Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 67:01 [ai] | ܘܡ̈ܝܐ ܕܚܕܥܣܪ ܐܘ̈ܟܡܐ ܕܚܙܼܝܬܼ܂ ܗܕܐ ܗܝ ܒܝܼܫܬܐ ܕܓܕܿܫܐ ܗܫܐ ܠܨܗܝܘܢ܂ |
| 67:02 [ai] | ܐܘ ܣܒܼܪܬ ܕܠܝܬ ܠܗܘܢ ܥܩܬܐ ܠܡܠܐ̈ܟܐ ܩܕܡ ܚܝܠܬܢܐܿ܂ ܕܗܟܢܐ ܐܫܸܬܠܡܬ ܨܗܝܘܢ܂ ܘܕܗܐ ܥܡܡ̈ܐ ܡܫܬܒܗܪܝܢ ܒܠܒܘ̈ܬܗܘܢ ܘܟܢ̈ܫܐ ܩܕܡ ܦܬܟܪ̈ܝܗܘܢ ܘܐܡܿܪܝܢ܂ ܐܬܕܸܝܫܬ ܗܿܝ ܕܙܒܢܐ ܣܓܝܐܐ ܕܫܬ܂ ܘܐܫܬܸܥܒܕܬ ܗܿܝ ܕܡܫܥܒܕܐ ܗܘܬ܂ |
| 67:03 [ai] | ܣܒܼܪܬ ܕܒܗܠܝܢ ܚܿܕܐ ܡܪܝܡܐܼ܂ ܐܘ ܫܡܗ ܡܫܬܒܚܼ܂ |
| 67:04 [ai] | ܐܠܐ ܡܢܐ ܢܗܘܐ ܠܕܝܼܢܗ ܟܐܢܐ܂ |
| 67:05 [ai] | ܐܠܐ ܡܢ ܒܬܪ ܗܠܝܢ ܢܬܬܚܕܘܢ ܒܐܘܠܨܢܐܼ܂ ܐܝܠܝܢ ܕܐܬܒܕܪܘ ܒܝܬ ܥܡ̈ܡܐ܂ ܘܒܚܣܕܐ ܢܥܡܪܘܢ ܒܟܠ ܐܬܪ܂ |
| 67:06 [ai] | ܡܛܠ ܕܟܡܐ ܕܨܗܝܘܢ ܡܫܠܡܐ ܘܐܘܪܫܠܡ ܚܪܒܐ܂ ܘܦܬܟܪ̈ܐ ܒܡܕܝ̈ܢܬܐ ܕܥܡ̈ܡܐ ܡܨܠܚܝܼܢ܂ ܘܥܛܪܐ ܕܬܢܢܐ ܕܒܣܡ̈ܐ ܕܙܕܝܩܘܬܐ ܕܡܢ ܢܡܘܣܐ ܕܥܼܟ ܡܢ ܨܗܝܘܢ܂ ܘܒܐܬܪܗܿ ܕܨܗܝܘܢ ܒܟܠ ܕܘܟܼ܂ ܗܐ ܬܢܢܐ ܕܪܘܫܥܐ ܐܝܬ ܒܗܿ܂ |
| 67:07 [ai] | ܐܠܐ ܢܩܘܡ ܡܿܠܟܐ ܕܒܒܠ ܗܿܘ ܕܣܚܦ ܗܫܐ ܠܨܗܝܘܢ܂ ܘܢܫܬܒܗܪ ܥܠ ܥܡܐ܂ ܘܢܡܠܠ ܪ̈ܘܪܒܬܐ ܒܠܒܗ ܩܕܡ ܡܪܝܡܐ܂ |
| 67:08 [ai] | ܐܦ ܗܼܘ ܕܝܢ ܒܐܚܪܝܬܐ ܢܦܼܠ܂ ܗܠܝܢ ܐܢܘܢ ܡ̈ܝܐ ܐܘ̈ܟܡܐ ܂܂ |