← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62071: P ApocBar

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


54:00 [ai]‍<‍܀ܨܠܘܬܐ ܕܒܪܘܟ܀܀‍>‍
54:01 [ai]ܘܒܥܿܝܬ ܡܢ ܚܝܠܬܢܐ ܘܐܡܿܪܬ܂ ܐܢܬ ܡܪܝܐ ܒܠܚܘܕܝܟ ܡܩܕܡ ܐܢܬ ܝܕܿܥ ܐܢܬ ܪ̈ܘܡܘܗܝ ܕܥܠܡܐ܂ ܘܡܕܡ ܕܒܙܒ̈ܢܐ ܓܕܿܫ ܡܝܬܐ ܐܢܬ ܒܡܠܬܟ܂ ܘܠܘܩܒܠ ܥܿܒ̈ܕܝܗܘܢ ܕܥܡܘܪ̈ܝܗܿ ܕܐܪܥܐ ܡܣܪܗܒܬ ܪ̈ܫܝܗܘܢ ܕܙܒ̈ܢܐ܂ ܘܣܘܦܗܘܢ ܕܥ̈ܕܢܐ ܐܢܬ ܒܠܚܘܕܝܟ ܝܕܿܥ ܐܢܬ܂
54:02 [ai]ܗܿܘ ܕܡܕܡ ܠܐ ܥܛܼܠ ܠܗ܂ ܐܠܐ ܟܘܠ ܡܕܡ ܦܫܝܩܐܝܬ ܒܪܡܙܐ ܥܿܒܕ ܐܢܬ܂
54:03 [ai]ܗܿܘ ܕܥܘܡ̈ܩܐ ܐܝܟ ܪ̈ܘܡܐ ܐܬܿܝܢ ܠܘܬܟ܂ ܘܪ̈ܝܫܝ ܥܠܡ̈ܐ ܠܡܠܬܟ ܡܫܡܫܝܢ܂
54:04 [ai]ܗܿܘ ܕܓܠܐ ܠܐܝܠܝܢ ܕܕܚܿܠܝܢ ܠܡܕܡ ܕܥܬܝܕ ܠܗܘܢ܂ ܕܡܢ ܗܪܟܐ ܢܒܝܐܐ ܐܢܘܢܼ܂
54:05 [ai]ܡܘܕܥ ܓܢܒܪ̈ܘܬܐ ܠܐܝܠܝܢ ܕܠܐ ܝܕܥܿܝܢ܂ ܬܪܥ ܣܝܓܐ ܠܐܝܠܝܢ ܕܠܐ ܡܦܣܝܢ܂ ܘܡܢܗܪ ܚܫܘܟ̈ܬܐ ܘܓܠܐ ܟܣܝ̈ܬܐ ܠܐܝܠܝܢ ܕܕܠܐ ܡܘܡ ܐܢܘܢ܂ ܐܝܠܝܢ ܕܒܗܝܡܢܘܬܐ ܐܫܬܥܒܕܘ ܠܟ ܘܠܢܡܘܣܟ܂
54:06 [ai]ܐܢܬ ܚܘܼܝܬ ܠܥܼܒܕܟ ܚܙܘܢܐ ܗܢܐ܂ ܓܠܐ ܠܝ ܐܦ ܦܘܫܩܗ܂
54:07 [ai]ܝܕܿܥ ܐܢܐ ܓܝܪ ܕܥܠ ܐܿܝܠܝܢ ܕܒܿܥܿܝܬ ܡܢܟ ܢܣܿܒܬ ܦܬܓܡܐ܂ ܘܥܠ ܡܕܡ ܕܒܥܝܬ ܓܠܼܝܬ ܠܝ܂ ܘܐܘܕܥܬܢܝ ܒܐܝܿܢܐ ܩܠܐ ܐܫܿܒܚܟ܂ ܐܘ ܡܢ ܐܝܠܝܢ ܗܕ̈ܡܐ ܐܣܩ ܠܟ ܬܫܒܘܚܬܐ ܘܗܘܠܠܐ܂
54:08 [ai]ܐܢ ܓܝܪ ܢܗܘܘܢ ܗܕܡ̈ܝ ܦܘ̈ܡܐ ‍>‍ ܘܡܢ̈ܐ ܕܪ̈ܝܫܝ ܩ̈ܠܐܼ܂ ܐܦ ܠܐ ܗܟܢܐ ܡܫܟܚ ܐܢܐ ܕܐܿܦܪܥܟ ܬܫܒܘܚܬܐ܂ ܐܘ ܕܐܿܫܒܚܟ ܐܝܟ ܕܙܕܩܿ܂ ܘܠܐ ܬܫܒܘܚܬܟ ܡܿܫܟܚ ܐܢܐ ܕܐܿܬܢܐܿ܂ ܐܘ ܕܐܡܿܪ ܗܕܪܐ ܕܝܐܝܘܬܟ܂
54:09 [ai]ܡܢܐ ܓܝܪ ܐܢܐ ܒܒܢܝܢ̈ܫܐ܂ ܐܘ ܡܢܐ ܚܫܝܒ ܐܢܐ ܒܐܝܠܝܢ ܕܡܝܬܪܝܢ ܡܢܝ ܕܫܡܿܥܬ ܗܠܝܢ ܟܘܠܗܝܢ ܬܡܝ̈ܗܬܐ ܡܢ ܡܪܝܡܐ܂ ܘܣܒܪ̈ܬܐ ܕܠܐ ܡܣܬ̈ܝܟܢ ܡܢ ܗܿܘ ܕܒܪܢܝ܂
54:10 [ai]ܛܘܒ̈ܝܗܿ ܠܐܡܝ ܒܝܠܕ̈ܬܐ܂ ܘܬܫܬܒܚ ܒܢ̈ܫܐ ܝܠܕܬܝ܂
54:11 [ai]ܐܢܐ ܕܝܢ ܠܐ ܐܫܿܬܘܩ ܕܐܫܿܒܚ ܠܚܝܠܬܢܐ܂ ܐܠܐ ܒܩܠܐ ܕܫܘܒܚܐ ܐܬܢܐ ܬܕܡܪ̈ܬܗ܂
54:12 [ai]ܘܡܼܢܘ ܓܝܪ ܡܬܕܡܐ ܒܬܕܡܪ̈ܬܟ ܐܠܗܐ܂ ܐܘ ܡܢܼܘ ܡܕܪܟ ܡܚܫܒܬܟ ܥܡܝܩܬܐ ܕܚܝ̈ܐ‍[‍܂
54:13 [ai]ܐܢܬ ܓܝܪ ܒܬܪܥܝܬܟ ܡܕܒܪܬ ܟܠ ܒܪ̈ܝܬܐ ܕܒܪܬ ܝܡܝܢܟ܂ ܘܐܢܬ ܟܘܠ ܡܒܘܥܐ ܕܢܘܗܪܐ ܠܘܬܟ ܬܩܢܼܬ܂ ܘܐܘܨܪ̈ܐ ܕܚܟܡܬܐ ܬܚܝܬ ܬܪܘܢܘܣ ܕܝܠܟ ܥܬܼܕܬ܂
54:14 [ai]ܘܟܐܢܐܝܬ ܐܒܿܕܝܢ ܐܝܠܝܢ ܕܠܐ ܐܚܒܘ ܠܢܡܘܣܟ܂ ܘܬܫܢܝܩܐ ܕܕܝܼܢܐ ܡܩܒܠ ܠܐܝܠܝܢ ܕܠܐ ܐܫܬܥܒܕܘ ܠܐܘܚܕܢܟ܂
54:15 [ai]ܐܢ ܐܕܡ ܓܝܪ ܩܕܡܝ ܚܛܼܐ܂ ܘܐܝܬܝ ܡܘܬܐ ܥܠ ܟܠ ܕܠܐ ܒܙܒܢܗ܂ ܐܠܐ ܐܦ ܐܝܠܝܢ ܕܐܬܝܠܕܘ ܡܢܗ ܟܘܠ ܐܢܫ ܐܢܫ ܡܢܗܘܢ ܛܝܒ ܠܢܦܫܗ ܬܫܢܝܩܐ ܕܥܬܝܕ܂ ܘܬܘܒ ܐܢܫ ܐܢܫ ܡܢܗܘܢ ܓܒܼܐ ܠܗ ܬܫܒ̈ܚܬܐ ܕܥܬܝ̈ܕܢ܂
54:16 [ai]ܫܪܝܪܐܝܬ ܓܝܪ ܗܿܘ ܕܡܗܿܝܡܢ ܢܣܒ ܐܓܪܐ܂
54:17 [ai]ܗܫܐ ܕܝܢ ܗܦܘܟܘ ܠܚܼܒܠܐ ܥ̈ܘܿܠܐ ܕܗܫܐ܂ ܡܛܠ ܕܚܪܝܦܐܝܬ ܡܬܦܩܕܝܢ ܐܢܬܘܢ ܕܒܙܒܢ ܐܣܠܝܬܘܢ ܐܢܬܘܢ ܣܟܘܠܬܢܘܬܗ ܕܡܪܝܡܐ܂
54:18 [ai]ܠܐ ܓܝܪ ܐܠܦܟܘܢ ܥ̈ܒܿܕܘܗܝ܂ ܐܦ ܠܐ ܐܦܝܣܬܟܘܢ ܐܘܡܢܘܬܐ ܕܒܼܪܝܬܗ ܕܒܟܠܙܒܢ܂
54:19 [ai]ܠܐ ܐܝܬܘܗܝ ܗܟܝܠ ܐܕܡ ܥܠܼܬܐ ܐܠܐ ܠܢܦܫܗ ܒܠܚܘܕ܂ ܟܠܢ ܕܝܢ ܐܢܫ ܐܢܫ ܗܼܘܐ ܠܢܦܫܗ ܐܕܡ܂
54:20 [ai]ܐܢܬ ܕܝܢ ܡܪܝܐ ܥܠ ܐܝܠܝܢ ܕܓܠܼܝܬ ܠܝ ܦܫܿܩ ܠܝ܂ ܘܥܠ ܡܕܡ ܕܒܥܝܬ ܡܢܟ ܐܿܘܕܥܝܢܝ܂
54:21 [ai]ܒܫܘܠܡܗ ܓܝܪ ܕܥܠܡܐ ܬܒܥܬܐ ܗܘܿܝܐ ܡܢ ܐܝܠܝܢ ܕܐܥܘܠܘ ܐܝܟ ܥܘܼܠܗܘܢ܂ ܘܡܫܒܚ ܐܢܬ ܠܡܗܝܡ̈ܢܐ ܐܝܟ ܗܝܡܢܘܬܗܘܢ܂
54:22 [ai]ܠܐܝܠܝܢ ܓܝܪ ܕܒܕܝܠܟ ܐܢܘܢ ܐܢܬ ܡܕܒܪܬ܂ ܘܠܐܝܠܝܢ ܕܚܿܛܝܢ ܥܿܛܐ ܐܢܬ ܡܢ ܕܝܠܟ܀܃܃

next chapter