Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 64:01 [ai] | ܘܡ̈ܝܐ ܕܬܫܥܐ ܐܘܟܡ̈ܐ ܕܚܼܙܝܬܼ܂ ܗܿܘ ܗܘ ܟܘܠܗ ܪܘܫܥܐ ܕܗܼܘܐ ܒܝܘܡ̈ܬܗ ܕܡܢܫܐ ܒܪ ܚܙܩܝܐ܂ |
| 64:02 [ai] | ܡܛܠ ܕܣܓܝ ܐܪܫܥ܂ ܘܙܕܝ̈ܩܐ ܩܛܼܠ ܘܕܝܼܢܐ ܨܠܼܐ܂ ܘܕܡܐ ܙܟܝܐ ܐܫܼܕ܂ ܘܢܫ̈ܝ ܓܒܪ̈ܐ ܒܩܛܝܪܐ ܛܡܐ܂ ܘܣܚܦ ܡܕܒ̈ܚܐ ܘܩܘܪ̈ܒܢܝܗܘܢ ܒܿܛܠ܂ ܘܟ̈ܗܢܐ ܐܦܩ ܕܠܐ ܢܫܡܫܘܢ ܒܝܬ ܡܩܕܫܐ܂ |
| 64:03 [ai] | ܘܥܼܒܕ ܨܠܡܐ ܕܚܡܫ ܐ̈ܦܝܢ܂ ܐܪܒܥ ܡܢܗܝܢ ܚܝܪ̈ܢ ܠܐܪܒܥ ܪ̈ܘܚܝܢ܂ ܘܚܡܝܫܝܬܐ ܥܠ ܪܝܫܗ ܕܨܠܡܐ܂ ܐܝܟ ܕܠܘܩܒܠ ܛܢܢܗ ܕܚܝܠܬܢܐ܂ |
| 64:04 [ai] | ܘܗܝܿܕܝܢ ܢܦܼܩ ܪܘܓܙܐ ܡܢ ܩܕܡ ܚܝܠܬܢܐ ܐܝܟ ܕܬܬܥܩܪ ܨܗܝܘܢ܂ ܐܝܟ ܕܐܦ ܓܼܕܫ ܒܝܘܡ̈ܬܟܘܢ܂ |
| 64:05 [ai] | ܐܠܐ ܐܦ ܥܠ ܬܪܝܢ ܫܒ̈ܛܝܢ ܘܦܠܓܗ ܢܦܼܩ ܓܙܪ ܕܝܢܼܐ ܕܐܦ ܗܼܢܘܢ ܢܫܬܒܘܢ ܐܝܟ ܕܚܼܙܝܬ ܗܫܐ܂ |
| 64:06 [ai] | ܘܥܕܡܐ ܠܗܟܢܐ ܣܓܼܝ ܪܘܫܥܗ ܕܡܢܫܐ܂ ܐܝܟ ܕܬܫܒܘܚܬܗ ܕܡܪܝܡܐ ܬܪܚܩ ܡܢ ܒܝܬ ܡܩܕܫܐ܂ |
| 64:07 [ai] | ܡܛܠ ܗܢܐ ܡܢܫܐ ܒܗܢܐ ܙܒܢܐ ܐܫܬܡܗ ܪܫܝܥܐ܂ ܘܒܚܪܝܬܐ ܒܢܘܪܐ ܗܼܘܐ ܡܥܡܪܗ܂ |
| 64:08 [ai] | ܟܕ ܓܝܪ ܐܫܬܡܥܬ ܒܥܘܬܗ ܠܘܬ ܡܪܝܡܐ܂ ܒܐܚܪܝܬܐ ܟܕ ܢܦܼܠ ܒܣܘܣܝܐ ܕܢܚܫܐ ܘܐܬܦܫܪ ܣܘܣܝܐ ܕܢܚܫܐ܂ ܘܗܘܬ ܠܗ ܐܬܐ ܠܫܥܬܐ܂ |
| 64:09 [ai] | ܠܐ ܗܘܐ ܓܝܪ ܡܫܠܡܢܐܝܬ ܚܝܼܐ܂ ܐܦ ܠܐ ܓܝܪ ܫܘܿܐ ܗܘܐ܂ ܐܠܐ ܕܡܢ ܗܫܐ ܢܕܥ܂ ܕܒܐܚܪܝܬܐ ܡܢ ܡܼܢܘ ܐܝܬ ܠܗ ܕܢܫܬܢܩ܂ |
| 64:10 [ai] | ܗܿܘ ܓܝܪ ܕܡܨܿܐ ܕܢܛܐܒ ܐܦ ܕܢܫܢܩ ܡܨܼܐ܂܀ |