The Comprehensive Aramaic Lexicon

56:01 [ai]	ܒܪܡ ܕܝܢ ܡܛܠ ܕܒܥܼܝܬ ܡܢ ܡܪܝܡܐ ܕܢܓܠܐ ܠܟ ܦܘܫܩܗ ܕܚܙܘܐ ܕܚܼܙܝܬ܂ ܐܫܬܠܚܬ ܐܢܐ ܕܐܡܿܪ ܠܟ܂
56:02 [ai]	ܕܡܘܕܥܘ ܐܘܕܥܟ ܚܝܠܬܢܐ ܕܘܒܪ̈ܐ ܕܙܒ̈ܢܐ ܕܥܒܼܪܘ ܘܕܐܝܠܝܢ ܕܥܬܝܕܝܢ ܕܢܥܒܪܘܢ ܒܥܠܡܗ ܂ ܡܢ ܪܝܫ ܒܪܝܬܗ ܘܥܕܡܐ ܠܫܘܠܡܗ܂ ܕܐܝܠܝܢ ܕܒܢܟܠܐ ܘܕܐܝܠܝܢ ܕܒܫܪܪܐ܂܂܂
56:03 [ai]	ܐܝܟܿܢܐ ܓܝܪ ܕܚܼܙܝܬ ܥܿܢܢܐ ܪܒܬܐ ܕܣܠܸܩܬ ܡܢ ܝܡܐ܂ ܘܐܙܸܠܬ ܘܟܣܝܬܗܿ ܠܐܪܥܐܼ܂ ܗܘܼܝܘ ܐܘܪܟܗ ܕܥܠܡܐ ܗܿܘ ܕܥܼܒܕ ܚܝܠܬܢܐ܂ ܟܕ ܐܬܚܫܒ ܕܢܥܒܕ ܥܠܡܐ܂
56:04 [ai]	ܘܗܼܘܐ ܕܟܕ ܢܦܩܼܬ ܗܘܬ ܡܠܬܐ ܡܢ ܩܕܡܘܗܝ܂ ܩܡ ܗܘܐ ܐܘܪܟܗ ܕܥܠܡܐ ܡܕܡ ܙܥܘܪ܂ ܘܐܬܬܩܢ ܐܝܟ ܣܘܓܐܐ ܕܣܘܟܠܗ ܕܗܿܘ ܕܫܠܚܗ܂
56:05 [ai]	ܘܐܝܟ ܕܚܙܼܝܬ ܩܕܡܝ ܒܪܝܫܗܿ ܕܥܢܢܐ ܡ̈ܝܐ ܐܘܟ̈ܡܐ ܕܩܕܡܝ ܢܚܬܘ ܥܠ ܐܪܥܐ܂ ܗܼܝ ܗܝ ܡܥܒܪܢܘܬܐ ܕܐܥܒܪ ܐܕܡ ܒܪܢܫܐ ܩܕܡܝܐ܂
56:06 [ai]	ܡܛܠ ܓܝܪ ܕܟܕ ܐܥܒܪ ܡܘܬܐ ܕܠܐ ܒܙܒܢܗ ܗܘܼܐ܂ ܘܐܒܠܐ ܐܫܬܡܗ܂ ܘܥܩܬܐ ܐܬܥܬܕܬܝ‍[‍܂‍]‍ ܘܟܐܒܐ ܐܬܒܪܝ܂ ܘܥܡܠܐ ܐܫܬܟܠܠ܂ ܘܫܘܒܗܪܐ ܫܪܝ ܕܢܬܩܝܡ܂ ܘܫܝܘܠ ܬܒܿܥܐ ܕܬܬܚܕܬ ܒܕܡܐ܂ ܘܢܣܒܐ ܕܒܢ̈ܝܐ ܗܼܘܬ܂ ܘܪܬܚܿܐ ܕܐܒܗ̈ܐ ܐܬܥܒܕ܂ ܘܪܒܘܬܐ ܕܐܢܫܘܬܐ ܐܬܡܟܸܟܬ܂ ܘܛܝܒܘܬܐ ܚܼܡܬ܂
56:07 [ai]	ܡܢܐ ܗܟܝܠ ܕܐܘܟܡ ܐܘ ܕܚܫܘܟ ܡܢ ܗܠܝܢ ܡܫܟܚ ܗܘܐ ܕܢܗܘܐ܂
56:08 [ai]	ܗܢܘ ܫܘܪܝܗܘܢ ܕܡ̈ܝܐ ܐܘܟܡ̈ܐ ܕܚܼܙܝܬ܂
56:09 [ai]	ܘܡܢ ܗܠܝܢ ܐܿܘܟ̈ܡܐ ܬܘܒܼ܂ ܐܘܟܡ̈ܐ ܡܬܝܠܕܝܢ ܗܘܘ܂ ܘܚܫܘܟ ܚܫܘ̈ܟܐ ܐܬܥܒܕ܂
56:10 [ai]	ܗܼܘ ܓܝܪ ܠܢܦܫܗ ܗܼܘܐ ܩܝܢܕܘܢܘܣܼ܂ ܐܦ ܠܡܠܐ̈ܟܐܼ ܗܼܘܐ ܩܝܢܕܘܢܘܣ܂
56:11 [ai]	ܬܘܒ ܓܝܪ ܒܗܿܘ ܙܒܢܐ ܕܐܬܒܪܝ ܒܗ܂ ܐܝܬ ܗܘܐ ܠܗܘܢ ܚܐܪܘܬܐ܂
56:12 [ai]	ܘܢܚܬܘ ܡܢܗܘܢ ܘܐܬܚܠܛܘ ܥܡ ܢܫ̈ܐ܂
56:13 [ai]	ܘܗܝܿܕܝܢ ܐܝܠܝܢ ܕܗܟܢܐ ܥܼܒܕܘܼ܂ ܒܐܣܘܪ̈ܐ ܐܫܬܢܩܘ܂
56:14 [ai]	ܫܪܟܐ ܕܝܢܿ ܕܣܘܓܐܐ ܕܡܠܐ̈ܟܐ ܕܡܢܝܢ ܠܝܬ ܠܗܘܢ ܐܬܟܠܝܘ܂
56:15 [ai]	ܘܐܝܠܝܢ ܕܥܡܿܪܝܢ ܗܘܘ ܒܐܪܥܐ ܐܒܼܕܘ ܐܟܚܕܐ܂ ܒܝܕ ܡ̈ܝܐ ܕܛܘܦܢܐ܂
56:16 [ai]	ܗܠܝܢ ܐܢܘܢ ܡ̈ܝܐ ܩܕܡ̈ܝܐ ܐܘܟܡ̈ܐ܀

next chapter