܐܝܟ ܕܚܙܼܝܬ ܥܒܐ ܣܓܝܐܐ ܗܿܘ ܕܚܕܝܪܝܢ ܗܘܘ ܠܗ ܛܘܼܪ̈ܐ ܪ̈ܡܿܐ ܘܩܫ̈ܝܐ܂ ܗܕܐ ܗܝ ܡܠܬܐ܂ |
| 39:03 [ai] | ܗܐ ܝܘܡ̈ܬܐ ܐܬܿܝܢ܂ ܘܬܬܚܒܠ ܗܕܐ ܡܿܠܟܘܬܐ ܗܿܝ ܕܒܙܒܢ ܚܒܠܸܬ ܠܨܗܝܘܢ܂ ܘܬܫܬܥܒܕ ܠܗܿܝ ܕܐܬܿܝܐ ܒܬܪܗܿ܂ |
| 39:04 [ai] | ܬܘܒ ܕܝܢ ܐܦ ܗܿܝ ܒܬܪ ܙܒܢܐ ܡܬܚܒܠܐ܂ ܘܬܩܘܡ ܐܚܪܬܐ ܬܠܝܬܝܬܐ܂ ܘܬܫܬܠܛ ܐܦ ܗܿܝ ܒܙܒܢܗܿ ܘܬܬܚܒܠ܂ |
| 39:05 [ai] | ܘܡܢ ܒܬܪ ܗܠܝܢ ܬܩܘܡ ܡܠܟܘܬܐ ܪܒܝܥܝܬܐ ܕܐܘܚܕܢܗܿ ܗܿܘܐ ܩܫܼܐ܂ ܘܒܝܫ ܝܬܝܪ ܡܢ ܕܗܠܝܢ ܕܗ̈ܘܝ ܩܕܡܝܗܿ܂ ܘܡܕܒܪܐ ܙܒ̈ܢܐ ܣܓܝܐ̈ܐ܂ ܐܝܟ ܥܒ̈ܐ ܕܦܩܥܬܐ܂ ܘܐܚܿܕܐ ܙܒܢ̈ܐ܂ ܘܬܬܪܝܡ ܝܬܝܪ ܡܢ ܐܪ̈ܙܐ ܕܠܒܢܢ܂ |
| 39:06 [ai] | ܘܢܬܛܡܪ ܒܗܿ ܫܪܪܐ܂ ܘܢܥܪܩܘܢ ܠܘܬܗܿ ܟܘܠܗܘܢ ܐܿܝܠܝܢ ܕܡܦܠܦܠܝܢ ܒܥܘܼܠܐ܂ ܐܝܟ ܕܥܪ̈ܩܢ ܚܝܘ̈ܬܐ ܒܝܫܼ̈ܬܐ ܘܚ̈ܠܕܢ ܒܥܒܐ܂ |
| 39:07 [ai] | ܘܢܗܘܐ ܡܐ ܕܩܼܪܒ ܙܒܢܐ ܕܫܘܿܠܡܗܿ ܕܬܦܠ[܂] ܗܝܿܕܝܢ ܬܬܓܠܐ ܪܝܫܝܬܗ ܕܡܫܝܚܝ܂ ܗܿܝ ܕܕܡܝܬ ܠܡܒܘܥܐ ܘܠܓܦܬܐ܂ ܘܡܐ ܕܐܬܓܠܸܝܬ ܬܥܩܘܪ ܣܘܓܐܐ ܕܟܢܫܗ܂ |
| 39:08 [ai] | ܘܗܿܝ ܕܚܼܙܝܬ ܐܪܙܐ ܕܪܡܿܐ ܗܘ ܕܐܫܬܚܪ ܡܢ ܗܿܘ ܥܒܐ܂ ܘܥܠ ܗܕܐ ܕܡܠܸܠܬ ܥܡܗ ܓܦܬܐ ܡ̈ܠܐ ܗܠܝܢ ܕܫܡܼܥܬ܂ ܗܕܐ ܗܝ ܡܠܬܐ ܀܃܀ |