Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 82:01 [ai] | ܡܛܠ ܗܢܐ ܐܚ̈ܝ ܟܬܒܬ ܠܟܘܢܼ܂ ܕܐܝܟܢܐ ܬܬܒܝܐܘܢ ܡܢ ܣܘܓܐܐ ܕܥܩ̈ܬܟܘܢ |
| 82:02 [ai] | ܗܘܼܝܬܘܢ ܕܝܢ ܝܕܥܝܢܼ܂ ܕܡܬܬܒܼܥ ܬܒܿܥ ܠܢ ܥܒܘܕܢ ܡܢ ܟܠܗܘܢ ܒ̈ܥܠܕܒܒܝܢܼ܂ ܐܝܟ ܟܠ ܡܐ ܕܥܒܼܕܘ ܠܢ܂ ܐܦ ܕܝܬܝܪܐܝܬ ܩܪܝܒ ܗܘܼ ܫܘܠܡܐ ܕܥܒܿܕ ܡܪܝܡܐ܂ ܘܪ̈ܚܡܼܘܗܝ ܕܢܐܬܘܢ܂ ܘܠܐ ܗܘܐ ܪܚܝܩ ܫܘܠܡܐ ܕܕܝܢܼܗ |
| 82:03 [ai] | ܗܐ ܓܝܪ ܚܙܝܢܢ ܗܫܐ ܣܘܓܐܐ ܕܡܨܠܚܢܘܬܗܘܢ ܕܥܡ̈ܡܐܼ܂ ܟܕ ܗܼܢܘܢܼ ܡܪ̈ܫܥܝܢ܂ ܐܠܐܼ ܠܗܒܠܐ ܗܘ ܕܡܿܝܢ |
| 82:04 [ai] | ܘܚܝܪܝܢ ܚܢܢ ܒܣܘܓܐܐ ܕܐܘܚܕܢܗܘܢܼ܂ ܟܕ ܗܼܢܘܢ ܡܥܘܠܝܢ܂ ܐܠܐܼ ܠܢܘܛܦܬܐ ܢܬܿܕܡܘܢ |
| 82:05 [ai] | ܘܚܿܙܝܢ ܚܢܢ ܫܘܪܪܗ ܕܚܝܠܗܘܢܿ܂ ܟܕ ܗܼܢܘܢ ܠܘܩܒܠ ܚܝܠܬܢܐ ܩܝܡܝܼܢ ܒܟܠ ܫܥܐ܂ ܐܠܐܼ ܐܝܟ ܪܘܩܐ ܢܬܚܿܫܒܘܢܿ |
| 82:06 [ai] | ܘܡܬܿܚܫܒܝܢ ܚܢܢ ܥܠ ܬܫܒܘܚܬܐ ܕܪܒܘܬܗܘܢܿ܂ ܟܕ ܗܼܢܘܢܼ ܠܐ ܢܛܪܝܢ ܦܘܩ̈ܕܢܘܗܝ ܕܡܪܝܡܐ܂ ܐܠܐܼ ܐܝܟ ܬܢܢܐ ܢܥܼܒܪܘܢ |
| 82:07 [ai] | ܘܪܢܝܢܢ ܥܠ ܫܘܦܪܐ ܕܚܝܘܬܗܘܢ܂ ܟܕ ܗܼܢܘܢܼ ܒܛܢܦܘܬܐ ܡܬܿܕܒܪܝܢ܂ ܐܠܐܼ ܐܝܟ ܥܣܒܐ ܕܚܿܡܐ ܢܐܒܫܘܢ |
| 82:08 [ai] | ܘܡܬܚܫܒܝܢܢ ܥܠ ܥܘܫܢܐ ܕܩܫܝܘܬܗܘܢܼ܂ ܟܕ ܗܼܢܘܢ ܚܪܬܐܼ ܠܐ ܡܿܬܕܟܪܝܢ܂ ܐܠܐܼ ܐܝܟ ܓܠܐ ܕܥܒܿܪ ܢܫܿܬܚܩܘܢ |
| 82:09 [ai] | ܘܡܬܒܝܢܝܢ ܚܢܢ ܥܠ ܫܘܦܪܐ ܕܚܝܠܗܘܢܼ܂ ܟܕ ܗܼܢܘܢ ܟܦܪܝܢ ܒܛܝܒܘܬܗ ܕܗܿܘ ܕܝܗܼܒ ܠܗܘܢ܂ ܐܠܐܼ ܐܝܟ ܥܢܢܐ ܕܥܒܪܐ ܢܥܒܪܘܢ |