← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62071: P ApocBar

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

83:01 [ai]ܡܪܝܡܐ ܓܝܼܪ ܡܣܼܪܗܒܘ ܡܣܪܗܒ ܙܒܢ̈ܘܗܝ܂ ܘܡܝܬܝܘ ܡܝܿܬܐ ܥܕܢ̈ܘܗܝ
83:02 [ai]ܘܡܕܢ ܢܕܘܢ ܠܐܝܠܝܢ ܕܒܥܠܡܗ܂ ܘܢܦܩܘܕ ܒܫܪܪܐܼ ܟܠ ܡܕܡ ܒܐܝܕܐ ܕܟܘܠ ܥܿܒ̈ܕܝܗܘܢ ܕܒܛܘܫܝܐ
83:03 [ai]ܘܡܒܼܨܐ ܢܒܼܨܐ ܡܚܫ̈ܒܬܐ ܟܣ̈ܝܬܐ܂ ܘܟܠ ܕܒܬܘܢܐ ܕܒܟܠܗܘܢ ܗ̈ܕܡܐ ܕܒܪܢܫܐ ܣܝܡ܂ ܘܠܓܠܝܐ ܩܕܡ ܟܠܢܫܼ ܒܟܐܬܐ ܡܿܦܩ
83:04 [ai]ܡܟܝܠ ܠܐ ܢܣܩ̈ܢ ܥܠ ܠܒܟܘܢ ܚܕܐ ܡܢ ܗܠܝܢ ܕܩܝ̈ܡܢ܂ ܐܠܐ ܝܬܝܪܐܝܬ ܢܣܿܟܐܼ܂ ܡܛܠ ܕܐܬܐ ܗܿܘ ܡܕܡ ܕܡܠܼܝܟ ܠܢ
83:05 [ai]ܘܠܐ ܢܚܘܪ ܗܫܐ ܒܦܘܢܩܗܘܢ ܕܥܡ̈ܡܐ܂ ܐܿܠܐ ܢܿܬܕܟܪܼ ܡܕܡ ܕܠܚܪܬܐ ܡܠܝܟ ܠܢ
83:06 [ai]ܡܛܠ ܕܡܥܒܪ ܥܒܪ̈ܝܢ ܬܚ̈ܘܡܝܗܘܢ ܕܙܒ̈ܢܐܼ ܘܕܥ̈ܕܢܐ܂ ܘܟܠ ܕܐܝܬ ܒܗܘܢܼ ܐܟܚܕܐ
83:07 [ai]ܒܫܘܠܡܗ ܕܝܢ ܕܥܠܡܐܼ܂ ܗܝܕܝܢ ܢܚܘܼܐ ܚܝܠܗ ܪܒܐ ܕܡܕܒܪܢܗܿ܂ ܟܕ ܟܘܠ ܡܕܡ ܢܐܬܐ ܠܕܝܢܼܐ
83:08 [ai]ܐܢܬܘܢ ܗܟܝܠܼ ܐܬܩܢܘ ܠܒ̈ܘܬܟܘܢ ܠܡܕܡ ܕܡܢ ܩܕܝܡ ܗܝܡܢܬܘܢܼ܂ ܕܠܐ ܡܢ ܬܪ̈ܝܗܘܢ ܥ̈ܠܡܐܿ ܬܬܼܚܕܘܢ܂ ܕܗܫܐ ܐܫܬܼܒܝܬܘܢܿ܂ ܘܬܘܒܼ ܬܫܬܿܢܩܘܢ
83:09 [ai]ܡܕܡ ܓܝܪ ܕܩܝܼܡ ܗܫܐ ܐܘ ܕܥܒܿܪ ܐܘ ܕܐܬܐ ܒܟܠܗܝܢ ܗܠܝܢܼ܂ ܐܦ ܠܐ ܒܝܫܼܬܐ ܒܝܫܼܐ ܡܠܝܐܝܬܼ܂ ܐܦ ܠܐ ܛܒܬܐ ܬܘܒ ܓܡܝܪܐܝܬ ܛܒܬܐ ܐܝܬܝܗܿ
83:10 [ai]ܟܘܠ ܓܝܪ ܚܘ̈ܠܡܢܐ ܕܗܫܐܼ ܗܦܟܝܢ ܠܟܘܪ̈ܗܢܐ
83:11 [ai]ܘܟܠ ܚܝܠܬܢܘܬܐ ܕܗܫܐܼ܂ ܗܿܦܟܐܼ ܠܡܚܝܠܘܬܐ܂ ܘܟܠ ܥܘܫܢܐ ܕܗܫܐܼ ܗܿܦܟܼ ܠܕܐܘܘܐܢܐ
83:12 [ai]ܘܟܘܠ ܥܘܙܐ ܕܥܠܝܡܘܿܬܐܿ ܗܿܦܟ ܠܣܝܒܘܬܐܼ ܘܠܫܘܠܡܐ܂ ܘܟܠ ܫܘܦܪܐ ܕܝܐܝܘܬܐ ܕܗܫܐܼ܂ ܗܿܦܟ ܚܿܡܐܼ ܘܡܿܣܬܼܢܐ
83:13 [ai]ܘܟܠ ܐܘܚܕܢܐ ܕܫܒܗܪܢܘܬܐ ܕܗܫܐܼ܂ ܗܿܦܟ ܠܫܦܠܐܼ ܘܠܒܗܬܬܐ
83:14 [ai]ܘܟܘܠ ܫܘܒܚܐ ܕܪܡܘܬܐ ܕܗܫܐܼ܂ ܗܿܦܟ ܠܒܗܬܬܐ ܕܫܬܩܐ܂ ܘܟܠ ܓܐܝܘܬܐ ܘܚܬܝܪܘܬܐ ܕܗܫܐܼ܂ ܗܿܦܟܐܼ ܠܡܦܘܠܬܐ ܕܫܠܝܐ
83:15 [ai]ܘܟܠ ܦܘܢܩ̈ܐ ܘܒܘܣ̈ܡܐ ܕܗܫܐܼ܂ ܗܿܦܟ ܠܪܡܼܬܐܼ ܘܠܚܿܒܠܐ
83:16 [ai]ܘܟܠ ܩܥܬܐ ܕܫܘܒܗܪܐ ܕܗܫܐܼ܂ ܗܿܦܟܐ ܠܥܦܪܐܼ ܘܠܫܬܩܐ
83:17 [ai]ܘܟܠ ܩܢܝܢܐ ܘܥܘܬܪܐ ܕܗܫܐܿ ܗܿܦܟ ܠܫܝܘܠܼ ܒܠܚܘܕܘܗܝ
83:18 [ai]ܘܟܘܠ ܚ̈ܛܘܦܝܐ ܕܪܓܬܐ ܕܗܫܐܼ܂ ܗܦܟܝܢ ܠܡܘܬܐܼ ܕܠܐ ܒܨܒܝܢܗܘܢ܂ ܘܟܠ ܪܓܬܐ ܕܚܫ̈ܐ ܕܗܫܐܼ܂ ܗܦܟܐ ܠܕܝܢܼܐ ܕܬܫܢܝܩܐ
83:19 [ai]ܘܟܠ ܨܢܝܥܘܬܐ ܘܚܪܥܘܬܐ ܕܗܫܐܼ܂ ܗܿܦܟܐܼ ܠܡܟܣܿܢܘܬܐ ܕܫܪܪܐ
83:20 [ai]ܘܟܠ ܚܠܝܘܬܐ ܕܡܫܚ̈ܢܐ ܕܗܫܐܼ܂ ܗܿܦܟܐ ܠܕܝܢܼܐܼ ܘܠܚܝܒܘܬܐ
83:21 [ai]ܘܟܠ ܪܚܡܘܬܐ ܕܫܘܩܪܐܼ܂ ܗܿܦܟܐ ܠܚܣܕܐܼ ܒܩܘܫܬܐ
83:22 [ai]ܟܕ ܗܠܝܢ ܗܟܝܠ ܟܠܗܝܢ ܗ̈ܘܝܢ ܗܫܐܼ܂ ܣܒܿܪ ܐܢܫܼ ܕܠܐ ܡܬ̈ܬܒܥܢ
83:23 [ai]ܫܘܠܡܐ ܕܝܼܢ ܕܟܠܼ ܠܫܪܪܐ ܢܐܬܐ