Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 61:01 [ai] | ܘܡ̈ܝܐ ܫܬܝܬ̈ܝܐ ܢܗܝܪ̈ܐ ܕܚܼܙܝܬ܂ ܗܿܘ ܗܘ ܙܒܢܐ ܕܐܬܝܠܕ ܒܗ ܕܘܝܕ ܘܫܠܝܡܘܢ܂ |
| 61:02 [ai] | ܘܗܼܘܐ ܒܗܿܘ ܙܒܢܐ ܒܢܝܢܗܿ ܕܨܗܝܘܢ܂ ܘܚܘܕܬܐ ܕܒܝܬ ܡܩܕܫܐ܂ ܘܐܫܼܕ ܕܡܐ ܣܓܝܐܐ ܕܥܡ̈ܡܐ ܕܚܛܘ ܗܝܿܕܝܢ܂ ܘܩܘܪ̈ܒܢܐ ܣܓܝ̈ܐܐ ܕܐܬܩܪܒܘ ܗܝܿܕܝܢ ܒܚܘܕܬܐ ܕܒܝܬ ܡܩܕܫܐ܂ |
| 61:03 [ai] | ܘܫܠܡܐ ܘܫܝܢܐ ܒܗܿܘ ܙܒܢܐ ܩܐܿܡ ܗܘܐ܂ |
| 61:04 [ai] | ܘܚܟܡܬܐ ܒܟܢܘܫܬܐ ܡܫܬܡܥܐ ܗܘܬ܂ ܘܥܘܬܪܐ ܕܣܟܘܠܬܢܘܬܐ ܒܟܢ̈ܫܐ ܡܬܪܘܪܒ ܗܘܐ܂ |
| 61:05 [ai] | ܘܥܐܕ̈ܐ ܕܩܕܝܫܘܬܐ ܒܛܒܘܬܐ ܘܒܒܘܣܡܐ ܣܓܝܐܐ ܡܫܬܠܡܝܢ ܗܘܘ܂ |
| 61:06 [ai] | ܘܕܝܢܼܐ ܕܡܕܒܪ̈ܢܐ ܗܝܿܕܝܢ ܕܠܐ ܢܟܠܐ ܡܬܚܙܐ ܗܘܐ܂ ܘܙܕܝܩܘܬܐ ܕܦܘܩܕܢ̈ܘܗܝ ܕܚܝܠܬܢܐ ܒܫܪܪܐ ܡܫܬܡܠܝܐ ܗܘܬ܂ |
| 61:07 [ai] | ܘܐܪܥܐ ܕܐܬܪܚܡܬ ܗܿܝܕܝܢ ܒܗܿܘ ܙܒܢܐ܂ ܘܡܛܠ ܕܠܐ ܚܿܛܝܢ ܗܘܘ ܥܡܘܪ̈ܝܗܼܿ܂ ܝܬܝܪ ܡܢ ܟܠܗܝܢ ܐܪ̈ܥܬܐ ܡܫܬܒܚܐ ܗܘܬ܂ ܘܨܗܝܘܢ ܡܕܝܢܬܐ ܗܝܿܕܝܢ ܫܠܝܛܐ ܗܘܬ ܥܠ ܟܠ ܐܪ̈ܥܬܐ ܘܐܬܪ̈ܘܬܐ܂ |
| 61:08 [ai] | ܗܠܝܢ ܐܢܘܢ ܡ̈ܝܐ ܢܗܝܪ̈ܐ ܕܚܙܼܝܬ܀܀ |