Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 55:01 [ai] | ܘܗܼܘܐ ܕܟܕ ܫܠܡܿܬ ܠܡܡܠܠܘ ܡ̈ܠܝܗܿ ܕܨܠܘܬܐ ܗܕܐܼ܂ ܝܬܿܒܬ ܬܡܢ ܬܚܝܬ ܐܝܠܢܐ ܕܐܬܬܢܝܚ ܒܛܠܠܐ ܕܣܘ̈ܟܐ܂ |
| 55:02 [ai] | ܘܡܬܕܡܪ ܗܘܿܝܬ ܘܡܬܬܡܗ ܘܡܬܪܢܐ ܒܡܚܼ̈ܫܒܬܝ ܥܠ ܣܘܓܐܐ ܕܛܿܒܘܬܐ ܕܕܚܼܩܘ ܡܢܗܘܢ ܚܛ̈ܝܐ ܕܥܠ ܐܪܥܐ܂ ܘܥܠ ܬܫܢܝܩܐ ܣܓܝܐܐ ܕܒܣܪܘ ܥܠܘܗܝ܂ ܟܕ ܝܕܿܥܝܢ ܕܡܫܬܢܩܝܢ ܥܠ ܕܚܛܿܝܢ܂ |
| 55:03 [ai] | ܘܟܕ ܗܠܝܢ ܘܐܝܠܝܢ ܕܕ̈ܡܝܢ ܠܗܝܢ ܡܿܬܚܫܒ ܗܘܿܝܬ܂ ܘܗܐ ܐܫܬܠܚ ܠܘܬܝ ܪܡܐܝܠ ܡܠܐܟܐ ܗܿܘ ܕܩܐܿܡ ܥܠ ܚܙܘ̈ܢܐ ܕܫܪܪܐ ܘܐܡܼܪ ܠܝ܂ |
| 55:04 [ai] | ܠܡܢܐ ܡܕܠܚ ܠܟ ܠܒܟ ܒܪܘܟ܂ ܘܠܡܢܐ ܫܓܿܫܐ ܠܟ ܡܚܫܒܬܟ܂ |
| 55:05 [ai] | ܐܢ ܓܝܪ ܫܡܥܐ ܗܘ ܫܡܥܼܬ ܒܠܚܘܕ ܥܠ ܕܝܼܢܐ ܗܟܢܐ ܐܬܬܼܙܝܥܬܼ܂ ܡܢܐ ܟܕ ܬܚܙܝܘܗܝ ܒܥܝܢܝ̈ܟ ܥܝܢܒܓܠܐ܂ |
| 55:06 [ai] | ܘܐܢ ܡܢ ܣܘܟܝܐ ܕܡܣܟܐ ܐܢܬ ܠܝܘܡܗ ܕܚܝܠܬܢܐ܂ ܗܟܢܐ ܐܫܼܬܪܝܬ܂ ܡܢܐ ܟܕ ܬܡܛܐ ܐܢܬ ܠܡܐܬܝܬܗ܂ |
| 55:07 [ai] | ܘܐܢ ܥܠ ܡܠܬܐ ܕܛܒܼܐ ܕܬܫܢܝܩܐ ܕܐܝܠܝܢ ܕܐܣܟܠܘ ܗܢܐ ܟܠܗ ܐܬܪܗܒܬ܂ ܚܕ ܟܡܐ ܟܕ ܗܿܘ ܥܿܒܕܐ ܢܓܠܐ ܬܡܝܗ̈ܬܐ܂ |
| 55:08 [ai] | ܘܐܢ ܫܡ̈ܗܐ ܕܛܿܒ̈ܬܐ ܘܕܒܝܼ̈ܫܬܐ ܕܐ̈ܬܝܢ ܗܝܿܕܝܢ ܫܡܼܥܬ ܘܐܬܬܥܼܝܩܬ܂ ܡܢܐ ܟܕ ܬܚܙܐ ܡܕܡ ܕܓܠܝܐ ܪܒܘܬܐ ܕܠܗܠܝܢ ܡܟܣ ܘܠܗܠܝܢ ܡܒܣܡ܀ |